منتديات مسك الغلا | al2la.com - امسح دموعك ولا تطري الوداع

- همس القوافي - شعر - قصائد •• (https://www.al2la.com/vb/f5.html)

- - امسح دموعك ولا تطري الوداع (https://www.al2la.com/vb/t72496.html)

امسح دموعك ولا تطري الوداع

https://media.giphy.com/media/vvQ7EaPPwHSO4/giphy.gif

امسح دموعك ولا تطري الوداع
ولا تقول ان الهوا ذا مستحيل..

قبل لاتحكم علينا بالضياع
راجع اوراق الامل تلقى سبيل..

وان عصاك الوقت يازين الطباع
كف دمع العين والرمش الضليل..

واذكر ايام مشينا باندفاع
مانعرف الياس في ليل طويل..

يوم نزرع حبنا في كل قاع
ونقنع بحلو الامل لو هو قليل..

حبنا صافي ولامسه خداع
يرسم الفرحه على القلب العليل..

مثل مركب كنت واشواقك شراع
يبحر المركب ولو حمله ثقيل..

مايهمه موج وبحور وساع
مرتكي للميل لو طال الرحيل..

طالبك حاول بقد المستطاع
لاتروح وتبتعد يا اغلى خليل..

وامسح دموعك ولاتطري الوداع
وان نويت البعد خذ دمعي بديل

كلمات جميلة وتلامس المشاعر سلمت يداك

قصيدة رائعة جدآ

تسلم يمينك .. بـ شــــوووق لجديدكـ المميز

رواعات تسلم يمناك :16:

صح السانك كلمات جميله

طالبك حاول بقد المستطاع
لاتروح وتبتعد يا اغلى خليل..

وامسح دموعك ولاتطري الوداع
وان نويت البعد خذ دمعي بديل

يا ناظرة في عين الواداع
هذا الحب والجرح القتيل

ابداع يا متذوقه الشهد
فنهل من ايقاع انغامك سحر عذب
كنت هنا على نهر الكوثر