10-25-16, 12:38 AM | #19 | |||||||||||
|
السلام عليكم اليوم مدري شفيني داقني الملل من كل صوب سويت ملخصاتي ملازم و المفروض المفروض ابتدي اذاكر و خلاص يعني الشي صار جدي ما ينمزح فيه بس وقتي كله ضايع يعني حمودي ماشاءالله لا اله الا الله حركي و شيطون و مطلع لي قرون و اي شي يشوفه عندي يجي ياخذه محتاره في نفسي متى اذاكر ولله بشوف وضعي من الحين لكم يوم ما ضبط انا متربعه ف بيت اهلي اهو مع امي و انا اذاكر و الله ايسر الامور دعواتكم | |||||||||||
|
10-28-16, 01:26 AM | #20 | |||||||||||
|
يجعلك من أساسيات يومه ، يستحق أن تبني له في قلبك وطناً يليق به 💖 كان في حياتي شخص صار كل حياتي كل دنيتي وقف معاي نصحني علمني اشياء كثيررررره شجعني ع الدراسه و الحمدالله سجلت ف الجامعه و انقبلت و من هذاك اليوم لليوم انا باقي لي هالسنه و بتخرج اتمنى اسمع صوته و اشكره على تشجيعه لي و وقفته معاي اي شي احتاجه رنه وحده مني و يتصل على طول ولا انسى بعد زوجي ما قصر في تشجيعي دااااايماً ادعي لشخص هذا دعواتي ما توقف لما اتذكره ماحد وقف معاي و ساندني و علمني و فهمني امور الدنيا غيره الله يوفقه و يسعده و يزرقه و الله يجعل حياته سعيده فضفضه ما قبل النوم تصبحو على خير | |||||||||||
|
10-31-16, 03:45 AM | #21 | |||||||||||
|
احس بالسعاده و الفرحه لما اشوف تقييمات تجيني كذا رغم انزعاجي و هم المسؤلية من كل صوب احس الهم مسيطر علي بقوه مو عارفه انظم وقتي حمود من يشوف عندي ملزمة اذاكر يجي يسحبها مني و يقومني تعالي العبي و تعالي بس المهم ما اخليه بروحه ومن ينام انا اكون خلاص دايخه و حالتي حاله احترت مره في وضعي و مره ثانيه شكراً ع التقييمات إلي تسعدني و تفرحني | |||||||||||
|
10-31-16, 04:49 AM | #22 | |||||||||||
|
شكراً ع التقييم << معن ا اعرف من منو و بشكل عام تقييماتي كلها ما اعرف من منو يا ليت تقولون منو انتون عشان اعرف اشكركم | |||||||||||
|
11-03-16, 02:38 AM | #23 | |||||||||||
|
مدري شذكرني بهالشي بس حنيت لنفسي القبليه ساره الي تقعد بروحها في الظلام و تقعد تفكر في هدوء رااح الهدوء إلي اقعد افكر فيه وحشني من جد وحشني هدوئي وقت ضيقتي وحشني هدوئي في الوقت إلي بكون افكر فيه عشان اتخذ قرار المسؤليه اخذ كل وقتي صرت ما افكر في نفسي كثر ما افكر في ولدي و زوجي ساعات احس بضيقه مو طبيعيه بسبب تنقيصي في حق نفسي ساعات اقول يا ليتني ما درست وفي نفس الوقت الحين الواحد بدون شهاده ما يسوى دراسه و بيت و مسؤلية و زوج و طفل وقتي صار ملكهم مو ملكي خاطري لو يوم واحد ترجع ساره القبليه .. ثاني حاجه بسويها هالسنه على خير بعد التخرج ان شاء الله بنحجز للحج انا و زوجي و بقضي فرض الاسلام وبعدها فيه مشاريع غيرها تحسسني بوناسه و تفاؤل بس بعد ابي اجلس في ظلامي الجميل | |||||||||||
|
11-05-16, 02:17 AM | #24 | |||||||||||
|
تحتاج أحيانًا إلى لحظة هدوء بعيداً عن كل ما يَصِلكَ بالعالم . تصبحون على خير | |||||||||||
|
إضافة رد |
مواقع النشر (المفضلة) |
| |
المواضيع المتشابهه للموضوع : يوميآت سآرة ..! | ||||
الموضوع | كاتب الموضوع | المنتدى | مشاركات | آخر مشاركة |
يوميآت مطنوخ | مطنوخ | قسم مدونات الأعضاء [ الاختلاء المباح ] | 168 | 06-19-23 05:36 PM |
يوميآت عآبرة على آرصفة الحزن ~ | azOoOoOoz | قسم العام للمواضيع العامه •• | 6 | 07-18-15 10:31 AM |
يوميآت سويـره ♚ | سآرهه بنت سعود | قسم مدونات الأعضاء [ الاختلاء المباح ] | 31 | 05-07-15 10:21 PM |
كيف صآرت الله أعلم | اميره | قسم الصور والرسوم العامه | 2 | 05-14-10 04:05 PM |
| أصدقاء منتدى مسك الغلا | | |||||