|
، خربت على أختها العرض 😅 https://video.twimg.com/ext_tw_video...GQHeE1F9rk.mp4 هههههههههههههههههههههہ .‹ =)):'(:OX_X<3 |
,  هذي الحركه كانت تسويها اختنا الصغيره حتى في الشارع واحنا طالعين من المدرسه كل ما احد زعلها تسدحت لنا على الارض وتفحط برجولها واختي الكبيره كانت قاسيه تقومها من شعرها يلا البيت وسبحان الله كبرت وصارت اعقلنا :138: |
, قلتُ لك وداعاً لتتمسكُ بي بكامل قوتك ليس لتترُكني ,,! |
, قريب ان شاءالله بيكون زواج اخوي قام اخوي المتزوج يبغى يتزوج زيه :nosweat: ومعزم مره والناس ترحب فيه وهو عاجبه طيب وحرمتك واولادك يقول مره مابقصر في حقهم والمصيبه يبغى اشوف له من صحباتي هههههه صراحه هو بزواجه هذا موسعيد وانا ما ابغى اخذ ذنب حرمته بكره تدور الدنيا عليا ويصير لي زي ماصار لها ومقرر يخطب وحده ويبغاني اشوفها ومحتاره وش اسوي اذا رفضت اروح معهم بيزعل علي وهو اقرب اخواني لي والشئ الثاني اخاف البنت ماتكون بنفس المواصفات اللي هو طالبها واكون سبب في قطع نصيبها جد مدري وش اسوي واهل البنت ماعندهم نظره شرعيه :m9: |
, فتره تجيني تخليني احب كل شئ عن الحب حتى لو ماعشت كل لحظاته لكن احس فيها واشوفه شئ عظيم والعظمه لربنا وحده ومره اكره كل شئ عنه احسه تافه وشئ غبي لكن صدق الحب جميل حرام ماينعاش بشرف ,,! |
 |
, أشياء كثيرة يجب أن تبتعد عنها كي تراها بوضوح ، البُعد ليس مؤذي دائمًا ,,# |
, عندنا عروسه بكرا عندها بروفه هذي ثالث بروفه لها وكل شوي تعدل شئ :13: مومقتنعه في فستانها برغم انه جميل مره وناعم تخيلوا تجربه علينا عشان تشوفه كيف على الطبيعه تشك بالمرايا هههههههههههههه جد يابنات الفستان لما يكون منفوش تحسي نفسك تطيري احساس غريب وجميل :نبض: ومن بعد ماجربنا النفشه قررنا نلبس شئ منفوش زيها واكيد لونه غير الابيض , احس بيكون شئ مميز وبعد البروفه عندنا تسجيل لشريط زفتها متحمسين اكثر شئ له المهم بكرا ان شاء الله يكون يوم جميل :نبض::نبض::نبض: |
, https://www.************/watch?v=_R5kRhOkq1U هذا المقطع كل ما اشوفه احسني اشوفه ل اول مره جداً مؤثر حتى لو شفتوه شوفوه مره ثانيه الله يجعلنا من عباده المتقيين الخاشعين . |
, :30:  |
, و الله موقفك صعب ، يمكن لو ما تتدخلين ف ذا الموضوع احسن ، النور ؛ انا والله ما ابغى ادخل في الموضوع من اساسه اه يا النور من مايحب راحة نفسه وضميره لكن انا عطيته رائي لو يبغى يخطب يخطب عند ناس عادي النظره الشرعيه عندهم ويشوفها لان بالاخير هو اللي بيعيش معها وانا بصراحه يهمني اكثر شئ ان اخوي يعيش بسعاده سواً مع حرمته او وحده ثانيه . , اسعدني كثير وجودك هنا نور :رحيق: :نبض: |
, يقولون ادخل في جنازه ولاتدخل في زواجه ، اذا يهمك اخوك غيري من زوجته وانصحيها لوجه الله بشكل غير مباشر ان تعدلت فمن حسن ظنك وان ماتعدلت خليها عليه وع ربك كل رجل يفهم زوجته ، اما الحب ماجربته كنت ناويه اجربه وانشغلت لذلك سحبت ع الفكره ؛ صدقتي اسيره يوه ياما أكلت نصايح منا ومن اهلها , ابو طبيع مايجوز عن طبعه :9: ايوه وانا مخليتهم في حالهم انا اللي فيني كافيني وماشاءالله اخوي رجال يقدر يضبط اموره بيده السلطه , نجي للحب :ياعبيط: اسيره والله ثم والله الحب ماينتظرك تجربيه هو اللي يجربك حتى لو من بعيد اصبري له جايك هههههههههههه وان شاء الله حبكم يكون عظيم وتعيشيه بسلام :نبض: كثير ممنونه لوجودك بالقرب اسيره لا خلا ولاعدم :نبض: :رحيق: |
