[ طين .. أصابعي ]! ء مدخل : كرسي.../ . . . كرسي .. و انا من يونس الظل بالنور ................... بـاقي اليبـاس اللي ترامى ظلالي . وحدي .. ملتني وحشة الغرفة شعور ................... حتـى غديت أحـس ماني لـحالي . شباك يفتح لي على الصمت منذور ................... من كثر ما اوفي له بحزنه وفا لي . وجهي من اول فرحة العمر مهجور .................. صدري من آخر من سكن فيه خالي . . . / النص: طين أصابعي .../ . . . حكمة .. و انا الخارج من الصمت وحدي .............. لي نية خضرا و صـوت و سحابة . مـدري وش اللي صار للنـاس بعدي ! ............... و منهو الذي يلمس جروح الكتابة ؟! . حـالـم و هذا العمر مـا عـاد يمدي ............... حلم البسيـط اللي يثيـر الرتـابة . من كثر مـا جـاني و فيني و عندي ................ أخاف أغمض حلم و اصك بـابه . مـابين طين أصابعي و قمح زنـدي ................ أكثـر سـؤالٍ في جـوابه غرابه . العمر كم لـه بعد الأحبـاب يعـدي ................ و انا اتذكر كل وجـهٍ غـدا به ؟! . ثـوب الزمن ضيّق و لا هوب قدي ؟! ............... و الا عجزت أكبر و وسعت ثيابه ؟! . أنـا معي لكن الإحسـاس ضـدي ................ يشبه كثير أشياء ما هي تشـابه . فيني هـزيمـة بـالغة في التـحدي ................ و فيني غريب يخاف ياطى ترابه . و فيني انتظار اللي نسى وقت وعدي ............... قبل اتلعثم شووووق لحظة عتـابه . و فيني جفافٍ حي ماهوب يـغـدي ................ و فيني زحام الناس شعر و كآبـه . و فيني تعب كني على الأرض وحدي ............... و لي نية خضرا و صوت وسحابة . . . . / خروج : العفو عند المحبرة .../ . . . تعبت .. وصرختي خلف الكلام اموات ............. نبشت الوقت لجل ادفن بي اوجاعي . أشوف إن المـلامح هي مرايـا الذات ............. وأنا الأموات في وجهي و انا الناعي . كثيـر ألقى على صمتي أثر آهــات .............. كثير اشبه ولا تشبهني أوضاعي . أفوق من الشعر "سكره" واجي سكرات .............. على هيئة تفاصيلي و أطباعي . أصير من الحكي "صبح" وسراب أوقات ............. كذا الذكرى.. وانا النسيان خداعي . بقى حلـمٍ يوديني و دمعـة جــات .............. وجـا حلــمٍ يبكيني وبقى قاعي . زرعت .. ولا جنيت إلا السهر لـذّات .............. سهرت .. ولاغفيت إلا عن أطماعي . أنا وشلون اسامحني .. و انا بالذات ............... كسرت بخاطر إنساني و بذراعي . . . . هاني فرحان ' |
اختيار جميل يالشيخة وكلك ذوق . احترامي وتقديري لذوقك . |
مرورك وطلتك الاجمل ي العميد ؛ الذوق منك وفيك ، تسلم على مرورك الذوق منور|:نبض: |
أنا وشلون اسامحني .. و انا بالذات ............... كسرت بخاطر إنساني و بذراعي صح لِسـآن قـآئلها وسِلمت اناملك غلاتي عَ النقل أبدعتي فِـ ااختيار ؟؟ لآهنتِ يَ قلبي |
صح بدنج بالنيابه عن قائلها ؛ يسلم غاليج ومغليج ، تسلمين ع المرور العطر ي الغلا ~ منورة |:نبض: |
مـدري وش اللي صار للنـاس بعدي ! ............... و منهو الذي يلمس جروح الكتابة ؟! الله عليك انتقاء مميز وذائقه رائعه تحياتي لك |
الساعة الآن 03:09 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا