10-02-19, 05:59 PM
| #61 | ||||||||||||||||
  
| 
الغباء أحياناً يكون مُضحك  أقول لـ ولد اخوي [ اطلع و سكّر الباب ]  يطلع الحبيب و يسكّر الباب و بعدها يفتحه مره ثانيه و يقول [ عمتي جذي أسكر الباب صح .. ؟ ]  و يطلع و يسكره و يفتحه مره ثانيه و يقول [ صح عمتي جذي أسكره ؟ ]  و يعيدها ثالث و رابع مره ينطر منّي الرد !  ي حبيبي افتح مخّك أوّل بعدين سكّر الباب  انا ما قلت لكم ان عيال اخوي اعترفوا فيني أخيراً و صاروا يقولون عمه .. ؟  مادري شنو كنت بالنسبه لهم ..  الأم البديله و الا اختهم الصغيره و الا جارتهم و الا خدّامه مؤقته المهم اني ما كنت عمه ههههههههههههه  | ||||||||||||||||
 |
|
10-04-19, 03:59 PM
| #62 | ||||||||||||||||
|
في شي شاغل بالي اليوم عجزت سماحتي عن تفسيره  هو حلو لكن نوعاً ما غريب لما رد أخوي العزيز من صلاة الجمعه اليوم و أثناء هذرتي المعتاده على راسه طلع من بوكه فلوس وعطاني .. ! بس انا ما طلبت .. !  قال تبين بعد .. ؟ قلت إيه .. وعطاني زياده وهو يضحك .. ! قال تبين بعد .. ؟ قلت إيه <~ والله فرصه هههههههههههههههههههههه  و عطاني .. ! وبعدين ضحك وقال خلاص .. ! ،’ الغريب اني ماطلبت .. ! ماطلبت يا عرب .. ! و عطاني وهو يضحك .. ! كنت لما أطلب يكشّر .. ! بسم الله عليه شكله مستانس بس مادري من شنو .. عسى دوم الوناسه هذي ههههههههههههههههههههههههههههه  هالله يحفظه و يبارك فيه أحس اني مو كفو .. هو يعطيني و انا احاول أفسّر يمين و يسار >.< بس حبيت أوّثق هالحدث التاريخي بالمدونه خخخخخخخخ  | ||||||||||||||||
| |
|
10-06-19, 02:50 PM
| #63 | ||||||||||||||||
|
أنا جيييييييييييييييييت  كيف الحال يا قوم  رجعت من الجامعه مباشره لغرفتي  ودي انام بس متعيجزه اروح السرير  للعلم بيني وبينه خطوتين >>متربعه عالقاع هههههههه  مشتاقه لمخدتي المخططه إلا على طاري الغرفه شكلها متغير مدري من داخلها بغيابي  | ||||||||||||||||
| |
|
10-07-19, 03:35 PM
| #64 | ||||||||||||||||
|
مشكلتي يوم اغني يا اتنفس بوسط الاغنية واخربها ولا احاول اكمل ويصير صوتي كني بموت وهذا الشيء اللي مخرب علي مسيرتي الفنيه ولا انا فنانه فنانه مافيها كلام. اكثر سؤال مطروح فالبيت انتي وش فايدتك ؟ للأمانه انا موجوده غصب عني مو بكيفي انتو عطوني فرصه يمين بالله حتى فى الخليج ماتشوفوني  الحين فيه سؤال واقف ببلعومي  ذا تزوجت عادي اقول لزوجي ياورع ولا فيها طلاق؟  ** لا تصدقون اصلا انا قررت اضرب عن الزواج للابد بس جاوبو على سؤالي  واخيرا عطوني حل كيف اقنعهم يتراجعون عن نفيي من البيت بعقل والله بس ارجع لغرفتي حبيبتي  | ||||||||||||||||
| |
|
10-07-19, 04:13 PM
| #65 | ||||||||||||||||
|
طلاب صينيون يتسللون ليلا إلى قاعات المحاضرات في جامعاتهم  ليحجزوا لأنفسهم مقاعد قريبة من المحاضر نظرا لكثافة عدد الطلاب ..  الله لايشغلنا الا بطاعته  متــى اجـــــــــاازة الربيع  | ||||||||||||||||
| |
|
10-09-19, 09:38 AM
| #66 | ||||||||||||||||
|
تبي تصيرين غنيه وتلعبين بالفلوس لعب ؟ وتشتريين كل شيء بخاطرك ؟ وتسافرين للمكان اللي تبينه ؟ أنا بعد مثلك بس شنسوي الله يرزقنا | ||||||||||||||||
| |
