|
ابي اخطبها من اهلها بس كيف؟ سلام عليكم ورحمة الله وبركاته اتمنى تساعدوني بمشكلتي انا تعرفت على وحده عن طريق إحدى برامج التواصل قبل سنه اول يوم دارت بيننا محادثه عاديه ثم قالت لي ان ابوهو له اسبوع متوفي وقامت تشكي لي فأنا واسيتها وهديتها بعدها صارت تكلمني وكل كلامها عن ابوها وتصور لي اغراض ابوها عندها بالغرفه لدرجة انها صورة شهادة الوفاة، المهم انا وقتها حسيت بشيئ من المسؤلية اتجاها، قلت اجاريها بالسواليف ومع الايام البنت فتحت قلبها وكانت تجيب طاري الزواج وانا ما اهتميت للموضوع لأن شايل فكرة الزواج لظروفي، وفي نفس الوقت قلت والله حرام هالبنت تطيح بيد واحد مايخاف الله فصرت دايم معها واكلمها بعد اول شهر اختلفت الاوضاع تعلقت فيها وبديت ما ارتاح اذا ما كلمتها بعدها صارحتها وقلت اني احبها وهي بعد قالت انها ارتاحت لي وحبتني صرت اشوفها عن طريق الجوال اعجبتني واعجبتها وعلاقتي بها صارت قوويه يوميا اكلمها كل صبح تصبحني وتدعي اني اكون من نصيبها، شرحت لها كل ظروفي وقبلت فيها وقلت لها اني عايش مع امي واني انا اللي اصرف عليها وانه مالها احد غيري وقبلت بالوضع انا كنت اول شايل فكرة الزواج من راسي لان مافيه وحده بتقبل بوضعي وانا كل همي بالدنيا امي مابي اتزوج واجيب وحده تكدر خاطرها وتضايقها، والبنت اللي حبيتها قابله بوضعي طبعاً ابوي عايش لكن منفصل عن امي والبنت ابي اتزوجها لكن ما حصلت طريقه اتقدم لأهلها، البنت ساكنه في الدمام وانا ساكن بالرياض ولا فيه اي شي يربطنا ببعض غير حبنا انا ودي اخطبها ولا ابي احد يدري بعلاقتنا على الجوال وهي طلبت بعد مني الشي هذا، مافيه احد اقدر افاتحه بالموضوع حتى امي ولوفرضنا اقنعت ابوي وامي انهم يروحون يخطبونها بيقولون اهلها كيف عرفتونا وراح تكثر الاسئله والشكوك طبعاً انا مقتنع في البنت ولا تفرق معي اني تعرفت عليها بالجوال انا راضي بها الموضوع جدي وليس اثارة الردود فأتمنى الله يسعدكم تساعدوني واعتذر عن الاطاله |
وعليكم السلام ورحمه الله وبركاته ..! تم الموافقةة على مشكلتك. .! أخي من أراد شيئا لابد مع توكله على الله أن يبذل الأسباب ما رح تقدر تتزوجها وانت جالس بمكانك لابد ان تجد لك حلا تقدم لها وقول انك تعرف أحد اصدقاء اخوها او ما شباه مالم ترد ان يعرف احدا بعلاقتك بها ...! الله يوفقك يا شيخ :t: |
اقتباس:
يعطيك العافيه على الموافقة لكن لو قلت اني صديق واحد من اصدقاء اخوها بيسأل اخوها ويشك وانا انتظرها تخلص تطبيقها بالجامعة علشان اخطبها وصراحة كل يوم يزيد خوفي |
وعليكم السلام ورحمة الله وبركاته اخي الكريم انت الان بدات الخطوة الصحيحة لانجاح وتصحيح هذه العلاقة بينكم هل لديك اخوات لكي يساعدونك ؟ اذا لم يكن لديك اخوات ليساعدونك لدي طريقة وان شاء الله تتسهل اموركم طالما انكم تريدون الحلال ولا تريدون لهذه العلاقه ان تستمر هكذا بالخفاء والتحريم فاتح والدتك بالموضوع قول لها انك تريد ان تتزوج وانك كنت تكلم احد اصدقائك بهذا الموضوع وصديقك قال لك عن هذه الفتاة والدها متوفي وهي يتيمة لكنها تسكن الدمام قل لوالدتك انك ارتحت لها وتريدها زوجة لك وانك سوف تسال عن عائلتها عن طريق صديقك اللذي حدثك عنها وانت ايضا عليك بالواجب ان تاخذ رقم اخو الفتاة او اي احد من اقربائها اولياء امورها و تحدث اليهم واقترب منهم ثم بعد ذلك اطلب منهم مباشره انك تريد الزواج ان كانو سيقبلون بك زوجا لابنتهم |
اقتباس:
يعطيك العافيه على مساعدتك بالنسبه من ناحيتي اقدر اقنع امي تروح تخطبها بس انا كيف اقنع اهلها كيف اتقرب لهم كيف ما اخليهم يشكون بالوضع |
صارح امك بكل تفاصيل علاقتك ثم اتركها تكلم البنت وتتعرف عليها ويتفقون مع بعض بمعرفتهم وبإمكانك بهذي الطريقه تجتاز جزء كبير من المهمه وتأكد من يريد الحلال بعزيمه ربي يسهل له ويوفقه |
| الساعة الآن 02:38 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا