|
أختي وزوجها المحشش السلام عليكم شكرا لادارة المنتدى على فكرة (مشكلتي) احيانا الواحد يحتاج فعلا انه يتكلم ويطلع الي في خاطره انا أكبر الأولاد وعندي اخت أكبر مني متزوجه من واحد راعي حشيش دايما يدخل عليها البيت وهو محشش وما يصلي وحالته حاله كنت اتواصل مع اختي باستمرار واقولها اصبري وحاولي تعدليه وأحيانا اسافر لهم رغم بعد المسافه فأنا في الغربيه وهم في الدمام ولاكن حاله ما تغير بل انهم فصلوه من عمله بسبب الحشيش واضطر انه يعيش مع اهله واخوانه في الجنوب , اعطوه اهله غرفتين وحمام وفي يوم من الايام قبل صلاة الفجر دقت علي اختي وقالت الحقني هذا الرجال دخل علينا محشش واحنا نايمين وجلس يسوي حركات مي حلوه مع بنته (عمرها 14 سنه) وهنا أيقنت ان العيشه بينهم صارت مستحيله خصوصا ان اختي قالتلي والله اني اكرهه وما اطيقه قلتلها جهزي نفسك انا جاي اخذك وان كان زوجك رجال يمنعني , وكلمت اهله وقلتلهم انا اليوم ابغا واحد منكم يوقف قدامي , انا جاي اخذ اختي واولادها فعلا جيت وللأسف زوجها شرد وما قابلني غير ابوه الشايب , وقلتله ولدك محشش وصابرين عليه سنين , وأهان اختي وجابلها النفسيه , وتراه تحرش ببنته , وانا باخذها الحين هي وعيالها , واذا ولدك يبغا شي خله يقابلني بعد ما اخذتها وجبتها البيت عند اهلي كلمني زوجها وصراحتا كنت عنيف معه في الكلام وهددته , وعلى الفور طلق وبعد اشهر ارسلي ورقة الطلاق وسوت اختي حفله من شدة فرحها بالطلاق والحمد لله دبرتلها وضيفه وامورها عال العال ولله الحمد والآن جوني ناس يلوموني على الي سويته وقالولي انه يبغى يرجع اختي فما هو رأيكم ؟؟؟؟؟ وهل الي سويته انا صح ولا خطأ؟؟؟؟ |
تمت الموافقه .............. اقولك شي ونعم الاخ والعضيد بالعكس اللي سويته هو الصح :32: والمسلم لا يلدغ من حجر مرتين واللبيب من الاشارة يفهم مالها في وجع الراس لا ترجعها دام حاله زي ماهي ودامها كارهته خلاص مالها له رجعه واستمع لبقية الاعضاء فربما لديهم رأي آخـــر |
اول شيء الحمد لله على سلامة أختك وأولادها وتصرفك سليم وماعليك اي لوم والناس اللي جالسة تلومك ( ماعندهم سالفة) اتـوقع من قوم ظل راجل ولا ظل حيـطة يعني وش بقى .. ؟! دام زوجها على حاله لا ترجع له لان وضعها بيرجع مثل أول ويمكـن اكثر !! وعندها وظيفة تقدر تعيش نفسها وعيالها والله يعوضها ويكتب لها مافيه كل خيير ،،، خاصةً أنه مافيه اي جهه او قانون يردع هالأشـكال والله يكتب لك الأجر ... |
انظر يا ايه الاخ الشهم انت فعلت الصواب 10/10 واذا اعدتها اليه فانت اصبح صوابك 10/0 وكاني احس تخوفك على تفكك الاسرة وجلوس اختك مطلقه هو الذي يقلقك وليس حديث الناس فانت رجل عطوف جدا جدا فلا تجعل عطفك الذي انقذ اختك من هذا الرجل هو نفسه يعيدها لنفس الخطاء ? تحياتي آخيـــل |
تعال عطني راسك لو انك عندي كان حبيت راسك ياشيخ نعم الاخ ونعم العضيد انت فعلاً الله يخليك لاختك و لاهلك و يسعدك لا تلتفت للناس و كلامهم لا يرجعها و لا هم يحزنون اختي نفس مشكلة اختك و فكيناها من زوجها وارتحنا عسى الله يهدي كل واحد مبتلى بالحشيش والحمد لله انك فكيتها منه |
الحمد لله على كل حال أسئل الله أن يهديه و يرزقه من واسع فضله .. لكن اذا كان وضعه ما تغير قول له خلاص مالها رجعه و اذا كانت اختك راغبه فيه لاززم يعدل وضعه .. و اذا ما فيه فائده شوف لها رجال صالح غيره .. الله يهدي النفوس |
| الساعة الآن 07:32 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا