|
مشكلتي مع البنات السلام عليكم ورحمة الله وبركاته انا شاب عمري 22 مشكلتي وهي باختصار اني امل من العلاقات يعني كل ما اتعرف على بنت اكون متمسك فيها بشده باول فتره بعدها باسابيع امل منها ويتحول اعجابي وتمسكي فيها لتجاهل بعدين اخلق اي عذر عشان اتركها وبنفس الوقت احس اني احتاج احد بحياتي وما افضل فكرة الزواج التقليدي ابدا .. |
وعليكم السلام تمت الموافقه ___ حيياك أخوي أول شيء أنت عمرك صغير وثانيآ وأهم شيء أبتعد عن هذه العلاقات الخاطئه فهي الدمار و التوجه لله سبحانه وتعالى ومراقبة الله لك تجعلك تعيد النظر في أفعالك وتصرفاتك فمشاعر الأخرين ليست لعب او تسلية ! واذا محتاج أحد بحياتك فلا طريق صحيح وسليم الأ الزواج و أكثر من الأستغفار والدعاء |
اجل لا تسوي علاقات خلك عاقل انت ما تحتاج احد انت تحتاج تعديل في مخ ي شاطر بنات الناس ماهي لعبه تلعب مشاعرهم لا تجيك دعوه تطيح ع خشمك ما تجي زواج تقليدي اجل وش تبي مثل تركيا ولا امريكا |
و عليكم السلام و رحمة الله و بركاته الله يوفقك في حياتك اخوي الزواج التقليدي مو سيء عشان ماتفضله الحين جالس تتعب نفسك عشان تتعرف على وحده تتوافق معك لكن صدقني بعد الزواج راح يتغير كل شيء اتكلم عن تجربه الزواج التقليدي اريح انت اللي تتحكم في زوجتك انت اضبط الامور بشخصيتك وقوامتك و اسمع كلام همسة الروح بعد كلامها طيب تحياتي لك |
واضح ماتحب الزواج التقليدي وانت كل مره فاسخ علاقه ومن بنت ل بنت اتقي الله في حق غيرك اذا انت متعود على كثرة العلاقات يمكن اللي علقتها فيك ما حبت غيرك بالله كيف بكون حالها ونفسيتها يالله كم بنت دعت عليك وانت نايم والله حقها راح ياخذه منك بالدنيا او بالاخره , راجع نفسك وتوب ومالك حل غير الزواج لاتقول صغير اصغر منك تزوجوا اذا هذا حالك ماتقدر تضبط نفسك . ؛ موفق اخوي |
تمل من العلاقات !!! مع نفسك انت لا يوجد لك حل لانك تعرف الحلول وتاركها خلف ظهرك استمر هكذا و ستتزوج فتاة مثلك صاحبة علاقات او انتظر خبر احد اخواتك ستكون مثلك وستفضح سمعة العائلة و كما تدين تدان واعراض الناس ليست هينة . |
| الساعة الآن 10:48 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا