http://www.majaless.com/up/uploads/36c7b733ef.jpg
الصمت يكفي ويشفي صدر راعيه
لاصار كل الحكي ما له معاني

والقلب ما عاد تعنيه المشاريه
والعين ما عاد تغريها الأماني

والخاطر العمس من يقدر يسليه
الناس ولا الشعر والا الاغاني..؟

يا كاتب الحزن في قلبي وقاريه
في نظرتي في انفعالي في حناني

ياليت حزني مجرد دمع وابكيه
ما هوب عايش معي بين المحاني

ماهوب يظهر علي واحاول أخفيه
وتصير نظرات حزني هي لساني

لو للسحايب سجن يا عبرة التيه
والله ما أحبسك بخافقي ثواني

مدري ذكرني زمان كنت ناسيه
مدري ذكرت الزمان اللي نساني

كنت أكره البحر وأخاف الغرق فيه
واليوم أحبه وأخاف من المواني

كنت أعشق الجاي بأحلامه وأمانيه
ياما بنيت بخيالي له مباني

ياما رجيت العطا من مدة يديه
حتى خذا كل شي وما عطاني

http://www.istockphoto.com/file_thum...mond-heart.jpg


يا نعنبو قلبٍ عجـز ينساكـ

ويا نعنـبو روحٍ عيـيت تخليكـ

وين ما رحت وجـيت قدامي ألقاكـ

عــايش معـكـ وأشـواقي تناديكـ

يصعـب عـــلي الجفا لجيت بجفاكـ

وتتعـب روحـــي كل ما حل طاريكـ

تعـبت أدور حــيله حــتى ألقاكـ

وأنت غايب وما دري وينهي أراضيكـ

غايب عني وما دري وش اللي جاكـ

غــايب ويا عسـى ربــي يهنيكـ

اســأل عــــــنكـ ودوم أتقصــــاكـ

وأتقصـــى أخـــباركـ واسأل وش فيكـ

وأنت لاهــــي عــني يا زين بدنياكـ

لاهـــي بدنياكـ مــــع منهو مخاويكـ

يا جعــــل السعـد فالكـ يازين وملفاكـ

وخــــل الشقـــــاء يازين لروح مغليكـ

خـــل الشقاء لروحـي ويا قلب يكفاكـ

يكفــــاكـ مــــن الحب وما جاكـ يكفيكـ

خــــلاص يا حــب ترى عفنا طرياكـ

وعفــــنا المــــودة منكـ وعفنا بلاويكـ

يحق لي افتخر فيكـ يـوم اذكـروكـ
وارفع هامتي لانـي معجـبٍ فيـكـ

يوم جابوا طاري الزين مانسـوكـ
واول ماذكروا بالزين اسم معاليـكـ

قالو انكـ بالزين كل شي محتويكـ
ماتركتي احدٍ يفكر يقـدر يوازيـكـ

واليوم قررت اكتب شي يحتوويكـ
وافتخر عند الناس واقول انها فيـكـ

مابي منكـ رد ولا ابغى مشاااريكـ
ابيكـ تذكرني لاقالوا من اللي يغليـكـ

ماعليكـ يابنت نجد من مجافيكـ
ترى كلهم يسبونكـ لانهم يموتو فيكـ

بنت نجد يالعنبوا من يوازيكـ
ترى غلطت البنت انها تشبـه فيـكـ

انشهد انهم ماغلطوا يوم اذكروكـ
وان جمال حور الدنيا كله في معاليكـ

مالوم رابح يوم انه يتغزل فيـكـ
لان من يفقد الجمهور لازم ينتخيـكـ

واجيكـ يسلم راسكـ شلون ماجيكـ
وش لكـ حتى راشد قام يتغزل فيـكـ
:وحده مون:

لقيت نفسي كل ما حل طرياه
عروق قلبي كلها تقول وينه


يامر على قلبي ولا شكـ ينهاه
كلي أنا تحت الإشارة رهينة

ما كل من يضحكـ سعيد بدنياه
وما كل من يبكي دموعه حزينه


أحدن بكى .. والكل يدري عن بكاه
وحدن مع الضحكه تحس بونينه

ياشين فرقى الحب وياشين بلواه
والمشكلة دنيا بلا حب .. شينه

:وحده مون:

http://www.uqu1.com/up/uploads/f1df18216b.jpg


تذكر يوم اقولكـ جسد يحتوي روحين
وأوعدكـ ما أخليكـ وتوعد ما تخليني ؟

أذكر يومها أشوف بالدنيا بس أثنـين ...
قلبي اللي يحبكـ وقلبكـ اللي يحويني ...

بعدها بأيام شفت إيدكـ تحتضن ايدين
وانصدمت يوم شفت انها غير ايديني

سكت لجل خاطركـ وقلت مرحبا بالزين
مرحبا باللي القلب لجلـه حيل كاويني

مر يوم واسبوع وشهر وبعدها شهرين
وهو لازال مايدري بأني شفته بعيني

وأخاف اني أقوله له خاين وينجرح بعدين
واخاف أسكت وبسكوتي صمتي حيل يشقيني

واجهته وانا ابكي والعين تحتضن العين
سألته: ليه تنسـاني؟ولا ماكنت تغليني؟؟

سكت ولفّ عني وخبئ وجهه بالإيدين ...
اللي كانت تحضني وغيرها ما تدفيني...

سحبت وجهه ومسحت الدمع على الخدين
وقلت له والله أحبكـ ولو انكـ تخليني ..!

سكت فتره وقال لي : لازلتي تحبين؟؟
بعد اللي تشوفينه لا زلتي تحبيني؟؟

ابتسمت وقلت أجلكـ ماعرفت للحين
اني أحبكـ حيل واللي يرضيكـ يرضيني ..

سكت فتره وانا أعاود فرحه بقتل سنين
وتركته وتركت حبه اللي بقى فيني

وصارت الدمعـة اذا هلّت أقول أهلين
والبسمة هجرتني ونست دربها فيني ...