منتديات مسك الغلا

 


موضوع مُغلق
 
LinkBack أدوات الموضوع انواع عرض الموضوع
قديم 05-02-16, 12:47 PM   #1
مسكك الغلا

الصورة الرمزية مسكك الغلا

آخر زيارة »  اليوم (09:49 AM)
المكان »  المملكة العربية السعودية
الهوايه »  لا شئ ...لم اعد اهتم بشئ



ان طالٺ الغيبه وانقطعٺ اخباري
خلوني بدنياكم ذكرى جميله .♥
MMS ~

 الأوسمة و جوائز

Icon1 تكفى ترا تكفى تهز الرجاجيل ( قصتها مع القصيده كامله)



قصيدة الأميرة نوره آل رشيد رحمها الله



طبعآ كلكم سمعتوا البيت اللي يقول:-
تكفا ترا تكفا تــــهز الرجــاجيل
لولا ظروف الوقت مـــاقلت تكفا
لكن أغلبكم ماقرا القصيده كاملة

تمتعوا بقوة القصيدة
ــــــــــــــــــــــــــــــــــــ
مـن ذاق حـر القايلـــه يعشـق الليـل
ومـن شـب ضـوه ليلــــة البـرد يـدفـا

امســـيت في جيلٍ ولاهوب ذا الجيل
و اصبحـت والا ديـرتي شـبـه منـفـا

واللـــي حمـا بيتـه بطيــرٍ ابـــابيـل
ماجيت ادور كـل مـن صـد واقفـــــا

ولا جيـت ابشحـذ يانمـا دلـــه وهيـل
جيتـك وجـرح الظـلـم غــاديه يشفـا

جيتــك بكلمـه كــنهـا صعــقـة الويـل
وان قـــلـت تكفــــا لاتهــاون بتكفــا

تــكفا تراها كلمــةٍ تقــطم الحيـــل
لا بـــالله الا تـــــنسف الحــيل نسفا

تكفا تـرا تكفـا لهـا هــــدرة الســيـل
فـــي صدر حرٍ ينــتف الطيـب نتـفا

تكـــفـا تـرا تكفـا لـها تِسرج الخيـل
ان كــان لك في مجمع الـخيل عسفا

تكفــا تـــراني من قرومٍ مشاكيل
حمـــــاية الــسـاقـه بـــسيفـٍ وشــلفـا

تكفــــا تـــرى تكفـا تهـز الـرجاجيـل
لولا ظروف الوقــــت ماقلت تكفا

هذي القصه حدثت
للاميره نوره آل رشيد......
عندما وقعت الحرب في حايل خرجت نوره مع عبدها
وعندما اتاها خبر مقتل اخوانها حزنت حزن شديد
وزاد ذلك ان العبد كف عن خدمتها بل اصبح يامرها
وفي يوم من ايام شافها تبكي واول مره يراها العبد تبكي
فاستغرب لان نوره كانت شديده وكانو اخوانها ينتخون بها
ودمعه نوره غاليه جدا؛
فسالها لماذا تبكين فقالت هذه
القصيدة :
أبكـي هلـي هــل العـلـوم المليـحـه
ولا ألوم عيني لو بكـت دمعهـا دم

إخوانـي أبكـي والقصـور الفليـحـة
إخـوانـي الـلـي لا بـغــو لازمٍ تـــم

ياما إنتخو بإسمي ليا حـل صيحـة
اليـا انتخـو بـي كافـر الجـن يسلـم

إسمي كما نجـمٍ ضـرب قـاع بيحـة
أو الصواقـع يــوم للضـلـع تـرجـم

نـورة أنـا بنـت الشـيـوخ الفليـحـة
أبوي حاكم وإخوتـي صفـوة الجـم

يا حيف حايـل فارقـن ريـح شيحـه
بذيك الشغايا تقل ما قيـل لـي سـم

محمـد طـلال اللـي جـرح للقريحـة
وناسٍ بنا خانـو ونـاسٍ بنـا نـم

خانـو بحايـل كاسبـيـن الفضيـحـة
وأهـل العمايـم جعلهـم فـي جهـنـم

أهــل العمـايـم يـدعـون النصيـحـة
جـهـال بــدوٍ مــا تـعــرف التـيـمـم

يالعبـد عقـب العـز كبـدي جريـحـة
حب الوطن يالعبـد مـن عصـر آدم

يالعبد ماهي مـن حكايـا الفضيحـة
خل السهر لي وإنت يالعبد قـم نـم

مـن أولٍ نأمـر تجـيـب الــذبيـحـة
واليوم ياعبد الندم صرت لي عم.


