الله لو تدرون وش لون دانه
 

قالوا : يمون وقلت : تكفون تكفون ** بس اقـنـعـوه بـمـونـتـه وامتنانه
عزّ الله انـه على مانتم تــقــولــون ** ويكفيني ان الروح تسكن كيانه
يا عــزوتــي ياللـي عليّه تـمـونـون ** متى يجينا ونحتفي باحتـظـانـه
ان كــانــهــا بالــجــاه واللـه تكدّون ** وان كانها في غير هـاتـوا بيانـه
حــنّــا صبرنا وصبرنا حــالــتــه دون ** وفقدت انا عقب الحبيب الرزانـة
تـكـفـون ياللي كلكم بالعرب عـون ** ودوا سلامي للي هرجه لـيـانة
قــولــوا غلاته دوم بالحفظ والصون ** لو يطّلع في خافقي قلت عانـه
تشهد على حبه شرايـيـن وعيون ** عين تـنـثّر دمـعـهـا باشـهـقـانـة
ويشهد على حبي مجرب ومفتون ** اللي لقع قلبه صغير وخــــانـــه
هذي نـتـيـجـة مـونـتـه لو تحسّون ** الله لو تدرون وش لون دانـــــــة

القارظ العنزي

كلام راااائع
واصل اخوي
مننحرمش ياااارب

تحياتي :رحيق:

الروعة في مرورك اختي اسماء احترامي

ان كــانــهــا بالــجــاه واللـه تكدّون ** وان كانها في غير هـاتـوا بيانـه
حــنّــا صبرنا وصبرنا حــالــتــه دون ** وفقدت انا عقب الحبيب الرزانـة

أن كانها بالجاه أبشر بجاه يسد عين الشمس


لكن كلها قسمه و نصيب


الفارط العنزي
متميز بالشعر الجزل كلمات راقيه من الشاعر الراقي

تحياتي لك

الاخ : mk- asd كفو قول وفعل ونتشرف بوجودك وجاهتك ـ ولكن كما تقول انت : قسمة ونصيب ، كلك ذوق عزيزي اسعدني مرورك وتقييمك احترامي

-


يا عــزوتــي ياللـي عليّه تـمـونـون ؛
متى يجينا ونحتفي باحتـظـانـه |:نبض: '

#بري حآلي '

-

الله على روعةة بوحك ي العميد ؛
صح لسآنك واعتلا شآنك
دآئما يشوقني قصيدك المميز وسهولة فهم الصور
كل الشكر لروعةة احسآسك الذي تقطنه هُنآ
لا عدمنآك ،
( نص يستحق النجوم الخمس + التقييم )

تحيآتي |:نبض:

هلا بشيخة العميد اسعدني مرورك وانرت صفحتي ، يقل العطاء يا سيدتي بفقدانك ـ تواجدك بمتصفحي هو الذي يدفعني الى الارتقاء للافضل بقوة ـ فلا تحرمينا الطلّة من وقت لاخر ليساعدنا في الصعود الله يسعدك سيدتي ويدوم عزّك احترامي

أجّمل لحظہ ھِي أن يتحَقق فِي النهايّہ مَا صَبرت لأجلِہ'ربيّ ارزقنِا مَا نتمََنّى


شاعر بحق


بوركت يا يا شاعر

صح لسانك وسلم بنانك يا القارظ ,,,
لا إنت كذا تثير قريحتي ,,,


حـول علي .. يا القـارظ غمامك
اروى عـروقي وغمـرني بحنانه

يا زين قافك ويا زين نبرة كلامك
ويا زينك لا منك لبست العمامه

عزيز عندي وعندي عالي مقامك
عساك يا القـارظ بخـير وسلامه


صح لسانك وسلم بنانك ,,,
لا خلا ولا عدم ,,,

اهلا بالاستاذ حطام الذكريات ، أنرت صفحتي وشهادتك لي مصدر فخر واعتزاز الله لا يحرمنا مرورك وذوقك احترامي

عمامتي تنصاك وتنصى الفهامة..........
.ما احلاك وما احلا يا بو ضاوي كلامك
احذر من اللي يبتديك بسلامه ..........
.........وتلفي به الاقدار ويمشي امامك
اقدارنا تمشي بمشي الحمامة............
.....خطوة بخطوة حتى تكسر عظامك
صبرك يا بو سلمان وزرقاء اليمامة......
........وعيونها اللي هي سبايب هيامك
خذونا ضحك وروحوا بالسلامة.........
........ولا دروا بي في غرامي وغرامك