خذني جريح شعور يعشق وصالك
ينزف جروح العشق وأيامه شهود


خذني غريق أحلام عانق خيالك
يرجي سحاب أيديك والشوق موقود


خذني بقايا إنسان كلي حلالك
اسكن عروق القلب والشوق موجود

مسيت بالخير ياشفي وياذوقي
يامكسبي بالغرام ومصدر اشواقي
القلب هو منزلك ودروبك عروقي
في كل عرق لحبك موقع تلاقي
وان ضقت من قلبي اطلع منه لموقي
يعني مكانك ما بين القلب واحداقي

أقسىَ مشآعر تشعل النفس ضيقَه
فيَ حال ( لآ يمگن ) وفيَ حالة ( الظلم )

و أقسىَ من الثنتين و آصعَب طريقَه
إذآ رسَمت الحلم ، | ثمـ’ أستمَر(حلم ) !

مرّ السّبوع وهذا هو عيدنا عاد
هلل وكبر وافرح اليوم جمعه
وانهض وسبح للذي ماله انداد
سبحانه الخلاق يابدع صنعه
واكثر صلاتك عالنبي خير من جاد
يرد تسليمك وتحظى بشفعه
والوالدين احسن لهم وارض الاولاد
يابخت من كان الرضى دوم طبعه
واذكر محبينك جماعات وافراد
واوصل قريبك واعطه اليوم دفعه
وابذل ولا تبخل بمالك وبالزاد
وابحث عن المحتاج وانفعه نفعه
واقرا وتدبر سورةالكهف وان عاد
حسيت عندك عزم زد جزء وارعه
واختم بما تحفظ من اذكار واوراد
واسكب على ذنبك من العين دمعه
واذكر اخوك اللي كتب هذا الانشاد
وامنحه دعوة غيب من بعد ركعه
هذي أمانه أو سلف مثل الارفاد
دعيت انا لك وقت نظمه وبدعه
يارب من يقراه تذكره باشهاد
وتزيد في الدنيا وفي البعث رفعه
واجعله وانحن معه صادر ووراد
عالحوض نشرب من عواذيب نبعه
يارب انا حبي لهم فيك يزداد
يارب تجمعنا في الخلد جمعه
عندك بمقعد صدق ما فيه حساد
فوق الحرير بسندس يزيد لمعه
وآخر دعانا الحمد لله تنقاد
معنا بكل احوال وتقيد شمعه
واحفظ كلامي واحسبه وعظ وارشاد
لا خير في اللي ما وعظ يومربعه
لا تستقل الخير لو بسمة اسناد
في وجه اخيك ولا تقصر بفزعه
واليوم هذا عيد من ضمن الاعياد
له كل سبعه ايام بالخير رجعه
أذكر ترى الله فيه واعدك باوعاد
لا تنسى نفسك من الدعا يوم جمعه

گنَّآ ] مثلْ "حرفين" في شهقٍة صٍغآر . .
نسرقٍ من آلْسآعة .. دبيب آلْثوآني

نجمع حگآوينآ سوآلْيف وأخبآر . .
ونطيرْ "ضحگهْ " .. ونتنآثرْ
أغآني

و[ آلْيوم ] عشّشْ "حزننآ"
بين آلْأوتآر

"مآت" آلْگلْآم ..
و" غرّبتنآ " آلْأمآني ..!!