 


قديم 05-02-16, 01:01 PM   #2
القارظ العنزي

الصورة الرمزية القارظ العنزي

آخر زيارة »  03-13-24 (07:13 PM)

 الأوسمة و جوائز

افتراضي



الحمد لله على الجمعة والجماعة ـ ولو كل بقى على أمارته كما يحب ويبتغي دون الجماعة لما قامت دولة المسلمين ولم تجتمع الكلمة ونبقى على ما كنّا جاهلية جهلا وشذر مذر ، وأمارات تدّعي أنها دول وهي دويلات كانت تحت سطوة الأعراب وخفارتهم حتى في ارزاقها ، وإنما أماراتهم على عبيدهم وضعاف قومهم ـ ولم ينم أحد أنما هم المؤمنون أرداوا جمع الكلمة ووحدة السلطة والجماعة والسلطان الواحد ، وهاهم يعيشون شيوخاً وأمراءً اكثر مما كانوا في عهد الامارات والولايات التركية والاستعمار ـ الحمد لله على العافية والايمان والامان واجتماع الكلمة والاخوان ـ رحمة الله على الماضي الضعيف وأحمده على الحاضر المشرق ـ احترامي لناقلة القصيدة ـ فاقدة غالي .


 


قديم 05-02-16, 02:06 PM   #3
مسكك الغلا

الصورة الرمزية مسكك الغلا

آخر زيارة »  اليوم (09:49 AM)
المكان »  المملكة العربية السعودية
الهوايه »  لا شئ ...لم اعد اهتم بشئ



ان طالٺ الغيبه وانقطعٺ اخباري
خلوني بدنياكم ذكرى جميله .♥
MMS ~

 الأوسمة و جوائز

افتراضي



الحمدلله ساد الامن والامان

انرت اخي القارظ العنزي


 


قديم 05-02-16, 11:17 PM   #4
المريسي

الصورة الرمزية المريسي

آخر زيارة »  07-26-17 (11:02 PM)

 الأوسمة و جوائز

افتراضي



شكرا عالقصة والكلمات

تحياتي


 


قديم 05-02-16, 11:32 PM   #5
سَآكنُ الرُّوْح

الصورة الرمزية سَآكنُ الرُّوْح

آخر زيارة »  01-26-17 (04:36 AM)
الهوايه »  و حق آلله مآ عآدت معي تفرق . .

 الأوسمة و جوائز

افتراضي



اختي فاقده غاليه القصيده معروفه مو ل نوره بنت ال رشيد
قائلها هو الشاعر محمد الدحيمي الشهري والملقب بــ ( أخو تكفى )
والقصيده موثوقه من موقع الموسوعه العالميه للشعر العربي

علم العفا وعفاك .. يا وافي الكيـل*
بساطه أبشّرك .. في خيـر وعفـا

نكفي بعضنا ,, وانتكافا على الشيل*
واللي تعب من الحطّ والشيل يكفـا

من ذاق حرّ القايلـه يعشـق الليـل*
ومن شبّ ضّوه ليلة البرد .. يدفـا

لاعاد ليلٍ ٍ نمت به في حرى سهيل*
وخايلت نوضٍٍ يخطف العين خطفـا

امسيت من جيل ٍ ولاهوب ذا جيـل*
واصبحت … والاّ ديرتي شبه منفا

كنّا على فـال الشحـم والمعاميـل*
ونفوسنا انقى من نقى العدّ .. واصفا

وانا ولو راحت بقولـة : تساهيـل*
صلف وصروف الوقت تحتاج صلفا

ياترج جدّاني .. زحول الرجاجيـل*
يحرم فلا لي عنك ياتـرج .. مقفـا

إمّا لطمنا العيل .. والاّ الطم العيـل*
مادام شبّ النار منـدوب الأطفـاء

خل ابرهه الأشرم على ذمّة الفيـل*
وانظر لشيٍ …. مايوصفّه وصفـا

ياذيـل والله ماتجـي راس ياذيـل*
علمٍ ماهو يغبـى ولاهـوب يخفـا

واللـي حمـا بيتـه بطيـرٍ ابابيـل*
ماجيتـك ادوّر لمـن راح واقـفـا

ولا جيتك اطلب منك بن ٍ ولا هيـل*
جيتك وجرح الظلم .. غاديه يشفـا

جيتك بكلمة .. كنّها صعقـة الويـل*
إن قلت تكفـا … لا تهـاون بتكفـا

تكفى .. تراها كلمـةٍ تقطـم الحيـل*
لا بالله الا تنسـف الحيـل نسـفـا

تكفى .. ماهـي لمعقبيـن الفناجيـل*
تكفى لصلف وعـادة القـرم صلفـا

تكفى .. ترى تكفا لها هـدرة السيـل*
في صدر حرًّ .. ينتف الطيب نتفـا

تكفى .. ترى تكفا لها تسرج الخيـل*
إن كان لك باالخيل سرج ٍ و عسفـا

تكفى .. تبيّـن كـلّ لاشٍ وحلحيـل*
تسمع لهـا بالصـدر هبـدٍ ورجفـا

تكفى .. وتكفـا ماتسـاق لمهابيـل*
تكفى .. تخلي القـرم لاشٍ وهطفـا

تكفى .. تجنّبني هل القـال والقيـل*
مانيب من ينكف علـى كـل ملفـا

تكفى .. تراني من قـروم ٍ مشاكيـل*
حمّاية الساقـه .. بسيـفٍ وشلفـا

تكفى تــــــــرا تكفى تهز الرجاجيل*
ولولا ظروف الوقت مــا قلت تكفى

تكفى يـــــا مزيد ما يبا العلم تفصيل*
المشكلـــه كبرت على عماش تكفى

مــــا قلت تكفى غير من فترة الحيل*
وانتـــــه ولد من يفعل الطيـب تكفى

انخاك من كثــــر العنـــــا والبهاذيل*
الفقر حطمني .. وانــا ازريت تكفا.


 
مواضيع : سَآكنُ الرُّوْح



قديم 05-03-16, 12:49 AM   #6
نصف القمر

الصورة الرمزية نصف القمر

آخر زيارة »  اليوم (02:44 AM)

 الأوسمة و جوائز

افتراضي



سلمتي


يعطيك العافيه ولاهنتي


 


موضوع مُغلق

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


المواضيع المتشابهه للموضوع : تكفى ترا تكفى تهز الرجاجيل ( قصتها مع القصيده كامله)
الموضوع كاتب الموضوع المنتدى مشاركات آخر مشاركة
~ [ تكفى تعآل ] ~ ِABO NAWAF GH أنامل تتراقص لتبدع بفن التصميم ( تصاميمُنا ) 28 09-13-17 05:55 PM
تكفي يا محبوب .... بقلمي أنا فداهم ديوان ومحاورات حصريه لشعر ( شعرائِنا ) 5 11-27-16 10:24 PM
تكفى ارحمني ... إمبراطورة البحر قسم التسليه والترفيه عن النفس 4 11-02-15 09:49 PM
تكفى وطن همس القوافي - شعر - قصائد •• 10 08-24-13 04:48 AM
اقراها تكفى المدمر مواضيع إسلاميه - فقه - أقوال ( نفحات ايمانيه ) •• 4 01-01-11 03:21 PM


| أصدقاء منتدى مسك الغلا |


الساعة الآن 02:17 PM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
بدعم من : المرحبي . كوم | Developed by : Marhabi SeoV2
جميع الحقوق محفوظه لـ منتديات مسك الغلا