, تصدقوا احس بالامان لما اكون في مكان مزدحم مولدرجة الاختناق , حتى بالمنتدى ما اسجل فيه الا اذا شفت اعضاء كثير احب اضيع بين الزحمه , يمكن لانه يحسسني بالتحرر مافي احد مركز عليا كذا تحسوا فيكم تعيشوا بدون تكلف على طبيعتكم وباريحيه مدري انتم زي والا انا غريبه ,,؟! |
, طالما كنُت مكشوف للآخرين فحتمًا سيصيبون الهدف الذي يؤلمك بقصدٍ أو بدون قصد بفعل جارح أو حتى كلمة عابرة ترمي بقلبك في الحزن سبعين خريفًا. غطي نفسك بشوية غموض ,,! |
, شوية غموض ليس كافي ..بل احمي نقاط ضعفك ..وغطي نفسك بالكثير من الغموض وفي نفس الوقت لا تجذب الناس لغموضك بحيث تصبح لغزا يحاول الجميع كشفه بل كن واضح بغموض/لا تبالي مجرد ثرثرة(ديزاينر) ؛ ثرثره صائبه فسرت الكلام اللي ابغى اوصله بطريقه جميله احسنت ديزاينر يسعدني كثير وجودك بالقرب ديزاينر لاخلا ولاعدم :نبض: :رحيق: |
,  |
، ل الصبايا عن تجربه :icon32: ؛  |
|
|
، الحب أن أجدك دون أن أضطر للنداء تأتي قبل أن ألوّح الحب أن يسبق سؤالك دمعي وصوتك حاجتي الحب أن تُعطي لأنك تريد؛ لا لأني أريد ! |
، لما تكون نفسيتي قافله احاول ابعد عن كل شئ احبه حتى مااخسره لانه وقتها انا ماخذه اجازه من نفسي بس عايشه اتأمل كل شئ من حولي حتى تروق نفسيتي وترجع لي نفسي ارجع لطبيعتي 😓 |
، انظر للرد 320 في مدونتك لذلك تبتعدي من اججل ان لاتكوني في نفس المكان تصرف صحيح منك بعد ان تتربت نفسيتك تعودين بشكل افضل وهنا لم تخسري احد ، طاب صباحك ، يب يب النفسيه مرات تبغى لها من يروضها وانا صراحه من النوع اللي تتحكم فيه نفسيته عشان كذا ابعد عن اي شئ يفقدني اعصابي ويمكن بسببه اخسر احد اعزه بسبب شئ صغير والنفسيه حقتي مكبرته ،صراحه تعلمت من مواقف كثير صارت لي ،واكتشفت ان النفس مرات تحتاج لراحه من كل شئ حولها ،،# ؛ وطابتك ايامك غلاي :MonTaseR_1: |
، اممم يمكن فيك غرور داخلي ..تحسبين العالم مركزه عليك و ع تصرفاتك عشان كذا ترتاحين بالزحمه محاوله تحلييل لا اقل ولا اكثر ، اهلا صعب احيانا، بالعكس والله ما اشوفه غرور على ماقد هو بحث عن الامان وراحة النفس تدري اهم شئ هذا الاحساس يرضيني :iqf03163: |
, كان أبو هريرة،وابن عمر رضي الله عنهما يخرجان إلى الأسواق أيام العشر، فيكبران ويكبر الناس بتكبيرهما ..# ؛ الله أكبر الله أكبر لا إله الا الله الله أكبر الله أكبر و لله الحمد # |
، كل تسبيحه تُبلل جوف تعبك أجر، سُبحان الله وبحمده سُبحان الله العظيم. |
، يقول إبن عثيمين رحمه الله : "حتى تتيقّن أن المسألة مسألةُ توفيق أنظر إلى الذّكر من أسهل الطاعات لكن لا يُوفّق له إلّا القليــل " ؛ اللهم اعنا على ذكرك وشكرك وحسن عبادتك. |
، اتفق قليلاً معك ، ولكن فكرية بأجابية هذا الثقب ، الن يمنعنا من الوقوع في سلبياتنا كي لا نختلي من مشاعرنا ، اليس ذلك منذرٌ رهيب ؟ ، اهلين اممم ما قصدت هذا المعنى ، اختلف معك شف انت لو دايم تفكيرك سلبي لكل شئ ايش راح تكون عليه نفسيتك اكيد فاقد لكل شئ من شخصية وحب للحياه وحتى اللي حولك بينسحبوا من حياتك لانك بالنسبه لهم جالب تعاسه ،وبسبب هذا انت قضيت على حياتك وانا هذا ماقصدته. |
 |
، وسِع قبوٌر من رحلو إليك،يالله بجنةٍ،نعيمها لا يُفنى. |
|
, http://akphoto2.ask.fm/141/25115/910...inal/88381.jpg ؛ لزوار مدونتي الجميلين أهل الذوق ربي يسعدهم زي مايسعدوني :نبض: :نبض: |
, في الأندلس قديماً كان يضاء مصباح أمام كل بيت توجد به فتاة حافظة للقرآن الكريم. ـ http://a.top4top.net/p_209fy0c0.jpeg |
, ياحظهم نور في دنياهم قبل قبرهم ، بس غريبه اشمعنا البنت بس والشاب مرفوع عنه القلم يعني انزين اذا تزوجت يشيلون النور من ع بابهم لبيت زوجها يعني ، الموضوع يحير والله ؛ هههههههههه يمكن من باب التشجيع لهم لان مدري ليش احس اللي يحفظون كتاب الله اغلبهم الرجال النساء تلاقي قليل مره , الله يجعلنا من حفظته بكرمه :3: |
, ماكله كباب احسني شوي وارجع :13: يبغى لي صراحه شاي اخضر منعنع ينعشني شوي:icon10: |
, , كل سنه وانتم بخير وصحه شعب مسك الغلا :نبض: :رحيق: كيف حماسكم للعيد ؟ انا اليوم متحمسه بقوه لكن كل ما اتذكر ان فيه لحم ينتظرني ومقلقل يقل ام حماسي :30: |
, الناس اللي احبها قليل ونادر اشوفها بالحلم اما اللي اكرهم شكلهم متعاقدين على كل نومه انامها يكونون معي , ليش كذا :wallbash: |
 |
قصة وقصيدة المسافر في يوم من الأيام جاء شاب اعمى ودخل على الشاعر الأمير بدربن عبد المحسن وقاله قصته ... كان خالد وساره يشكلان أحلى ثنائي على وجه الأرض وكانت السعادة تغمرهم من كل جهه ولكن كما نعلم السعادة لاتدوم يقول الشاب انة يحب بنت عمه جدا وذهب ليخطبها من والدها الذي طلب منه مهر خرافي وإلا فلن يتزوج ابنته وبما أن الشاب يحب بنت عمة ذهب وجمع المال الذي طلبه عمه وعاد ليتقدم لها مرة أخرى رفض عمه بشده بحجة أن قبيلته لا تؤمن بالحب قبل الزواج فعاد خالد با ئسا لايعرف ماذا يفعل ومانهاية هذا الحب وعندما علمت ساره عن رأي والدها أصيبت بخيبة أمل ثم مرضت بالسرطان والعياذ بالله من شدة الحزن على ابن عمها وعرضت على أكثر من طبيب ولكن دون جدوى فكان علاجها يستوجب السفر إلى الخارج وفي هذي الحظة أحس الأب انه سبب نكسة ابنته وندم وقرر ان يعالجها لكنها رفضت العلاج ! وقالت لماذا أتعالج وأعيش من دون تحقيق مرادي ؟ رضخ الأب ووعدها ان شفيت ان يزوجها إلى ابن عمها فرحت البنت وقررت السفر للعلاج المفاجأة!! في الطائرة توفت ساره وعندما علم "خالد" عن وفاتها لم تتوقف عيناه من البكاء حتى اختفى لون عينه وأصبح أعمى؟ كتب الأمير كلمات تشيب الرأس من الحزن وهي كلمات أغنية "المسافر" اسمعوها وخصوصا عندما يقول : "ياالله يا قلبي سرينا ضاقت الدنيا علينا" ويقول أيضاً : "هذا وجهك يالمسافر لما كانت لي عيون" "وينها عيوني حبيبي سافرت مثلك حبيبي" , هذي الاغنيه قبل ما اعرف المدرسه كانت تحكي اختي لي ان هذا الفنان ماتت حبيبته وكنت احزن عليه واليوم وانا ادور على على اشياء قديمه طلعت لي اغنيته صراحه زمان راشد احساسه افضل بكثير من الان المهم شفت القصه الحقيقيه للأغنيه احد كاتبها بتعليقه بجد الكلمات لما يكون لها معنى صادق يكون وقعها على الروح اقوى :30: سبحان الله الدنيا سرعتها مخيفه يارب نسألك حسن الخاتمه . |
, نصيحة : استبدلى الكراهية بالتجاهل فلها فوائد عدة ... منها عدم اشغال فكرنا فيهم ومنها ايضا استغلال المساحة المحجوزة فى فلبنا للكراهية باشياء محببة تساعد فى ايجاد راحة البال ..... ربى يجعل مافى قلبك كله محبة وود .... يسعدك ربى !! , أهلين بالموعود والله انا احاول كثير اشيلهم من بالي عشان راحة نفسي لكن هم حتى في احلامي يضايقوني وارجع افكر فيهم بكراهيه اعوذبالله من شرهم , ومرات اقنع نفسي انه من عمل الشيطان عشان نفسي ترتاح . الله يسعدك اخوي عالكلام الجميل ساو :رحيق: |
 |
| الساعة الآن 06:14 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا