|
ابوي الظالم والكبتاجًون السلام عليكم صباح الخير أسأل آن يتقبل منكم هذا اليوم الفضيل ولاتنسوني من دعواآتكم . مشكلتي : أنا بنت عمري 23 سنه جامعيه واخلاقي زينه والحمدلله اخاف ربي واحاول قد مااقدر أرضيه سبحانه أنا البنت الكبيره في البيت . مشكلتي؛ أبوي أبوي اللي حرآم أنه يكون أب وحرام عنده نعمة عيال ومقصر فيها اكرهه كرههه فظيع لان هو يكرهني مايحبني ولا يدانيني مااحس تجاهه بأي مشاعر أبوه ولا حنانه حتى لو إحاول أحضنه مو من قلبي جفاف : أبوي تحرش فيني وانا عمري 14 سنه عشان كذا أكرهه وأكرهه نظراته لي ... اشمئز منه وسكت ع التحرش خايفه أمي يصير فيها شي بس جاتني حاله نفسيه الله لايحطها بحد الى الان افتكر واحيانا آطالع فيه واتذكر اللي عمله وأكرههههه كرهه فظظيع .. مو بيدي بس ابوك يتحرش فيه مافي اوسخ من ذا الشي . الشي الثاني يضربنا خصوصا أنا ع أتفهه الاشياء صحن طاح فنجال آنكسر ضرب بدون رحمه هو طبعا آكتشفنا يتعاطئ كبتاجون 💔 وهو اللي مسويه فيه كذا وانا اكتشفتها سبحان الله مع اني كنت صغيرة سن بس الحمدلله كنت ذكيه عرفت وتاكدت وللاسف الى الان يستخدمها نشوفها بالدولاب وصندوقه وطبعاا تصرفاته واضح عليها لدرجه الناس كلهم كارهينه وهو يكرهه الناس كلهم حتى امه وخواته سبسبهممم واهان امه وله شهرين مادخل بيتهااا. لااله الا الله . طفشت منه خلااااص خلاص والله انا مااودي اتزوج عشان اخرج من بيتنا وظروفه ماابي اكون من البنات اللي تتمنى الزواج عشان السجن والمعامله الزفت ذي اللي يعاملنا فيها اهانننا واهان امي مسكينه الله يحفظهاا يارب ويخليها . محد يقدر فيه ولااحد يقدر يناقشه ولااحد يقدر يسولف معه ... اكتب لكم وانا ابكي . اليوم رحت للسوق ابشتري للعيد وجبنا عشاء وبنجهزه وماشاء الله زحمه ع السفره هو من اول يهين فيني من العشاء بدون سبب والله العظيم. وقلت لخواتي نروح ناكل بالمقلط واخذنا الصحون ورحنا وجاء عندي قال انتي اخر مين يتكلم ولاعاد تتحكمين بشي قلت انا ليش ضربني بصححن الرز ي جماعه 😭😭 وربي تعبتتت تعبت الى الان تعبانه والله قهرني حرق قلبي وصارت مضاربه في البيت وضرب اختي الللي بالثانوي وبكيننننا بكينا حتى سحور مثل الخلق ماتسحرنا اعذروني كلامي ملخبط ماادري اش اسوي اش الححل فكررت اعلم مستشفى الامل يشيلونه يعالجونه . وضعه جدااا لايُطاااااااااااق . صعب صعب مااقدر احبه ولااقدر أبر فيه ابي بس اكون بعيده عنه وربي يكفيني شره ماابي شي منه والله . لأن هو مامنه رجاء وللمعلوميه يسب في الناس ويسب في القبايل ويشوف نفسه احسن واحد ويتشمت في الناس واخلاقها وسمعتها .. طفشت والله وصلت حدي انا قلت ماعاد ابي بيني وبينه اي علاقه لأنه يكرهنننننني كرهه الموت مايطيقني اذا كان طبعا مزاجه بحالة عصبيه واذا بحاله رايقه اذا اخذالبلاوي ذيك مافي مثله مايصلي الا نادراٌ واذا صلى مو بوقتها متهاااون في الصلاه دايم يسب المطاوعه والشيوخ ويناصر الظالمين. هل هذا إنسان طبيعي! لااا طبعا اش الحل مع اني مااشوف حل بس اش الحل |
الحل أن تدعي له بالهداية ، و مهما فعل عليك بره وطاعته لانه والدك الا في معصية الله .. أعمامك أو خوالك حاولي أن توضحي لهم هذا المعاناه لعل في يدهم الحل من بعد الله بالنصح او الردع .. أسال الله له الهداية . |
وكمان مايصرف علينا . مقضاي العيد تسلفتها من صديقتي عذره ان فلوسه تروح ديون واشياء كذاً. مع ان عارفه الاغلب يروح في المخدررات. |
لاحول ولا قوة الا بالله اختى انصحك انك تقعدين مع عمك ولا خالك وتفهمينه الى يصير بالبيت لا يتطور الموضوع اقعدي مع واحد عاقل من عمانك او خوالك كبير عاقل فاهم تحسينو بيوقف معكم وقفت رجال وكلميه . قولي ابوي مدمن ويصربنا دايم وحول كمرا يتحرش فيني . فى اكيد حل الدنيا لمن الحين بخير . لاحول الله اختى ماعندك اخوان كبار ....!! |
كان الله في عونك نصيحتي لك الجأي الى العداله اتفقي مع امك واخوتك واذهبوا لمنزل احد الاقارب وكل شي اعملوه بالسر دون ان يعلم والدك ، هذا ليس والد وانما وحش هائج ! الحل الوحيد ان تعيشوا بعيدا عنه اما هو فتتصرف معاه الدوله كان الله في عونكم دعواتي الصادقه لك |
عليكم السلام امك سكتت عن الغلط والظلم وارتكبت خطأ كبير لانها صبرت لا ترتكبي خطا امك وتستمري بالصمت والكتمان مع احترامي والدك اخطئ كثيرا و مجرد من الابوة انقذي نفسك واخواتك وشرفكم وانقذي امك و اخواتك من ظلم هذا الجبار انتي تقولين الناس كلهم يكرهونه وعارفينه هو بكل الاحوال الناس يتكلمون عليه اشتكي للجهات المختصه هناك احتمالين اما يزجون به بالسجن لكي يعترف عن الذين يروجون له الكبتاجون وتكونين انقذتي عوائل اخرى وشباب طائشين مكن ان ينحدروا لهذا المخدر او ممكن ان يحولونه لمكافحة الادمان والمخدرات ليس امامك اي حل اخر ولا تقولون ابوك وبر واجب !! لا تنتظرين الى ان تفقدين شرفك او شرف احد اخواتك ستخسرون كل شيئ في الحياة صوري ادلة واثباتات على تعاطيه وامتلاكه هذه الاشياء وتصرفي باسرع وقت لانك لو اعترفتي له او كلمتيه او طلبتي منه يقلع عن هذه الاشياء سوف يزيد عنف معك ومع اخواتك و والدتك ليس هناك حل اخر من التخلص من هذه المشكلة الكبيرة وانتم نساء ضعيفات ممكن يؤذيكم اكثر عذرا لا تقولون والدها وبر وتبليغ عنه عقوق هذا ظلم وهذا حق الابناء على الاباء الاهل ليسو منزهين ايضا كلمة الحق والانصاف والعدل واجب اسال الله ان يحميكم ويستر عليكم تحيتي |
| الساعة الآن 09:05 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا