الله يشفيه يارب ...!!
 

السلام عليكم ورحمة الله وبركاته


لي سنتين متزوجه كان زوجي اسلوبه معي حلو وكنا نطلع نسافر خارج المملكه او داخلها
وقبل شهر صار عليه حادث واصيب شلل نصفي لما سمعت الخبر شوي بجن مو اعتراض
على قدر الله لا كنت خايفه على نفسيته وكنت اهديه لكن اسلوبه تغير اخوانه وعمي وعمتي
يقولو تحملي شوي شريت له كرسي المتحرك طبي كلفني 8 الاف بايعه طقم من الاطقم يالي عندي يقولي انتي فرحانه اني انشليت واذا اجتمعنا عند اهله لازم يتلفظ علي ياحماره
يالكلبه محشومين انقلعي واوقات يصدر من حركات استحي اكتبها امه تبكي عندي تقول
تكفين اتحمليه الله اللي ابتلاه شذنبي اسهر الليل اذا شفته بينتقل من السرير للكرسي
بجي اساعده بشيله يقول انقلعي مابغي ولما جاء ينتقل من السرير للكرسي تحرك الكرسي
طاح وجلس يسبني ويسب اهلي وكلام وسخ يقول انتي السبب ورفعته على الكرسي
وراح وانتو بكرامه الحمام جيت وراه قال لاتلحقيني انقلعي نامي رحت راقبته من بعيد
لما دخل طاح وانتو بكرامه بالحمام ويقول انتي السبب وكلام وسخ
ورفعته لما يجي ينام يعطيني ظهره لما اصحى الفجر احصل الوساده غرقانه دموع
لي شهر ماازرت اهلي بس اكلمهم يقول روحي انا مابغي اروح خايفه عليه
يقول الي قدامك مو رجال تصرفاته تغيرت مو الي اخذته
اخوانه جابو طبيب نفسي جالس يصارخ ويبكي ويتلفظ على اخوانه حتى ابوه ماسلم من كلامه
قال شايفيني مجنون اصحابه الي قبل يزوروه ماعاد يكلمونه ولايزورونه بس وقت الحادث زاروه
بعدين ماعاد يكلمونه وعزايم مايحظر انا حتى ماصرت احظر
انا الحمدلله راضيه الي كتبه الله له بس اسلوبه مرا اوفر جاراتي اذا زاروني اتلفظ عليهم
الله يشفيه يارب ويرجع مثل اول واحسن
انا سجلة عضويه مادري مين اتكلم معاه قلت ممكن تعرفون احد نفسيته كذا واتعالج
تعبت والله

تمت الموافقه
......

مشكوره حبيبتي

آول ششي آلحمدلله ع سسلآمته
وربي يتمم شفآئه
هي ي آختي مرحله وبتعدي آن شآء الله
دآمهه تكلم ع آبوهه آللي هو آغلى من هآلكون
فتآكدي آنه بيرجع مثل آول
يحتآجج صصبر ي وخيه
وآحمدي الله دآئمآ ي وخيه
وهو محتآج لك كثير
آعطيك قصصه قصصيره
آخوي صآر له حآدث وصآر له كسر بفخذه
وركبو له صيخ ولمآ جبنآه للبيت آنوآع آلكلآم يقوله لنآ
بآنوعه سب شتم آلى آلخ ..
بس حنآ عآرفين معدنه قبل آلحآدث وآلحمدلله
فآنتي عآرفه معدن زوجك وطيبته
فلآ تخلينه ي وخيه
نصيحه آصصصبري عليه وصدقيني بكره آن شآء الله بيتشآفى
وبيعرف آنكك وقفتي معآه حيل
ونتي زوجته وهو زوجك

آسئل الله آن يششفيه ويعآفيه لك ويرجعه لك آححسن من آول
وعسى ربي يفرحكم ببعض

لاحول ولا قوة الا بالله ,,
اسمعي اختي باين انك انسانه متربيه زين وتعرفين الاصول وسنعه عشان كذا واقفه معه ومستحمله,, نصيحتي لك حاولي تستحملين اكثر قربي منه حسسيه انك معه مهما سوا الرجال احيانا كالطفل يحتاج احد يحن عليه ,, الحاله الي هو فيها اتعبت نفسيته بس اصبري وكوني قريبه منه حيل انا عارف انه يغلط عليك بس انتي بنت اصول حاولي تكوني قريبه منه وتلمسين قلبه انه انا معك وبضل معك ماراح اخليك ابدا ,,

المشكله نفسيه وان شآء الله تنحل ,,
ربي يفك ازمتكم وترجع حياتكم كما كانت

حمدلله على سلامته , وربي يلين قلوبكم على بعض

هالتصرفات اللي قاعد يسويها زوجك كلها أمور نفسيه

مايحب أحد يناظره بنظرة الشفقة وانه خلاص لاحول له ولاقوه

فخليك طبيعية معاه وسولفي معه وسوي واجباتك وكأنه أبدا ما فيه شيء

وأهله كمان خليهم يوقفوا معك يزورون ويضحكون عادي
أهم شيء لا تحسسوه إنه عاجز,

وبالنسبة لفكرة الطبيب النفسي
أبداً ما أشوفها فكره صائبة بها لفتره الواحد يكون حساس
والشيء اللي بدر منه شيء متوقع وطبيعي جداً

فتره وتعدي أهم شيء إنك تتصدقي كثير وتستغفري

وربي يفرج عليك