منتديات مسك الغلا

منتديات مسك الغلا (/vb/)
-   ديوان ومحاورات حصريه لشعر ( شعرائِنا ) (https://www.al2la.com/vb/f84.html)
-   -   قصّات قرد وهرجهم به رعونة (https://www.al2la.com/vb/t69751.html)

القارظ العنزي 04-07-16 11:22 AM

قصّات قرد وهرجهم به رعونة
 
الـحـمـد للهــــــ ما تــوفّــر لي ريال ** ولانـي من اللي يالــبــنــاخـي يصونه
الـمـال يكرهني وانا اكـره ابو المال ** والــيــاتــوفّــر راح مــنــي مــعــونــــة
نـسـابـتـي لاجـيـن بنسوان وعـيال ** خــمــســة بـيـوت وفزعتي يشتهونه
اعزاز نفس ولا شكوا لي من الحال ** بس انا احس احساسهم وش يبونه
واظنك تقبل عذري بهذي الــحـــال ** ولا هي غــريــبــة مثلي زادت ديـونـه
يفداني اللي يشبه اخته الـيـاطـال ** اللي يــشــابــه خــدّهــا مع ذقــونــه
وش عاد لو قالـوا رجـاجـيـل واطوال ** ما يــســتــحــون وخــدّهـــم يدهنونه
اللي يعـادون الـمـراجـل والامــثــال ** وسـلـم العرب من بـيـنـهـم يجحدونه
واليامشى من بينهم مشية اخـبال ** تــقــل كــســيــح ولا فـطـن للمهونة
بس يتهزهز بين سـتـرة وبــنــطــال ** مع ســتــرة اكــمــامــهـــا في متونه
يالله دخيلك ربي عن ذيـك الاشكال ** قــصّــات قرد وهــرجــهــم به رعـونـة
يا ويــلــهــم عقولهم مثل الاطـفـال ** عقل ســفــيــه ومــالــهــــم يهلكونه
لا صـدقـة يــجــرونــهــا بكل الاحوال ** ولا بــه مـعـروف لـلـمـلا يــبــذلــونــه
عسى يتبين منهم منسوب الانفال ** مع الــرجــوع لــربــهــم يــعــبــدونــه
رب كــريــم ويــرحــم من غيّر الحال ** ويغفر لعبد تـــــــــــــاب وهلّت عيونه

القارظ العنزي

أمير الأبجدية 04-07-16 12:02 PM

يا خوي يا عزي لا تنشد عن الحال // الوضع مايل راضي(ن) بالمهونه

من عقب ذيك المرجله عقب الافعال // تردت الاحوال كل(ن) ولونه

و كانك تبي راي(ن) سديد(ن) وفعال // خلك غريب(ن) دوم لو يعذلونه


صح الله لسانك شاعرنا

الحال متردي والله المستعان

قصيده حملت جوانب مختلفة

رسمتها بسهولة و شفافية

شاعر كبير:MonTaseR_11:

القارظ العنزي 04-07-16 12:40 PM

اميري امير الابجدية يكفيني شرف في هذه القصيدة انها عرفتني على مثلك وهم قليل في هذا الزمان المشبوه كلي شكر وعرفان لشخصكم الكريم ومروركم العطر تحياتي

حطام الذكريات 04-07-16 04:18 PM

طرحك في قمه الابداع اخي

سلمت يدك وصح لسانك

الغناء هو غناء النفس

يسعد ايامك ولياليك ياالقارظ

القارظ العنزي 04-07-16 04:30 PM

وانت اسعد ان شاء الله تعالى يا حطام الذكريات اسعدني مرورك الكريم وطوقني الشرف تحياتي حبيبي

هوآجيس' 04-07-16 04:59 PM

صح لسانك اخي
وبالفعل اصبح هذا حالهمم مؤسف
لو كان بيننا الرسول عليه الصلاة والسلام ماذا كان ليقول
ربي لا تُآخذنا في ما فعل السفهاء منا ربي يهديهم

تفصيل مفصل ورائع تصف به هؤلاء الجهله
كل الشكر لروعة بوحك اخي
دمت بود


الساعة الآن 04:53 PM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا