يسعد صباحكم

انا مشكلتي مع صاحبي قبل اسبوعين زواجه والله مااعتبره الا اخوي يالي ماجبته امي
في يوم زواجه طلب مني اروح معاه للاحلاق ورحت معاه وطلب مني سيارتي اسبوع
طبعا سيارتي كنت شاريها من قبل زواجه بيومين ومابغيت افشله كنت فرحان له
قلت تحت امرك سيارتي انا اشتريتها لئن بتكون سيارة العمر وبيكون زواجي بعد عيد الفطر ذا ان شاء الله
طلب مني اجهز له الشقه يكون في حركات دلع للعرسان وطلبت لهم عشاء
المهم كلمت اخوياي وقلت ابغي فزعتكم نبغي نسوي له زفه مسيره للعريس الى القصر
والله ماقصرو وراح 3 من اخوياي قدامنا واستقبلونا بالرشاش يعني ماقصرنا معاه ولا اتمنن عليه
انا ماكتبت مشكله الا من القهر لشكيت ل اخوياي بياخذو فكره عنه سيئه وانا مابغي الشين له
انا كتبت المشكله بالمنتدى انتم مارح تعرفوني ولاتعرفو صاحبي ولا ابغي منكم تدعو عليه
ادعو له ان الله يهدي
المشكله صاحبي بعد اسبوع كلمته عن السياره قال انا بدبي وبتجيك سيارتك انا تفشلت
من اخواني كل يوم اخذ سيارة واحد من اخواني يسالوني وين سيارتك عطنا رقم صاحبك ونكلمه
المهم بعد اسبوعين اتصل علي وقال اخوي بيجيك ذحين وقلت مشكور اخوه جاب السياره وراح
مع واحد من اخوياه تفاجئة الاكياس يالي عالمراتب منتفه تنتيف وعالكرسي شوكلت وعصير
السياره مرا وسخه والبنزيم ربع مع اني فللت الموتر عشانه والسياره فيها صوت
انا انقهرت اتصلت عليه مايرد وكل ماجي عند بيته يقولو موموجود سالت اخوه قال
انا مالي شغل اخوي اعطاني السياره كذا وسمعت من بعض الاشخاص انه زعلان
عشان جبت له 500 عانيه والله ثم والله انه قليله بحقه بس اقساط السياره كاسره ظهري
شريت السياره 250 وكاله وسمعت انه زعلان ان اخوياي ماجابو عانيه
واخوياي مالهم شغل حتى وصلونا عند الباب وراحو حضرو المسيره عشاني
انتو قولو لي وش الحل معاه اقابله خايف اقابله واجلده او انسى الموضوع واقطع علاقتي معاه
والله مقهوور انا ولا مره طلبني شي وقلت له لا ليش الحركات ذي