((يالمنتدى ضيّقت صدري وانا اهيم)) يالمنتدى مـحـتـــــــــاج لفزعة وترميم تـصـلـح بــهــا حـــــــــــال تزايد حريقه يالـمـنـتـدى ضـيّـقـت صدري وانا اهيم ما بين صــفـــــــــحـاتـك وبين الحقيقة حقيتي يالمنتدى هـدّنـي الــضــيـــــّم ضيم الليالي جـــــــــــاب ضيقة وضيقة قـــــــــــامت توارد بي هموم تقل غيم زود على جــــــــــــــروح بقلبي عميقة تــواردت مع سـحـبـهـا والـمـطـر ديـــم وشـمـس الـضـحى ما عاد نلحظ بريقه في لحظة يفرح بها الــعــاشــق مهيم هي فرصته يـسـعـد بـشـوف العشيقة لاني مع الـعـشّــاق واشكي هجر ريم ولاني مع اللي شفّ مـطـعـوم ريــقــه هـمّـي هموم يـشـغـلـنّ الـشـغـامـيـم وكــــل يــشــجّــع بالـنـشـامـا فـريـقـه نفسي عطشها بالمراجل عطش هيم ما تـرتـوي وايــضــا الــردى ما تـطـيـقـه كـــــــم واحـــد عـنـد الّـلـوازم تقل نيم وعند الــرخـــــــــاء يذّيّــك بزايد طقيقه القارظ العنزي |
الله يشرح صدرك و يبعد عنك الهموم ،، صح لسانك ،، |
اللهم آمين يالنور ، الله ينفعنا بصالح دعائك ـ لا هنت على المرور والمتابعة والدعاء الصالح ـ وصحة انفاسك أختي الطيبة والعزيزة ـ احترامي |
شرح الله صدرك وابعد عنك الضيق والكدر استودع الله كل ماتريد وباذن الله ودائع الله لا تضيع وصح لسانك واعتلا شانك :81: |
مسك الغلا . اللهم امين على دعواتك الصالحة . الله يجعلها في موازين اعمالك يوم لا ينفع مالا ولا بنون . الا من اتى الله بقلب سليم . احترامي وتقديري لمرورك العطر والجميل . تحياتي |
رائع يا القارظ رائع فديتك من الضيق ,,, الله لا يجعل للضيق طريق الى قلبك ,,, صح لسانك وسلم بنانك ,,, لا خلا ولا عدم ,,, |
أروع ماقرأت لك تستحق القراءة فعلاً قصيدة جزله و عذبه رغم الألم و الله يبعد عنك الهم صح لسانك هذي القصايد اللي تطرب تستحق التقييم و الخمس نجمات و الختم |
لو كان المنتدى شخص كان ماطاق الحال كلن من جهه يشكي وونينه شكل أشكل صح لسانك :22: |
آمين ابو ضاوي على صالح دعائك لا عدمتك يا محزمي لاهنت ولا هان مرورك تحياتي واحترامي وتقديري لسموك . |
اللي يطرب حقيقة هو مرورك العطر ايها الامير ـ امير الابجدية لاهنت ولا هان مرورك احترامي لذوقك الراقي |
صحة انفاسك عابرون تسعدني هالطلة البهية لاهنت ولا هان مرورك الكريم . |
صح منطوقك يالامير وعساك سالم من كل ضيم |
تسلم لي برد ودفا ما يجيك الضيم |
الله يعافيك سعودي1 |
الساعة الآن 12:19 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا