مرني (طيفك) وفزيت يوم اقبل علي!*
 

مال صوتى يالمشاريه حيل ولا عزوم
وان تعديتي عتب خاطري لا ترحلي

هودي عن ثورة الشك واقبال الهموم
لين يجنب تايه الفكر ولا يشملي

سامح الله جرح الاحباب يوم وكل يوم
جرح تبريه الليالي وجرح يعتلي

وانت ياللي كل ماامسيت جابتك الحلوم
مرني طيفك وفزيت يوم اقبل علي

ماغدت عنك المساري ولا بالنوم نوم
السهر عيت دروبه وعيا ينجلي

اسالك بالله وامانه وغيره مايدوم
وش علامك يومك ارخصتنى ماقلت لي !

مانويتك نية الغدر وانكار السلوم
الغدر ماهو بسلمي ولا سلم اهلي

هد طيشك لايجي منك تجريحن ولوم
الله اللى عز قدري وثبت منزلي

غرتك نفسك وغررت بالقلب الرحوم
لين حلت اقصى طموحي على باب اجهلي

وانت لو تمشى دروب الغلا مع كل قوم
ماحدن مقفي بقلبك ولاحدن مقبلي

والله انى قد وسمتك بكفيني وسوم
ماتركت منك المياسم ولا ضلعن خلي

كم سنه مرت وانا اشرى بخفاقك واسوم
والطعون اللي بصدرك تغيض وتمتلي

قلت لي لا تجرحين الشعور ابلا لزوم
قلت لك : مايونس الجرح غير المبتلي

ايه احبك ايه احبك ولا فالحب لوم
والله ان لامااك شفــي وصدك مقتلي

وان تباطيت الليالي وعديت النجوم
انت خابر وش رضايه وتدري بزعلي

رح وانا ياصاحبي منك لو عشت محروم
والله اني حبك اللي بقى والاولي




ل ابعآد التركي .

ابيات جميلةة غاليتي الشيخةة الفلانيةة
يعطيك العافية على الإدراج
أحببت البيت الذي يسبق الأخير

تحياتي لك

ك جمآل مرورك ي الغلآ ؛
ربي يعآفيج ،
اشكر لك جمآل طلتك ،
منوره|:نبض:

هد طيشك لايجي منك تجريحن ولوم
الله اللى عز قدري وثبت منزلي

غرتك نفسك وغررت بالقلب الرحوم
لين حلت اقصى طموحي على باب اجهلي

صح بوحك ابيات فيها من الجماليه
ولمسني كثير ابياتك
شيخه الفلانيه لاعدمنا ابياتك

دمتي بما تحبين

صح بدنك ؛
كل الشكر لك لجمآل مرورك ،
تسلم
منور|:نبض:

رائعه راقت لي جدا
سلمتي ي " الشيخة" يعطيك العافيه
شگري وتقديري ~