|
اهل زوجي السلام عليكم ورحمة الله وبركاته انا والله كثير محتشمه حتى طريقة كلامي الرجال مستحيل اخذ واعطي معاهم لما اجلس مع اهل زوجي اكون بحجابي وزوجات اخوانه بحجابهم جالسين عائله كامله مع عمي واخوانه حتى على الاكل مرات يجلسو يسولفون استغرب زوجات اخوان زوجي يسولفون مع زوجي او اخوانه عادي انا استحي وماحب لئن شي جديد علي المشكله ان ناكل مع بعض مافي الحريم بغرفه والرجال بالمجلس لا كلنا مع بعض والله حاسه بشي كاتم على صدري موماخذه راحتي ذا الكلام بعد زواجي باسبوع لما زرت اهله قلت له ترا مومرتاحه ماحبيت اخوانك يجلسون معانا قال ذا من زمان وعادي اذا احد كلمك لاتردي عليه قلت مومرتاحه والله انتظر متى اخلص زيارة اهلك انا موعاجبني وذا الشي عندنا غلط اوك عادي انا اكل موقادره اكل ولا قادره اخذ راحتي قال طيب والمطلوب قلت اخوانك ياكلون بالمجلس واحنا الحريم بالغرفه ولانجلس مع بعض لئن مانحل لاخوانك قال طيب كلم اهله عمتي كثير احبها انسانه فلاويه واسلوبها مرا حلو اتصلت علي عمتي وقال والله لو كنت عارفه انك متضايقه كان جلستهم بالمجلس وصح كلامك وذا بيتك اسلوب عمتي مره حلو ومرتاحه لها كثير فيها شبه من اسلوب امي لكن المشكله في زوجات اخو زوجي الكبير والوسط يقولو ذي بتفرق بينا عادي لو جلست ماحد بياكلها المهم جيتهم بعد 9 اسابيع كنت مسافره مع زوجي خارج المملكه جيت وسلمت عليهم زوجات اخوان زوجي يناظروني نظرات مره موحلوه وجلسو اخوان زوجي بالمجلس كنت بنزل عباتي وحجابي مادريت الا واحد من اخوان زوجي داخل علينا قال الفاظ غريبه انتي بتفرقي بيننا عاجبك حياك مو عاجبك انقلعي بيت اهلك طبعا الكلام صار في غياب زوجي لئن راح يجيب الغداء المهم عمتي بكت وقالت روح لعلم ابوك بلا قلت ادب انا بكيت مستغربه اسلوبه لئن ذي وقاحه جاء زوجي قال وش فيه قالت عمتي ولا شي قلت انا ولا شي شايفه كثير عمتي ماتبغي مشاكل ومعاها سكر وكسرة خاطري اخو زوجي الصغير قال لزوجي لما عرف راح ل اخوه وضربه ضرب وعمي بعد ماقصر ضرب ولده انا جلست ابكي والله ماحبيت يصر كل ذا قال زوجي يالله ماعاد ابي غداء امشي البيت لما وصلنا البيت معصب زعلان والله يشرب بدخان بشكل جنوني ذحين بس يكلم امه على الجوال يتطمن عليها واذا حاب يشوفها يجيبها عنده وتجلس معانا وعمي جاء عند زوجي قال اخوك ذحين يجي ويبوس راسك ويعتذر منكزوجي معاند وصار لهم فوق الشهر مقاطعين بعضهم مايبغي يكلمه يقول مابغيه ولأني اخوه وعمتي كثير زعلانه على انقطاع الاخوان مع بعض وكلمة زوجي قلت مهما صار ذا اخوك قال مورجال يتنرفز ويقول لاعاد تجيبي طاري الموضوع ذحين حاسه بالذنب حاسه اني غلطانه وانا سبب المشكله كيف احل هالمشكله زوجي شخصيته اذا زعل من شخص مو بسهوله يرضى كثير غيرو على اهله ومحبوب من الجميع بس مشكلته اذا عصب مو بسهول يرضى وحساس |
اخو زوجك قليل ادب |
هي زينه لمة الحموله لكن وقت الاكل لا الرجال لحال والحريم لحال مايصير اختلاط وزوجك ماغلط الغلط من اخوه ماعليه وقت وراح يتصالحو |
وعليكم السلام ورحمة الله وبركاته اولا حبيبتي انتي م سويتي شي غلط ب العكس الشي اللى سويتيه صح . وماعليك من حريم اخوان زوجكك .. هم لو كانو يعرفو الصح من الغط كان كلمو عمتهم من البدايه بس شكلهم عاجبهم الوضع .. الله يهديهم بس واخو زوجكك اعذريني قليل ادب بلا احترام .. مو من حقه يقول كذا .. ولا من حقه يدخل عليهم بدون استاذان الفروض من برا ينادي ولا يدق الباب .. وين احنا .. الله يهديه .. وزوجك ربي يهديه ويتسامح مع اخووه بس اهم شي لقنه درس اهم شي بعد كذا راح يحترمكك احترام مافي مثله .. ربي يسعدك يارب :MonTaseR_98: |
حريم اخوان زوجي من نفس قبيلة زوجي انا من قبيله اخرى اذا عزموني جماعة زوجي وجلست حريم اخوان زوجي ينرفزوني بكلامهم غير مباشر يتكلمو من وراي يقولو ذي اول ماخذها زوجها فرقت شمل العايله وسوت المشاكل بين الاخوان صراحه كلامهم يبكيني اخو زوجي جاء اكثر من مرا لدرجة جاء اكثر من واحد قال مايصير ذا اخوك حتى ابوي تدخل بس مافي فايده والله ماكنت ابغي كل ذا يصير يمكن ماتعرفو طبع زوجي اذا زعل من شخص موبسهوله يسامحه ودايم عمتي تقول الكلام ذا تقول هوا الوحيد من اولادي مستحيل نزعله لئن يكون حساس مره وماينسى الموضوع بسهوله تتعب نفسيته لو ادري كل ذا فيه كان جلست اكلت ولاسويت كل ذي المشكله والله ندمانه |
وعليكم السلام اولا انتي لم تخطئي من حقك طلب هذا الشيئ ثانيا زوجك راضي عنك ووقف الى جانبك ! لا عليك من احد والقطيعة اخوه هو سببها وليس زوجك لا انتي ولا زوجك عليكم اثم من اراد ان يزعل الله معه تعلمي ان لا تكوني ضعيفه وطبقي هذه الحمنه إذا وضعت أحدًا فوق قدره فتوقع منه أن يضعك دون قدرك لا تعيري اهتمام لاي احد نفسك فقط وزوجك وهي مسالة وقت حتى يهدا زوجك وان لم يهدأ ولم يسامح اخيه فهو من جلب هذا الشيئ لنفسه لانه دخل بغير استئذان عليكي وتلفظ بتلك الالفاظ تحيتي |
| الساعة الآن 05:24 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا