وش بدّلك ؟!!
وأنتي وعدتي خافقي
وحلفتي مرّه بحبّنا :
ماراح شي يبدّلك !!
لكن رجعتي بكلمتك ..
وتبدّل أحساسك كثير !!
وماعادلك قلبٍ يغير
من : ساره من نوف وعبير !!
زوّدتها ؟!!
أدري أنا زوّدتها ..
وأدري كلامي زّعلك !!
خلاص لا .. لا تزعلين
نامي وأنا بتحمّلك
وتحمّلي بعض الملام
لو جيت مرّه أسألك :

وش بدّلك ؟!!
كنتي أكثرهن حلاوه
كنتي أكثرهن قساوه
كنتي وجهٍ ما أملّه
جا يغيض الورد :
نسرينه .. وفلّه !!
كنتي أكثرهن شقاوه
كنتي أكثرهن شطانه
كنتي أوّل من تمادى
ومن فتن قلبي ونادئ
وجيت من أقصاي كلّي
جيت أدوّر داخلك لي أيّ خانه !
وماتوقعتك تملّي
كنت أقول بضيق :
من لي .. لو رحلتي عن طريقي ؟!!
وبكل غرور تقولي : أصلاً ..
منت خلّي !!
ولا صديقي !!
قلب محتاج لحنان !!
ضايع يدوّر أمان !!
قلت أبنسى فيه ضيقي
يعني من باب : الميانه !!
لا تفكّرها لعانه !!

يا فلانه .. يا فلانه :

مابقى عندي كلامٍ لك أقوله !!
دامك أنتي ماخذتها بكل سهوله
بس هي كلمه أخيره ..
وبختصرها اْمن الأخير :

أنتي طفله .. مرّه ماعندك ضمير !!




إذا ماسالت عـروق الدفاتـر مانـي بمعـذور
تبي تشره عليّ كل الحـروف ويالله الخيـره !!*

وأنا شاعر , وحبري دمعتين ودمّـي المهـدور
مع أن الرجل ماهو أي موقف عابـر يثيـره !!*

سريت بخافقي والوقت عتمـه والنوايـا نـور
وأنا من وين ماسجّ القدم تستاحش الديـره !!*

تذكرت الغرام اللي مضى والموعـد المهجـور
وباقي من مواويل الليـال وضحكـة منيـره !!*

رحلت أسئل عن اللي له بنيت من الغرام قصور*
ولاجاني سـوا صـدّه وتعذيبـه وتقصيـره !!*

قطفت لحضرته كل الشعـور وباقتيـن زهـور
وذبْلت باقتيني والشعـور , وذي مشاويـره :*

سهر وهموم وأبياتٍ لها بين السطـور صـدور
حزينه والحزن شيٍ تمادى صعـب تفسيـره !!*

كريمه يامعاذيره مثـل ماهـو بخيـل حضـور
بخيله يامواعيده , وش أكرم مـن معاذيـره !!*

تحرّيته وهوّ الجايـر اللـي مايحب الجـور
ولكن ينكشف قبل الطعـون وقبـل تبريـره !!*

دخيلك فكّ ( أزارير الصباح ) وطيّر العصفـور
تعب ينقش على غصن الضياع وفضّها سِيره !!*

دخيلك مابقى للذاكره غصـن وشجـر وطيـور
ذبل ورد الطريق وماعكس نبض الغلا سيره !!*

أحس بداخلي طفلٍ تمـرّد مـن ثـلاث شهـور
يعاندنـي ولكنّـي رضيـت بشـرّه وخيـره !!*

أحسّه طيّر أسراب الحمام وخاطـري مكسـور
على جدار الألم يرسم بقايـا دمعـة طويـره !!*

يقوم الصبح / وأتنفّس بقايا من سهرك عطور
وأصبّح قلبك الطيّب وتتضايـق عصافيـره !!*

وأناديلك ولا كنّـي أنـادي / والأمانـي بـور
وينبت وجهـك بعينـي ولاتذبـل نواويـره !!*

تعال وردّلي بعضي إذا عنـدك عـدل وشعـور
حرام أتعب ولا فقلبك أبد رحمـه ولا غِيـره !!*

حرام أبقى كذا مالـي معـك دنيـا ولا دستـور
وأنا قلبي ومن مدّه يقول أرجوك شف غيره !!*

تعب مثلي وصدره ضاق وأنت اللاهي المسرور
كذا يعني معاك نعيش هم وحسـره وحيـره ؟؟*

تذكّرني وأبي تذكـر بعـد أن الزمـان يـدور
وأنا بصبر عسى في تالية صبري معك خيره !!*

أبسكت مثل مايسكت جريح بهالزمـن مقهـور
بعد خانوه خلانـه وخـاب اليـوم تقديـره !!*

مدام أن الحكي فضّه / وصمتك صاحبٍ مغـرور
مدام الشعر للشاعر غـدا رغبـه وتقزيـره !!


أصعب موآدع =(
لو ذبلتي*
مثلك الأحساس يذبل !!
وتبتدي رحلة ضياعي
يا وداعي
ما لهذا الحزن داعي !!
وأنت مثل الهم واعي
تنتظر فرقا جديده
تنتظر آخر قصيده*
هذي هي آخر قصيده ../ أقرها وأقرا ضياعي
وأقرا هذا الحزن فيني
ألمحه في وسط عيني
ياسنيني
ليه يوم أنّي طلبتك ماقبلتي
وأكثر الأشيا بزمنّا تقبل أنصاف الحلول !!
وعمر ماكان الفراق الحل !!
ليه حلّ ..؟؟؟
وأنتي عن عيني رحلتي*
والفضا ضاق
وألفـــ / ضاق*
وألفـــ / راق*
الفــــ ..... ــــراق*
آه ياشين الفراق !!
موت وأنفاس وسكوت !!
وعينٍ تناظر حزينه
دمعها غصب أمتحنها !!
ويدِّ تلوّح [ تعال ] دون صوت !!!
الفراق أحيان موت*
وأكثر الأحيان موت !!
لحظه فيها كل لحظاتك تفوت*
وفيها تسترجع حياتك
ذكرياتك
أمنياتك
وفجأه تصحى وأثرك ألحالك حزين
مامعك إلا ظلالك
من وفالك غير ظلّك ؟؟
حتى ظلّك ../ أنتبه يمكن يملّك !!!
ليه دايم*
هذي الدنيا عجيبه !!
تترك اللي مانحبّه / وتاخذ اللي بس نحبّه !!!
وكلٍّ يدوّر حبيبه*
ليه تهزمنا الظروف ؟؟
ليه نستسلم وننهي كل شي وكل حلم بلحظتين
ضعف وخوف*
ولــ بعض نهدي ألمنا !!
وينتهي حلمٍ حلمنا !!
وأنتوادع .....
بلا وداع ............!!

الله عليك يَ الشيخه
قصيده رااائعه مثلك ي قلبي
لآهنتِ ..

مرورك الاروع ي الغالية ؛
اشكر توآجدك المميز
منوره |