مو كل جرح يطيب من عذر عادي 💔
 

مو كل جرح يطيب من عذر عادي
ومو كل غلطة عذرها دوم مقبـول.


عيش وتحمل غلطتك في بعـادي
أنت ولا غيرك عن البعـد مسؤول.


يا ما نصحتك لا تتمادى في عنـادي
بس أنت ما ينفع معك نصح أو قول.


كم قلت لك خلك عـادي وهـادي
ولو ما نصحتك قبلها كان معقـول.


أنا عنـدي حـدود ومبـادي
ومن فضل ربي مامعي فكر مشلول.



اشوى اللي ما حطيت فيك اعتمادي
وإلا كنت في وضع مجهول.


ضحيت في حبي وسمعـة ودادي
ومشيتني في عرض الأيام بالطـول.


واجبرتني أقبل عـزاي بفـؤادي
أعيش وأني شايل قلـب مقتـول .


قلت ابتعد و أرحل ببعـادي
وأقول عن فرقاك شـدة وبتـزول.


خلي العناد وخل طـول التمـادي
بيكون في قلبك مكاني علـى طـول


مو كل جرح يطيب من عذر عادي
ومو كل غلطة عذرها دوم مقبـول

صح للسانك
يعطيك العافيه
موضوع جميل

الله يعطيك العافيه