بحر العيون
 

صباح الخير
أعضاء مسك الغلا

أضع بين يديكم هذه المشاركة من جديد القريحة آمل أن تحوز على رضاكم : (( وياليت أحد ينسق لأنه التنسيق غير ممكن عندي ))
//
كيف عيني تشوفك واحتوي هالشعاع .........واحتوي كل نظرة منك تحت النظر
/
واسترق منك لحظة في العيون الوساع ........وأقتبس من سناها ما يمد البصر
/
من عيونك أسافر عن سنين الضياع ..........من هدبها لنون العين رحلة سفر
/
البحر في عيونك اجتمع ثم شاع .............في طرف كل نظرة منك حتى استقر
/
وين ألاقي محيطك في خضم النزاع ...........بين جدب السنين وبين لون المطر
/
الليالي متاهة والخطى في صراع ............... بين خطوة رحيل وبين خطوة صبر
/
الأماني تغوص أمواجها بلا شراع .......................ودها تعيش دنياها غريقة بحر
/
يا عيون الليالي شرفي بالوداع .....................وارحلي بالأماني تحت ضوء القمر
/
صدق لو الأماني تشترى أو تباع...................كان أقدم عشانك مابقي من عمر.
/
وتقبلوا تحيتي

ماشاء الله
صح لسانك شاعرنا المبدع
تغيب وترجع لنا بالجديد والمميز
روووعه الكلمات
ولا تحتاج تنسيق :22:
يكفي جمآل الأبيات وعذوبتها
لا عدمنآك
كل الود لك .. :ah11:

كمَ هائل من الجمالَ يسكنُ حرفكَ ابدعت وامتعتَ ..
ودمتَ ولاندمتَ :27:

ما شاء الله عليك
صح لسانك اخوي
أبيات قمة في الروعة بمفرداتها ومعانيها
قصيدة جزلة وعذبة ..
ابدعت والله على جمال الوصف ..
شاعر مبدع وذو احساس مرهف ..
لا خلا ولا عدم .. بشوق للجديد

دمت بود

:81:

...

صح بدنك.
والروعة والجمال تكفل بها حضورك وإشراقة قلمك.
....
يعطيك العافية
تحيتي