منتديات مسك الغلا
 


Like Tree30Likes
موضوع مُغلق
 
LinkBack أدوات الموضوع انواع عرض الموضوع
قديم 08-14-16, 06:58 AM   #49
السامي

الصورة الرمزية السامي

آخر زيارة »  03-16-24 (09:33 PM)
مآهو لزوم آقول للنآس ... آغليه

هو يدري آن صمتي دليل لْ / غلآته !
MMS ~

 الأوسمة و جوائز

افتراضي






نصحت قلبي عن هواه وعذلته
لاشك عيا لايطيع النصيحة

البارق اللي ينعش الروح خلته
انا المشقى والعرب مستريحة

عساه يسقي وادي قد نزلته
يوم من الأيام يازين ريحة

واد الغرام اللي يذكر دخلته
فيه العذاب وبه رسوم مليحة

ماقال ابن لعبون في مي قلته
قلت البيوت الصايبات الصحيحة

بذلت مجهودي وجهدي بذلته
والله ماقول إلا العلوم الصريحة

زول قتلني بالهوى ماقتلته
لو مت باسبابه عسى الله يبيحة

ياكبر هم عقب فرقاه شلته
مار الليالي بالمواصل شحيحة

لو قلتو ابشر بالعوض ماقبلته
جوزوا وكثرالعذل يرث فضيحة

ياللي عذلتوني وش اللي عملته
يالايم العاشق تطيح بمطيحة

الباب عن كل العواذل قفلته
ياناوي بالعذل طبه بطيحة

لو لي حلال مع حلالك عزلته
كم ضحكة جا عقبها كم صيحة





 


قديم 08-14-16, 12:00 PM   #50
ام باسل

الصورة الرمزية ام باسل

آخر زيارة »  04-28-17 (03:20 PM)
المكان »  الاردن
الهوايه »  شعروالكتابة

 الأوسمة و جوائز

افتراضي



فكرة حلوة ورائعة


 


قديم 08-14-16, 04:26 PM   #51
شاهستا

الصورة الرمزية شاهستا
قاتل الله خيباتي..!

آخر زيارة »  03-10-24 (06:14 AM)

 الأوسمة و جوائز

افتراضي



ارتضينا بالمقدر والقضا

وما تعبنا نصطبر قبل وبعد


هذا جرحي البرق في صدر الفضا

وذا أنيني في دجى الليل الرعد


لو بقى في العمر كثر الي مضى

كل ماهو يسعد القلب ابتعد


لا تحدثني بقناعه أو رضا

كل مابي للنهايات استعد


وكل هم طاح من غيري وفضى

من مطيحه لاذ فيني ولي صعد


تنتظر في القافيه جمر الغضا؟

الجمر يكسي دروبي بلا وعد


التجيت بقادر نوره أضا

السما والأرض وارجا ما تعد


يا مغيث الخلق مائي قد نضا

وكل حظ قام لي كل وقعد



مابقا بي حيل والصبر وقضى

الأمر لله من قبل وبعد


 


قديم 08-15-16, 03:35 PM   #52
ساري الشوق

الصورة الرمزية ساري الشوق

آخر زيارة »  06-21-18 (09:21 AM)
المكان »  الرياض
الهوايه »  الشعر والوناسه وفلة الحجاج
MMS ~

 الأوسمة و جوائز

افتراضي



كيف بنسى ؟ وطيف حسنك بالعيون
وين مالديت في وجهي لفاء



أسألك بالله وش معنى جنون!!؟
وأسألك منهو على وضعي نــفاء




الحزن ظالم ولا يعرف حنون
كم شعل فيني طموح وكم طفاء




صارلي سلطان يأمر بالسجون
طاغي الاحكام ماعمره عفاء


 


قديم 08-16-16, 12:21 PM   #53
اسمحيلي يالغرام

الصورة الرمزية اسمحيلي يالغرام

آخر زيارة »  11-24-23 (12:59 AM)
الحب قرب كل بعيد واقصر المسافات
ولاجيت اسمع كلامه خذت عقلي بلباقه
MMS ~

 الأوسمة و جوائز

افتراضي



الطيب دمعه والردى ضحكةحجاج
ونفسك قبل لا تلوم الأيام لـمهـا

لو المراجل طالها كل هراج
رخصة فعايلها وقلة شيمها

الجهل غدراء ليل والحكمة سراج
والخلـق شــاره والمنايـا سهمــها

والضيق سجن البال والسجة إفراج
وأن ضامتك خطوى المقاريد ضمها

لو الرجال تقاس بالبشت والتاج
مانفرق شيوخ العرب من خدمها

ولو كل من تارد بهقوتك هداج
ماشفت كبد ناشفه من وهمها

ناسٍ فرقها وجودها بين الأفواج
وناسٍ تساوى وجودها مع عدمها

وقت يهيج ويصطفق مثل الأمواج
نبـني الأماني والظنون تهدمها

من جرب الحاجة عذر كل محتاج
ناسٍ عطاها الله وناسٍ حرمها

ماعاد يمدي والحكي دونه سياج
لكن تهجى كلمتي وأفتـهمـها

أما تجي بحراج وتروح بحراج
وألا تــثـمـن جيتك وتحشمها


 


قديم 08-20-16, 02:46 AM   #54
ذات

الصورة الرمزية ذات

آخر زيارة »  08-01-20 (06:14 AM)
المكان »  بين سطور محمود درويش..##
لا إِلَهَ إِلَّا أَنْتَ سُبْحَانَكَ. إِنِّي كُنتُ مِنَ الظَّالِمِينَ


قال تعالى: (قُلْ إِنِّي أَخَافُ إِنْ عَصَيْتُ رَبِّي عَذَابَ يَوْمٍ عَظِيمٍ ).
MMS ~

 الأوسمة و جوائز

افتراضي



وديٍ اكلمك كل شوي واسكر
ابغى اتطمن مثل لو انك اوزاني
من امس واليوم والليله وانا افكر
تكفى تحرص على روحك علشاني
ارب عادك الى ذلحين متذكر
ان انت وانا مانستغني عن الثاني
ان كان به فرصه للمواصلي بكر
ولانيب قايل على الميعاد مامداني
حتى لو اني بعيد وجوي معكر
اوعدك لاجيت قبل الوقت تلقاني
متقهوي مواصلك وشلون بشكر
والشوق في غيبتي عنك يتقهواني
اطري اللي مضى للقلب واذكر
واحس به شي قبل اليوم ما جاني
احبك وماني بجاحد ومتنكر
نزيه واللي لك بقلبي على لساني
من امس واليوم والليله وانا افكر
يا نصفي الاولي من نصفي الثاني


 
مواضيع : ذات



موضوع مُغلق

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


المواضيع المتشابهه للموضوع : ديوان مسك الغلا،
الموضوع كاتب الموضوع المنتدى مشاركات آخر مشاركة
سجل حضورك باسم حيوان او صورة حيوان مهند العاشق قسم عالم الكائنات الحيه البريه والبحريه 2342 03-24-24 12:16 PM
حيوان الشبث مطر الفجر قسم عالم الكائنات الحيه البريه والبحريه 15 11-30-16 05:58 AM
يخوان.. رغد الحربي. الترحيب بالاعضاء الجدد •• 7 05-21-16 03:32 AM
يقولون الغلا ميت ... وأنا أقول الغلا مـ مات عاشق عيونك همس القوافي - شعر - قصائد •• 6 12-04-14 07:18 AM
اشجع حيوان في العالم حيوان غرير العسل ( الغرير ) مطر الفجر قسم عالم الكائنات الحيه البريه والبحريه 2 09-11-14 11:34 PM


| أصدقاء منتدى مسك الغلا |


الساعة الآن 11:08 PM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
بدعم من : المرحبي . كوم | Developed by : Marhabi SeoV2
جميع الحقوق محفوظه لـ منتديات مسك الغلا