مشتاق لك شوقي بحر رحمتك عوّد لي
حن وتعطّف واسْتقِر بين الكِبر والتيّه
خذ ماتبي يا معذّبي بس لا اتْصدَّد لي
ارضيك تزعل .. ازعلِك ترضى علي وَليّه

بين الحنايا موقعَك واشواقي تشهد لي..
اجيك والمنّه علي واقول لك لبّيه
يا سَيدي عَفوَك وأنا مافيني يشفع لي..
تصِيب تَخطي عاذرِك ما اسأَلك كيف ولِيه




لمَّي تُوّجه يا بعد كل من توجَّه لي..
عاتب عِتاب أحباب سَوْ اللّي تبي سوّيه
شرهتك عاللّي في طُوارِي الليل متسلَّي..
لاهو بقادر يملكك لا انت اللذّي مخلّيه

مير الشره مِنّك تَراه إنجاز يُحسب لي..
كُود إني متصدّر على خافقك ومن يغليه
لَوْ التمنّي فادنِي لو كان يِحْصَل لي..
إمتَيِمَكْ ما تَرِّكَك والبُعد ما ينويه


كلمات : عبدالرحمن العثمان