قصيدة الرفيق
 

رفيقك اللي بالمواقف يخليك &&&&& ماهو الرفيق اللي عليك احتماله
خله يسند واديا غير واديك &&&&& لعاد ماتنفع يمينه شماله
لافاتة الهيه بدا بك يناجيك &&&&& وده يرقع عثرته من هباله
هيهات لافات المقدر دعاويك &&&&& الاولة ماتنلحق بالسهاله
لاهبت ماتدرك مع الناس عانيك &&&&& مثل الذي يقصر عن الما حباله
مذموم بين الخلق لاحل طاريك &&&&& من يتبع الهين قليلا نواله
شيل لرفيق بالعسيرات ياتيك &&&&& بلازمه يرخص غوالي حلاله
ملزوم تدمح زلته لو طعن فيك &&&&& لة ماقف يذكرك فى كل حاله
الا بجار البيت والظيف ناهيك &&&&& لاتحتمل عوجاه قطع حباله
لا تطاوع اللي قال غاظك ويرضيك &&&&& فى مثل هذي لاتسوي جماله
للظيف موقعنا متوافق وناصي البيت عانيك &&&&& أهل الشرف مايقبلون الرذالـه
لو هو ولدك الا اختلف عن مباديك &&&&& اطلب من الله يرزق بداله
لاعاد ماهو ماشي فى مراضيك &&&&& كبضاعة اللي مادركت رأس ماله
فرقاه عيد لاحل بالدار ياذيك &&&&& يشمت عليك بوارد من خماله
أم الرفيق اللي دواما مصافيك &&&&& هذاك يعطى واجبه من كماله
لاغبت كنك حاضر الدار كافيك &&&&& نطاح للكايد بحاله ماله
ماهو من اللي لافعل طيبه فيك &&&&& يستافي المعروف قبل اكتماله
من صار ذا طيبة عطي باغيا ذيك &&&&& كصحبه الدلال حول الدلاله
لاترافق الأجرب علي الحول يوبيك &&&&& يصيب حالك سو ماصاب حاله
تجنب الماباه والرب ينجيك &&&&& من شر وردات البلا واحتماله
أضرب طريق الخير للخير يوديك &&&&& وأترك طريق الشر مالك ماله
، طريق الشر بالنار يرميك &&&&& مثل آلذي يطلب لنفسه زواله
وصلاة ربي عد ماقيل لبيك &&&&& على الرسول اللي صدق في مقاله

يسلمك ربي وتسلم والله

شكرا على مررووررك