اخطر من التمساح ما شفت ذباح
 

الله من هم على القلب ما طاح .............. وعين تنثر من غبوني عبيره
كل رقد في تالي الليل وارتاح ............. وعين المشقى بالليالي سهيرة
يا صاح لو تدري عن الحال يا صاح .. ان كان تقصر عن علومك وسيرة
سري طويته عن بلا كل نباح .............. لاجل العدو ما بيه يعلن نفيره
يفرح عدوي كان سر البلا باح ... وتشمت بي اصحاب النفوس الحقيرة
اوجست في قلبي تقل ضرب بسلاح ....... من كف مقهور تزايد هديره
يبي سداد الدين يوم السعد لاح ......... وحصلت له الفرصة بهدام بيره
ما ني من اللي يسدحه قول مداح ........ الياصار ما فعله يسابق وزيره
يالله تسهل دربنا وكل مرواح ............ وتجعل لنا في كل مرواح خيرة
وان كان دنيانا جفت واخفت ارواح ...... نصبر الياما ربك يرسل بخيره
كم من صديق بالملا صار تمساح ....... عقب الصداقة راح يرسل نذيره
اخطر من التمساح ما شفت ذباح ..... يذبحك ولا يعطيك فرصة اخيرة
غاب الوفاء يا ربعنا اليوم وانساح ....... وتبخرت امال االنفوس الكبيرة

القارظ العنزي

صح لِسـآنك يَ بوي ..
أنتظر جديدك
لآهِنت ولآ هَـآن قلمكك

حَسُوسَـآآ

يالله تسهل دربنا وكل مرواح ............ وتجعل لنا في كل مرواح خيرة


الله الله
صح لسانك
و لا هنت

كلمات في قمم الإبداع
سلمت على البوح الجميييل
في إنتظار قلمك الزاخر بالابداع