|
(((ترى الكرم والطيب حنا خواله ** وحنا عمامه مع أهيله اسلالات)) الحقيقة هذه الابيات قلتها قبل سنوات وهي من بداياتي القديمة في قرض الشعر ، وهي تعبر عن البيئة البدوية والتي كنت اعيشها في ذاك الزمان ، من قبل أن نتأثر في الحضارة اليوم ، ونغير النهج القديم بالجديد ، أرجوا ان تنال استحسان القاريء الكريم ، وأن يعفو عن الزلل والخطل في القصيدة ، وينبهنا الى مكامنه مشكوراً . يا راع المعروف وسّـــــــع مــجـــالـــــه واصبر على المعروف تكسب احسنات وافطن ترى الـمـعـروف صـعـب نــوالــه ولا يـقـدره رجـــــــل بـطـيـبـه هــوالات ولا تتبع المعروف شــتــم ورزالــــــــــة وتضيّع المعروف وطيبك بـالــوهـــــــات ولو الرجل همه مــعـوشــة عــيــالــــه ان كـــان كــل الناس صاروا طـويــــرات ولا خــيــر في عـمـر(ن) بـلـيـّا جمـالـة الياصار ما عندك مع الناس شـرهـــات ولولا الصبر والــطـيـب هو والــكــفـالـة الناس ما تقضي مع الناس حــاجـــات ترى الـكـرم والـطـيـب حـنـا خـــوالــــه وحنا عــمــامــه مع اهـيـلـه اســلالات مثل الـجـسـد والـروح في اشـتـمـالـه الكل منهم ما يــتــنـــازل عن الــــذات وياما قــضــيــنــا من لــزوم وجـــمــالـة ويشهد لنا بالطيب فعل الــجــمـــالات ويشهد لنا وليـدك ونــقــلــه بــحــالــه اصبح يجنبك عقب ذيك الـمـســافــات ويا ما نـفـعـنا ونـفـعـنـا لـــه دلالــــــــة والدهمشي علمه مع الناس ما مــات والـيـوم تــجــزي نـفـعـنـا بالـفـسـالــة وجـزيـتـوا الـمـعـروف شــتــــم ورزالات ترى الردي همّه يــجــمــّع حـــــلالــــه ما همّه الا بس يــجــمــع ريـــــــــالات تـلــقــاه هو والنسوان يفرش اجـلالـــه وتلقى على شرواه منهن عــــلامـــات هذي عجوز تـرشـمـه في اثــــفــــالــه وهذي عـجــوز تطرده بالاشــــــــــارات ما يفتهم غـــيـر الـرشــــــــا والمحـالة يسقي وينعب ثـــــــــــــم يورّد طليات تمت وصلى الرب جـــلّ جـــــــــــــلاله على النبيّ وخـــاتــــــم كل الرسالات القارظ العنزي |
- إنتقاء مميز , يعطيك العافيه :111: |
- ولا خــيــر في عـمـر(ن) بـلـيـّا جمـالـة الياصار ما عندك مع الناس شـرهـــات ولولا الصبر والــطـيـب هو والــكــفـالـة الناس ما تقضي مع الناس حــاجـــات ^^ عزالله انك صدقت يالعنزي لاهنت على الدرر الذهبيه ولا فض فوك قصيدة جزله من شاعر جزل لا تحرمنا جديدك |
Monster شاكر لك مرورك الطيب لا هنت احترامي |
حركاات شاكر لك المرور العطر والاطراء الجميل لاهنت احترامي |
صح لسانك واعتلى شانك ما كنك الا تقولها ونت في ذاك الزمان عشناه ويا محلاها من عيشة ابيات تحاكي ذاك الزمان وبنفس الوقت فيها امثال واحكام قلّ من يعتني فيها هذي الايام وفيت وكفيت وسجليني من المعجبين بك وبشعرك زوود دمت بود |
| الساعة الآن 03:31 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا