كلمات اغنية مايرجع بعد /نور الزين
 

http://d.top4top.net/p_776k1v1.jpg


خاف ما شوفك يا يمه بعد .. يا بعد كلبي ووصله من الكبد
يصير مثل النار كلب ام الولد .. يمه لا تمشي دخيلك يالولد
وجان من يروح ما يرجع بعد


يمه حك رباي اريدة وتعبت .. سند ردتك عود ليه لو طحت
تالي ضيمي شلون من ايدي رحت .. شلي من دونك بالدنيا بعد
وجان من يروح ما يرجع بعد


رماني رماني .. زماني زماني
بعدك يالغالي مدري .. مدري شبلاني
شجاني شجاني .. عفتك شجاني
بفراكك يمه دمعي .. دمعي عماني
وجان من يروح ما يرجع بعد

ما اكدر انساك ولا انسى الجرح .. ما ارتاح بليل بعدك لا صبح
تعوف امك ليش مكسورة جنح .. ثوبي اسود صار بعدك يالولد
وجان من يروح ما يرجع بعد


فدوة يمه شلون حالك بالغرب .. اني حالي الضيم ودموعي تصب
تريدني ارتاح لا يمه صعب .. راحتي وياك راحت يالولد
وجان من يروح ما يرجع بعد


رماني رماني .. زماني زماني
بعدك يالغالي مدري .. مدري شبلاني
شجاني شجاني .. عفتك شجاني
بفراكك يمه دمعي .. دمعي عماني
وجان من يروح ما يرجع بعد



ويلي يا يمه مو هذا الرجى .. ظهري من فركاك عالظيم انتجى
مثل دمعي عليك ما واحد بجى .. يمه بيه جروح وينك يالولد
وجان من يروح ما يرجع بعد


ما ادري دفيان لو يمك برد .. يمه احجي وياك احجي وما ترد
شلون ترضى تروح وبحيلي تهد .. ما حسبت حساب الليه يالولد
وجان من يروح ما يرجع بعد


رماني رماني .. زماني زماني
بعدك يالغالي مدري .. مدري شبلاني
شجاني شجاني .. عفتك شجاني
بفراكك يمه دمعي .. دمعي عماني
وجان من يروح ما يرجع بعد

كلمات جميله
ويعطيك العافيه

ي ذوق

الله يعافيك
نورت:MonTaseR_4: