|
بنت خالتي وشااااااب غريب السلام عليكم ورحمة الله اخواني اخواتي ... هذي قصة بنت خالتي انا متعلقه فيها كثير مثل الاخوات مع بعض اسرارنا مكشوفه لبعض ودائم مع بعض حتى نلبس مثل بعض بالمناسبات ونحب بعض كثير قبل ايام قالت لي قصه سارت معها من فتره قريبه جدا وانا صراحه مو عارفه لها حل والي هي .... انا اقولها هي والله طيبه ويرق قلبها لاي احد وماتحب تشوف احد حزين وماتحب احد يكون متضايق ودائم تحب الخير لغيرها مثل ماتحبه لنفسها والله ماانكر ان يجي واحد يلعب عليها القصه وما فيها قبل ايام قليله ارسل لها واحد على احد البرامج التواصليه يقول لها انه هو مرا حزين ومتضايق ومن هذا الكلام وهي جلست تنصحه على نيتها وبعدين جلس يقولها انتي ربي مرسلك لي معجزه يقولها والله كنت اتمنى لو اني ارسلت عليك من زمان عشان تريحيني ومن كلمه استنتجت انه كان مع علاقة بنت وماعرفت اذا زوجته او خطيبته او يكذب عليها ومر اليوم على خير ومن بكرا ارسل عليها وهي سالته من باب الفضول قالتله انت متزوج قال الله يسامحك على الجرح هي هنا جلست تسب نفسها اعتذرت منه ماتحب تضايق احد وبداء يكلمها وقالها انه حبها هي ماكانت نيتها انها تحبه ولا راح تحبه اصلا هي ماتبي تقوله احبك هي تكذب ولا تبي تقوله مااحبك قالت له تسلم وجلس يمدح فيها وكذا ومرا هذا اليوم على خير ومن اليوم الي بعده ارسل لها كلااااااااااااااااااام والله والله والله مشفررررررررررررررررررره مررررررررررا صراحه استحت تقوله لي فتحت اللاب توب حقها وخلتني اشوفه انصدمت يعني الرجال متضايق وحزين وبعد ذا كله ماوراه الا المصايب وهو يقولها انا اخاف على سمعتك واهم شي عندي سمعتك ومابي احد يشوها وقالها انا راح اتقدملك هي مو محتاجه احد يتقدملها بس ليش مو راضي يقولها ليش هو حزين وليش لما اسالته متزوج او لا ليش قالها على الجرح هل هو يكذب او لا هي ماعليها منه متزوج او لا بس من باب الفضول اسالته والله هي حلفت واذا قال شي وهي رفضت يقولها خلاص انا زعلت وانا معرف شنو وكلام ماله مال امه هي قالت ابتاكد اذا يكذب او لا راحت ارسلت له قالت تقدم لي واحد وهو عصب قال ابحط جرح جديد على الجرح القديم وجلس يقولها والله اذا ماتزوجتك والله انتحر وجلس يقولها والله مااعيش الى الصبح هي جلست تهديه تقوله خلاص ماراح اوافق ويقولها انا قلت لامي ابغى اتزوج وكلمت اخوي الكبير وكلهم فرحوا لي وجلسوا يباركون لي ويقولون لي اخيرا مابغيت تتزوج وهي متضايق من كلامه المشفر ويغصبها تقول كلام هي ماتحب تقوله طلب صورها هي رفضت قالت له اسفه مااخون اهلي واخاف من ربي وهو احترم رايها وقال طيب واخر مره ارسلت له جلست تنصحه وتقوله انه حرام وكذا وتقوله انها تحب الخير لغيرها مثل نفسها وهو يقولها عجبتيني مع انك صغيره الا ان عقلك كبير وقال ماراح اخليك تروحين من يدي راح اتزوجك وهي استخارت ماسار شي ومن بكرا طلب يسمع صوتها رفضت بحجة ان ماعندها جوال للمعلوميه هي تتكلم بالاب توب لان ماعندها جوال طلب منها تكلمه من جوال امها رفضت بالمره وزعل منها واحترمته ماقالت له شي هو بعدين رضى قال خلاص عادي وكل ماسالت اذا هو صادق بالي يقوله ماكانت مرتاحه له واذا اسالته صادق او لا يزعل ويقولها شكرا لك على تكذيبي وهي تصدقه على نيتها والى الحين ماتركها للمعلوميه والله بنت خالتي انا اعرفها مثل نفسي من كنا صغار نحب بعض او بالاصح متعلقات ببعض وهي بنفسها قالتها لي وانا قلتها وش رايك انشرها بالمنتدى واسالهم قالت اوك والله نيتها صافيه وهي طيبه ماتحب احد يزعل منها وهو عرف نقطة ضعفها وكل ماقالت شي غلط يقول زعلت ويطلع وهي تتاسف منه ويرسلها صور مو حلوه ومقاطع مشفره وكل هذا مشفرررررررررررررر اتمنى تقولو لي حل معاها ومعاه وهل هو صادق برايكم ولا يكذب وهي اصغر مني يعني شي طبيعي ماتحب احد يزعل اسفه اذا فيه اخطا املائيه بس عشان اكتب بسرعه مشغوله شوي:wed39::m9::m9::nosweat: |
عليكم السلام ورحمة الله وبركاته والله ثم والله يا اختي الغالية ثقي بي ان هذا الشخص ليس رجلا بل معدوم الرجولة هذا وحش ضاري ينهش في اعراض المسلمات ولا يخاف الله من ارسال صور وكلام مشفر !!!!! هل ابنة خالتك ساذجة الى هذا الحد ؟ رات منه منكر ومعصية ومازالت مصدقته ؟ هذا شخص كاذب ذو خبره فنية وهندسة اجتماعية للفتيات وخدع الكثير مثل شخصية بنت خالتك للاسف شخصية ضعيفة وعاطفية يسهل خداعها !!! يكفي سذاجة او غباء لابد ان تكون حازمه مع نفسها وتتركه بدون اي عذر ولا اي كلمه هنا تقولين اقتباس:
حسنا اتحداه ان ينتحر وليفعل ذلك اونلاين مباشر صوت وصوره ^_^ واذا انتحر فاليذهب الى الجحيم به و بئس المصير ليس مؤمن من ينهي حياته لاجل فتاة وبشر مخلوقين مثله ويقابل ربه في نار جهنم ! هذا يستحق الاحتقار وليس الافتخار رجل لا ياتي من الباب وبادب وباحترام الله الغني عنه وعن امثاله وسياتي من هو يستحقها ويصونها ويخاف عليها ولو كان صادقا لاتى من الباب وعرفها على امه واخواته واسمه وعنوانه واين يعمل واسم مقر عمله واسم مديره وهاتفه وهاتف عمله وهاتف البيت لاهله !!! انتبهي لبنت خالتك والا سوف تنحدر في الهاوية اسال الله ان يستر بنات المسلمين تحيتي لك |
واضح يبي يتسلى و يجرها معه للخراب لمى ارسل لها صور و مقاطع فيديو يفترض اتخذت معه موقف صارم الافضل تنهي كل شي معه احسن لو هي علقت معه ، يعني بادلته الحب .. تنهي الحب اللي بيضيعها بالأخير تتعب شوي لكن بترتاح لما تمر الأيام و تفكر باللي كانت فيه زين و بتحمد الله اللي نجاها منه قولي لها لا تنتظرين منه خير و انسيه و اقطعي علاقتك فيه نهائياً لو يبي يتزوجها طلب رقم امها و تقدم لها بشكل رسمي |
السلام عليكم أختي الغالية أنا بكون صريح معك إلى الحد اللي يمكن يزعلك قبل بنت خالتك أول شي كل هالتفاصيل تعطي انطباع إن بنت خالتك تعلقت بالولد وصار يلعب على وتر العاطفة والكلام واضح وذكر قصة حبه الفاشلة وجرحه العميق على قولته . وكان يتعمد إثارة فضول بنت خالتك بكلام مبهم . أنا بسألك سؤال : هل يستطيع هذا الشاب أن يخبر رجال كبير بهالقصه وهالجرح؟ تقولي ما أدري ؟ أنا أقولك ما يقدر لأن الرجال اللي يحب وما يتقدم لخطبة البنت قبل غيره ما له حق أصلا يذكرها إلا بخير . مو كل من حب بنت وتعرف عليها صارت ملكه . هذا النوع للأسف يتسلى حتى يكبر ولو راجع نفسه راح يكتشف أنه هو الغلطان لما ظلم بنت وحبها وهو ما ينوي الزواج. هذا جانب واضح من هالشاب للأسف بنت خالتك فاهمه وتمشي ورا فضولها اللي راح يوديها لأحد الطريقين إما أنها تغتاب الفتاة اللي حبت هالولد ولو كانت وهمية وقصة مختلقة من هالشاب وإما أنها تتعلق بالولد على بالها من باب الشفقة . أختي خبري بنت خالتك ترا إذا خايفه على رزق هالولد الله تكفل برزق العباد وفي الصحراء مخلوقات كثيرة وحيدة وجائعة وربنا يطعمها ويرعاها . وإذا خايفه على مصيره وبغت تكون قاضي يحكم بين الناس بالعدل في مسائل القلوب فما راح تظلم إلا قلبها البريء. هذا الولد طاح من عيني لما طلب صور بنت خالتك . ياخي حتى الشيطان ماهو مستعجل كذا . في منتدى اسمه مسك الغلا يرحب بهالقضايا وما يشترط على صاحب المشكلة أنه يكشف عن نفسه ويجي يحط مشكلته هنا ويشاركنا همومه ومنتديات كثيرة بعد أما يسولف مع بنت عزباء ومراهقة فهاذي واضحه وضوح الشمس . هذا ينتقل من فيلم هندي إلى فيلم هندي آخر . أختي الكريمة يريد الحظ أن يدخل من الباب وتأبى بعض الفتيات أن لا يدخل إلا من النافذة ؟ يقول المتنبي: كَثيرُ حَيَاةِ المَرْءِ مِثْلُ قَليلِهَا يَزولُ وباقي عَيْشِهِ مِثْلُ ذاهِبِ إلَيْكِ فإنّي لَسْتُ ممّنْ إذا اتّقَى عِضاضَ الأفاعي نامَ فوقَ العقارِبِ لا يصادق الغزال أسدا جائع ولا ذئبا مفترس صدقيني يجب ترك هذا الولد فهو ضال مضل. خلا الدنيا كلها وجا يشتكي عند بنت؟ أهذا فخر للفتاة أم خطر محدق ؟ قولي لبنت خالتك ليس كل ظلام يزرع فينا الفضول وإن تبديد الظلام يكون بإشعال شمعة وشمعتها هي أن تترك هذا الفتى فورا قبل أن تسبح وتجركِ معها في هذا الوادي الغامض . أختي الكريمة طالما علاقتك كذا مع بنت خالتك رجعيها مثل أول ماله داع هالإنسان يدخل بينكن . وإذا كانت علاقتكن القوية في نظرك تخلي بنت خالتك تسب نفسها لأنها سألت ولد إذا متزوج أو لأ فهذه لا تصلح لأن تكون مصلحة إجتماعية أبدا ابدا لأن أفكارها من قلبها وليس عقلها وإنتي عارفه أن القلب هو اللي كان يقودك في موضوعك وقاد الولد لبنت خالتك وقادها إلى التوسع في هذه العلاقة المشبوهة مع هالشاب. بالعقل يالغالية. العاقلة تقول اللي يبغى يتزوج لا يخبرني بقصة أوجاعه .يكلم ولي أمري ويدفع مهري ويحدد الزواج غير كذا يخلي قصته في أرشيف المكتبة الهندية للحب المؤقت. الله يوفقكن للخير |
اشكركم والله من كل قلبي راح اكلمها الحمدلله لو لا الله ثم انتم كان ضاعت بس والله كلامك مازعلني صادقين هي عاطفيه وبقوه وفضوليه ربي يوفقكم هي من الاساس مو مرتاحه تقول كانو في شي يجذبها غصب عنها تتكلم ماتقدر تسيطر على نفسها وانا راح ارجعها مثل اول ان شاءالله وراح اخليها تمسح برامج التواصل جزاكم الله خير والله يكتبلكم الخير وربي يسعدكم طول مانتم تسعدون الناس:خروف راقص::MonTaseR_207: |
الله يبارك فيك عزيزتي واحييك على حرصك لبنت خالتك اجعليها ترى الردود بنفسها وتصلي لله توبه نصوح وشكر ايضا لانه انقذها من هذا الشخص في وقت مبكر ولا تعاود اضافات احد على حساباتها ولا تكلم ناس غرباء لا تعرفهم تحيتي لك |
| الساعة الآن 09:52 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا