سامح الله من قصدني واعتمدنـي بالخطيـه
 

سامح الله من قصدني واعتمدنـي بالخطيـه
= من قريبين الجدود ومن بعيديـن الجـدودي

دايـمٍ ما يفلـح اللـي غيّـر النيـه بنـيـه
= والخطيه كـان ما تنقـص تراهـا ما تـزودي

خابر إنك ما تـروح بعيـد يـا راع الرديـه
= لو مشيت ألفين كيلو ما تعديك الحـدودي

أنـت طرقـيٍ معنّـى لا شـداد ولا مطيـه
= لا أنت فتال العقود ولا أنت حلال العقـودي

لو تحّزم بالرصاص ولـو نقلـت البندقيـه
= الرصاص يذل والبندق تذل مـع الشـرودي

هبّ وأنا راعـي العشـوا وخيّـال العبيـه
= كيف يا رخو العضود تضد مفتول العضودي

والله إنـي لا كليـل ولا ذلـيـل ولا علـيـه
= مير أحسب لي علومٍ ما بقي منهـا وجـودي

أحسب حساب الرفاقه والمـروه والحميـه
= حشمة للطيبيـن اللـي بعضهـم فاللحـودي

نظرتـي فالطيبيـن ونظـرة الحسـاد فيـه
= كلها نظرة حسد والعود في عين الحسـودي

والله إني ما ادعيـت بحجّـةٍ ما هيـب ليـه
= حجتي ما تنجحد واللي جحدها من شهـودي

خافوا الله يالقضاه اللـي تعرفـون القضيـه
= الصحيح يسود والباطل مصيـره مايسـودي

لا مطالبكـم بديـن وذمتـي منكـم بـريـه
= ما بقي غير العلوم اللـي يبيحـن السـدودي

بيّنٍ عيـد رمضـان وبيّـنٍ عيـد الضحيـه
= يا عسى الأول يعود ويا عسى الثاني يعـودي

يا قطن جاتك مزوّعـةٍ مـن الحـرّه طميـه
= مستخفّه عقب كانـت لا رمـوح ولا هبـودي

ساقها عشق الجنـون وساعدتهـا الجاذبيـه
= لين عدتهـا الجبـال المستطيلـه والنفـودي

معجزه في عصرنا الحاضر وعصر الجاهليه
= الهوى صاب الحجر ما به قلوب ولا كبـودي

وين قيس بن الملوح ويـن ليلـى العامريـه
= كيف ما ينصفهم اللي ينصف ديانـا ودودي !!

والعزا فيما بقـى واللـي بقـا فيـه البقيـه
= مرة الأيام بيـض ومـرت الأيـام سـودي

يالله اجعـل خاتمتنـا بالسـلام وبالتحـيـه
= ونتوفى محرمين وفي حرم ربـي سجـودي

اسعدني تواجدك الرائع

وردك الاروع والاجمل

لاتححرمنا من تواجدك

نورت مصفحي

لاخلا ولاعدم

سلمُ لنا هذُآ الذوُوُق ..الذُي يقطفُ لنا..
آجمًل العبارات وٌآروعهـــاآ..||
ماأننحرُم منُ ذآئقتُك الجميلهُ والمميزهُ..
لآحرمنـــآآك...
ودي

اسعدني كثيراا مرورك العطر

وردك الرائع والجميل

نورتي مصفحي بجمال تواجدك

دمتي بسعادة