|
تعبت عيوني وهي كل يومآ تراعيه متى يسعد القلب .. بعودة مواليفه متى يعود الغايب .. لعيون . مغليه تعبت اسهر .. كل يومآ . مع طيفه ... بقلمي ... |
وفي كل ليل حلم جميل أحلمه وأبتسم دمعاً له العيون تروق يا حلم يحمل أحاسيس مفعمه كم يتوق القلب نبضي وكم أتوق |
مشتاق له .. واحلم اني .. اكلمه بعده خلف . في معاليقي حروق ليته يعود . . وعمري كله اسلمه رسلت له من احلا قيفاني طروق .. بقلمي .. |
من يؤنس وحدتي سوا من أكلمه أنيسٌ به قلبي ينشتي حب ويفيقُ |
ليت المشاعر تشرح احساسي وغلايه يا ليتها بس . . تشرح . . لك . الحال وإنك .. غذى الروح .. يا بلسم شفايه وإن زولك دوم . . يخطر .. على البال ... بقلمي ... |
يا شاعر الربع اكتبها ومليها فى حروفك كل المعاني حاليه وانا حروفي في حبري أخليها وأملأ بها كل أحاسيسي الخاليه |
ههههههههههههههههه ... حروفك يا ياسر روعه معانيها فوق الثريا ياسيد الحرف عاليه تسعد قلب وروح . كل قاريها عذبه كنها . . مياه نهرآ جاريه ************ الحروف اللي . ناقشها وكاويها على محاني قلب .. عندي غاليه في تالي الليل تسليني واسليها لها عندي قصه . . قديمه وباليه .. بقلمي .. |
قصةٍ قديمه ومتعبه حكاويها يتسلى سامعها وروحي ساليه يسيل دمعي لا بديت حكى فيها مثل بحر فيه الامواج متواليه |
حزينه قصتي .. وتبكي قاريها شجرة حزن على ايامي دانيه اتعبت حالي . . ولاني بقاويها الله يرد اللي علي كانت حانيه ... بقلمي ... |
يوم تغادر مراكبنا موانيها تدور شطوط ومراسي ثانيه وانا أبحرت وماني بخاطيها أرض كانت على روحي جانيه |
سفينة حياتي يا صعبه مراسيها ماعرفت احدد في الغبه موانيه غريبه قصتي .. ويا مين يرويها قصة حياة .. اللي روحه . فانيه .. بقلمي .. |
الفنـا تالـي حياتــك فانيـه العمـر واحد وتاليه الـزوال ما الحظيظ اللي حياته هانيه ماشكا وقته ولاجاه انفعـال الحظيـظ اللـي عمـل لثانيـه واخلص المعبود عالم كل حال . . . بقـلمـي مـشـتـط |
ضيعت عمري .. معى ذيك الغانيه والندم على مافات . يامشتط طال كل نفس . بما تحصد ياخوي جانيه وزوال الحال يا مشتط من المحال عسانا في جنه .. قطوفها .. دانيه بعد رضى الرحمن .. وراحة البال .. بقلمي .. |
البال ينشد الليل عن واصلك وانا تعذر له اعذار من خيال فخامة ملك |
ياما غنيت وياما الحرف غنى بي وياما اقفيت والقوافي ما تسايرها لا سريت نجوم الليل تسرى بي ولاغفيت كل أحلامي تسامرها |
(اسامـر) حروف في ضميري صداها لــج لجـت ولتجـت باقصـى المعاليـق لجاجـه وفـوج الهجــوس اللـي مع كل فـجً فـجً لفتنـي وفكـت قفـل بابـي ومـزلاجـــه وصرت بفضـاء لاهوب صافي ولاهو عـج وعـزي لمن ضيع مـع الوقـت مخراجــه . . . بقـلـمـي ـ مـشـتـط |
ما نمت اتقلب كني على نار تصليني ويش هالحال يا ربي . . عسى خير هم ن وخوف . . والقلق .. يعتريني ما دري وش بلايه . حالي صار غير .. بقلمي .. |
وصل الهوى ما همه بُعد الاسفار وأهل القصيد ما همهم كثر ارتحالي أنا غنيت وغُنا حرفي صار أشعار وإشعار لحروف تهاب إرتجالي |
رفرف هزار على اغصان قلبي وطار واتعب القلب . . بأحلا الالحان عناني عزف له قلبي .. على الناي . وقيثار الله يسامح . . هذا الطير .. اشقاني .. بقلمي .. |
كلام كبير ما ينطقه غير كبار سمي بسم الله يا بادي الكتابه شاب الشعر ولساه القلب صغار كل قلب يدق بحب من هوى به |
يا بكاء قافك .. احرق القلب بالنار تعال شوف قافك . . ويش سوابه حروف قافك .. منها . صار محتار مابين قسوة زمانه ومفارق اخبابه .. بقلمي .. |
عاشق فى هواها اتجن ودار يغني الهوى شعره على الربابه يهيم فى اوديه وبلاد واقفار ما يدري نهاره ولا ليله درا به |
مدري يابكاء .. اشوفك اليوم منهار هو من اسباب قافي ولا من اسبابه اشوف دمعك .. على الخدين مدرار تشكي على نجم من الغالي وعذابه |
مسه الحب ويبغى له دقة زار يهاب الشوق ولا شوقه يهابه يشرب مالحها ويقول عذب أنهار ويذوق مرها ويقول يا الطيابه وانا عاشق وهواي جنه ونار ما اطيق بعده ولا اقوى اقترابه |
المزيور يطيح على المزمار ودقة الطار والعاشق . . المسكين . . فاقد .. صوابه ياللي صابك .. من العشق . نشوت الزار اسمع من .. نجم .. حكمه وافهم .. جوابه يا بكاء . . يا صحبي احذر . . العشق جبار ياكم . . عاشق ن قبلك . . عقله .. سرابه الحكمه تقول .. يا بكاء من انكوى با النار يخاف . . من الشرر . . لا طار في اثيابه وإنت .. يابكاء حب .. ولكن .. حبك بمقدار لا تسلم القلب .. إلا من يستاهل ويرقابه |
الزمان اللي ضحْك ممكن يبكيك وممكن بعض البُكا بيكون رآحه !! خلك في زمانك تحسب خطاويك مانفع قارون ماله ولا هو باحه !! |
صدقتي يا اخيه سلمت حكاويك الزمن غدار .. ولا فيه .. راحه مره يضحك . . ومره . . يبكيك هذا حال الزمن قاس ن جراحه |
جراحه قلوب الخلايق على فن تجرح جروحٍ كلّها مستحبه اللي عرفها زين لابد ينجن ياكل على زول المحبين حبه |
قلبي لشوفهم . . يا ارحلي حن والنار . في داخل الضلع مشتبه وصوت العشق . في داخلي رن شكيت صاحبي بظلمي على ربه |
يا مُسقني حلو الغرام عذب الهوى أضناني هجر أرق حلم المنام بكاء |
نجم . . من كثر شوقه يا ارحلي جن والشيب غزى شعري حبه ورى حبه ما خاب يوم .. في صاحبي . الظن صاحبي يا ارحلي اموت فيه واحبه |
اليا حكمك الحب اشكل على صن تلقى امورك كلها مستتبه واذا حبيبك زين وصغير السن ترى صغير السن مافيه طبه |
احبه يا خي .. وحبي له . علن ذابحني . . يا صاحبي . . بحبه هو روحي هو عمري والوطن ان مت ياارحلي هو ترى السبه العب على الحكم ويلعب على صن حتى في اللعب سبب لي النكبه |
ياما دعسنا على الارقاب وياما للاسعاف ودينا واحد كسرنا عليه الباب وبحوض بطنه توطينا هياط صباحي:MonTaseR_124: |
توطينا على ظهر الفقر مير الفقر خوان مسّرع ما نهض ثوبه وعاش برمته فيني |
فيني من الضيقة جموع و طوابير وعندي من الفرحة و جود و قناعة |
يا صاحبي . ياما اكلنا خوابير من بعض الاصحاب والجماعه نحسبهم رجال تكوه ومناعير واليوم عندنا .. صارت مناعه |
يا فاهم العادات من غير تقصير يا غافر العثرات دربك رفاعة أبعد عن الشوكة و لوح المسامير و ألي وضعها يختبي في شراعة وخلك على منهج سلفك المناعير أهل العفوو أهل الكرم والشجاعة |
البحر شاطيه ما يشبه محيطه خابر إن المفتـلـت غير المجوّد لا تهدّدني ترى الدعوى بسيطه إن بغيت تروح روح و لا تعوّد .. |
ودي اسولف وارتوي من [ سوالفك ] احس نبض القلب .. يمك تزايد يا ليتني يا بنت من / قبل عارفك لبى الوجية اللي من [ ديار زايد ] ان جيت يمك والله اني [ لشرفك ] وان جيت يمي قمت .. اهلي وعايد |
| الساعة الآن 12:18 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا