وَشٌ سَـالفه ذاكَ الَـمساء ..؟ ما قلت لك يا صاحبي وش سالفة ذاك المساء يومك تحسبنّي هنـا وآنـا هنـاك بوحدتـي : يوم أرتمي بقاع الوجع واسير في درب الشقاء يوم آتضايق وأنتخـي ياعزوتـي ياعزوتـي : يوم أنكسر وش فادني مافادني كثـر العطـاء يوم أجني الطيبه غدر كان الوفا هـو بذرتـي : يا قلّهم وقت الشقا وياكثرهم وقـت الرخـاء كب الهقاوي وش بها ياكود خيبـة هقوتـي : حتى الهوا فـي جوّهـم والله ماكنّـه هـواء أتنفّسه ثـم أختنـق وأفتـك منـه بزفرتـي : أصيح للغيمه ضما واشوفها توحـي النـداء من بعدها تمطر تعب لا واحسافـة صيحتـي : أيقنت بأن البحر يعكس للبشر وجه السمـاء مير البلا وجه البشر مايعكـس ألاّ حسرتـي : ليه الزمن بـدّل مفاهيـم التآخـي إفتـراء؟ شرهت لكن يازمـن لا مـا تهـزّك شرهتـي : صدّقت سن لي ضحك من طيبتـي ياللغبـاء وأقفيت في ظهري سهم والذنب كانت طيبتـي : مدّيت كفّـي لـه وفـا ولاهقيـت الإعتـداء ياخيبتي من طيبتي مـن طيبتـي ياخيبتـي : ولا لا تغرّك ضحكتي ياصاحبي هات الـدواء هات الدوا ياصاحبـي لا لا تغـرّك ضحكتـي : الوقت متعب والبشر زادوا التعب مليـون داء لذا نويـت أرحـل بعيـد وأستقـر بغربتـي : لاضقت سلّيت القلم وندهت باقـي الأوفيـاء يادلّتي , وياسبحتي , ويادمعتي , وياشمعتي : هذا قلمي وذا دفتري ياهاجس إكتب ماتشـاء بس إنتبـه ياهاجسـي لالا تشـوّه سمعتـي : منهو نشد عن وجهتي شاعر ومبداي النقـاء أغرف من الشعر أعذبه ثم أستمـر بوجهتـي : أعتب وكل ظنونهم أخلـق مداخـل للهجـاء وأحيان ألمّح عن هدف ويفسرونـه عشقتـي : يادنيتي ويني ووين الحـب ماحنّـا أصدقـاء للحين ماعينـي رأت منهـي تنـوّر عتمتـي : ماقلت لك يا صاحبي تعبت فـي ذاك المسـاء يوم أجني الطيبه غدر كان الوفا هـو بذرتـي . |
ماشاء الله تبارك الرحمن صح لسانك اخوي |
شبخ الذوق الف شكر لك على الطرح الجميل بانتظار جديدك بكل شوق . |
ابياتك جميلة كل الشكر لاناملك |
سلمت أناملكـ ياغلآهم على روعة طرحكـ نترقب المزيد من جديدكـ الرائع مودتي لكـ |
ساري الشوق يان (قيثار الحب) مربوشه هلاليه تـوآجدكم الرائــع ونــظره منكم لموآضيعي هو الأبداع بــنفسه .. يــســعدني ويــشرفني مرووركم وردكم وكلمااتكم الأرووع لاعــدمت الطلــّـه الـعطرهـ |
الساعة الآن 01:59 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا