اخوك لا تخسره لو انه عنيد
 

🌸

اخوك لا تخسره لو انه عنيد
يخطي مية مرة وتسمح له خطاه

وان كان شد الحبل حاول ما تزيد
ارخيه قبل الشد يوصل منتهاه

ولا تنصحه وقت الزعل ما يستفيد
واعرض عليه النصح في ساعة رضاه

وليا طلب رايك عطه رايً سديد
وان ما طلبك الراي لا تبحث خفاه

واعرف ترى قرب المنازل ما يفيد
واحيان يبدي شي ما ودك تراه

لكن لا تقرب ولا تنزل بعيد
خلك على قول المثل حذفة عصاه

واحفظ حبال الود حفظك للوريد
اللي معلق فيه موتك والحياة

ترى الاخو مهما حصل يبقى عضيد
وترى عيال العم ما عنهم غنااااااة

الناس دايم ما تهاب اللي وحيد
اللي ليا منه وقف محداً معآآآآه



كلمات رائعه للشاعر الكبير احمد بن علي الكندي المري

يعطيك العافيه

يعافيك
ربي شكراا
:قلب ازرق:

كلام راائع
واصل عزوز
مننحرمش يارب اخوي :110:

صح السانك والسان شاعرها
يعطيك العافية