منتديات مسك الغلا
 


موضوع مُغلق
 
LinkBack أدوات الموضوع انواع عرض الموضوع
قديم 09-15-16, 04:54 AM   #1
مشكلتي

الصورة الرمزية مشكلتي

آخر زيارة »  اليوم (07:45 AM)
يرحم امك ساعدني؟

 الأوسمة و جوائز

افتراضي أنا وزوجي بنتطلق بسبب الحشيش



السلام عليكم ورحمة الله وبركاته
انا اختكم تكفون ساعدوني تكفووون تعبانه نفسيا كنت منومه لي اسبوعين وطلعت اليوم الحمدلله
تعبانه نفسيا جداً لدرجة محد متوقعهاااا
اهلي ماعاد احد يحس فيني 💔
خلاص ابي المووووت ابيه فعلاً مالي حياه بعد زوجي حبيبي اللي قضيت معاه أجمل أيام عمري
انا بنت عمري 23 سنه كان يحبني ولد من جماعتي وانا صغيره وخطبني واهلي وافقوا الا ابوي كان يقولي انا موب مرتاح له قلت ي ابوي ابيه
عاجبني وارتحتتت مررره لما شفته
قال ابوي طيب وملكت عليه وقضيت اجمل اجمل اجمل اجمل ايام عمري معاااه يكلمني طول الوقت. وحتى هو بدوامه يرسلي هدايا لين باب البيت يشحن لي يدلعني دلع موب طبيعي لدرجة البنات يقوولون لي شنو مسويه له وانا مو مسويه شي له بس دعيت الله يحط مكانته بقلبي . يعني مدلعني دللللع مب طططبيعي والله ... وهو شاب وسيم حنون طيب عمره 30 سنه مدرس. يحافظ ع صلاته . . جلست ملكة عليه سنه عشان شرطي اتزوج بعد الجامعه ومرت هالسنه .
وجاء اليوم اللي فيه وفاتي صارت
باقيلي شهر بس واتخرج وحوسه امتحانات وبحوث جاني ابوي واخوي الكبير قالولي .
الرجال ماعاد نبيه اطلبي الطلاق منه وحقه كله بيرجع له انا جلست متنحه سااعه فيههم حتى كتبي طاحت من يدي قلت لا ذا زوجي ماني متطلقه ابوي قاالي ي بنتي الرجال مب زين وصلنا كلام عنه قلت وش هالكلام اللي واصل لكم عنه
يمكن أحد حاقد حاسد مايبني اتزوجه
قالوا لا وسبحان الله وقتها ذاك اليوم زوجي ماكلمني اليوم اللي قبله بس ارسلي رساله بالواتس طبعا انا مشغوله باامتحاناتي مادققت زين
واتصل اتصل اتصل مارد عليييي ابددداً.
هنا فعلا انصعقت رحت لاخوي الثاني قلت وش فيه
قال هو بالسجن قلت لا مستحيل امس مكلمني قال اليوم مسكوه قلت ليش طيب ليشش
قال مسكو مع عيال عمه حشيش ورموهم بالسجن قلت طيب هو ماياخذ واخوي جلس يهديني
ويحضني وانا ابكي ابكي ابكي. ي ليتهم ي ليتهم خلو اختباراتي تخلص وصعقوني بهالخبر
وطبعا ماعاد ردي علي الا بعد10 ايام كل شي مقفل واخواته يقولون لي عنده ظروف ماقالولي بالسجن عشان مايجرحوني
وبكيت ذاك اليوم كله حتى اختباري مارحت لاختبار وحملت هالماده . تنومت بالمشفى اطلطع واخرج ع هالحال لين قبل رمضان .
وصرت اتواصل معاه وهو يتواصل معاي ويحلف لي انه مب له وماقد اخذ هالاشياء وقالي كيف اخذها وانا معلم مربي اجيال
مرت الاايام وماطلقني واهلي يرسلون له طلقها
طلقها جاء بهالعيد وطردوه أهلي .
وانا خلاص تبلدت مو عارفه شسوووي والله احس الحياه مقفله بوجهي اش الحل بالله ي جماعه💔
هل فيه حل لسا ماطلقني اخر رساله بيننا امس
قلت له اش الحل قال اهلك مابيقتنعون اش تبغيني اسوي حاولت بكل الطرق مافي فايده
خلاص طريق مسدود لما قال طريق مسدود حذفته من السناااااب وقفلت جوالي وابكي الى الاااااان


 


قديم 09-15-16, 12:33 PM   #2
إحساس شاعر

الصورة الرمزية إحساس شاعر

آخر زيارة »  اليوم (04:00 PM)

 الأوسمة و جوائز

افتراضي



::
مشكلة مؤثرة فعلاً .. لكن كل مشكلة لها حل ،
قد يكون خطيبك مظلومًا والدليل أنه خرج من السجن في وقت وجيز لو ثبت عليه شي يمكن تطول إقامته هناك لا سمح الله .
والذي يبدو بل المتوقع انك لا تستطيعين إقناع والديك وأخوانك لأن فكرة تعاطي الحشيش مترسخة لديهم .
وليس المهم أن يقتنعوا هم بل الأهم أن تتأكدي أنتِ أن خطيبك فعلًا بريء أو أنه ترك هذا الطريق بلا رجعة ..
ولا عيب أن يخطئ الإنسان مرة ولكن العيب أن يتلو المرة بمرة.

==
الأنسب أن تطلبي الآن من أهلك مهلة طويلة للتفكير شهرين ثلاثة - سنة . وأوعديهم أن تقرري بعد ذلك
وخلال هذه الفترة تأكدي من حال خطيبك واستشيري واستخيري ..
واحذري أن تطلبي الطلاق الآن أو بهذه السرعة فهذا فيه شيء من عدم التثبت والقول بالظن ..

وتأكدي - إن شاء الله - إذا كان خطيبك بريء فعلاً فسيتغير رأي أهلك وأخوانك خلال هذه الفترة . المهم اطلبي مهلة للتفكير ,,

الله يوفقك ويختار لك الصالح ..



 


قديم 09-15-16, 12:55 PM   #3
هولستن رمان

الصورة الرمزية هولستن رمان

آخر زيارة »  09-18-16 (02:14 PM)

 الأوسمة و جوائز

افتراضي



الله يفررج همممك يا رب .. مشكلتك غويصه جدا و دام ابوك واخوانك رافضيين هالشيء مستحيل تتزوجي بالرجل ذا والله يرزقك بأحسسن منه ممكن خيره .. ولا بأس اذا حاول هو مره اخرى او بإرسال احد مثل ابوه او اعمامه او خواله لأبوك و يتفاهم معاه و عليك بالصلاة الوتر اخر ليل وادععي الله .. و اذا مكتوب لك الزواج منه الله يوفقك ،. كلن ما بياخذ الا نصيبه بالهدنيا و تقبلي مروري


 


قديم 09-15-16, 02:06 PM   #4
غـيـر مـهـتـم

الصورة الرمزية غـيـر مـهـتـم

آخر زيارة »  11-07-16 (08:24 PM)
MMS ~

 الأوسمة و جوائز

افتراضي



اغلب الرجال كانووو محششين سكيرين مروجين

تزوجو


المهم يمكن زوجك صج مو ماخذ شي يمكن عيال عمهم هم يخششون

نضرب لك مثل لو شفتك امك مع صديقتي صديقتك تدخن تروح امك تهاوشك عشان انك تدخن انتي تحلفين م دخنتني بصدقك ولا تصدق اللي شافته ضربت لك مثل فيك عشان تفهمين

اهلك ما شوفو اسمعو بس ع اي اساس احكمووو

يمكن هو ماله دخل انتي كلمي ابوك حولي معه كلمي رجالك افهمي منه

ابكي م يفيد واضح انك تبيه حوالي عشانه


 


قديم 09-15-16, 04:02 PM   #5
looly

الصورة الرمزية looly
يسعدك ربي رونتي

آخر زيارة »  02-11-17 (08:38 AM)
المكان »  بقلب محبوبي
الهوايه »  اهتم لمن يهتم والباقي غرباء
MMS ~

 الأوسمة و جوائز

افتراضي



:

لا حول ولا قوه الا بالله
دام اهلك قالو لك مو مرتاحين له لا تزعلي بس اكيييييييييد انه معهم دام ما صار شي احمدي ربك عرفته على حقيقته وصدقيني يا اختي حتى لو كان بياخذ ذا الشي مسسستحيل بيقووووول بيكذب ترا انا من اول ما قال مربي اجيال خفت وشكت بامره وانا مالي دخل !!..

حتى لو كان مربي اجيال فيه الصالح وفيه العكس الله يهديهم ويصلحهم

انتي لا تزعلي ولا تشيلي هم شي ادعي ربك واتوكلي هوو احن بالعباد

انإ من رائي الله يعوووووضك خير , ويسعدك ووويوفقك وين كنتي


 


قديم 09-15-16, 04:16 PM   #6
سعــــود

الصورة الرمزية سعــــود

آخر زيارة »  10-09-21 (09:18 PM)
المكان »  الرياض
‏لا تفتح باباً يؤذيك.

 الأوسمة و جوائز

افتراضي



_





ولله مشكلة ..
انّ رفعناها للشارب ..
وأنّ طمناها للحية ..

يمكن هو ماهو راعيها لعيال عمه هو برئ
يمكن هم يلي يحششون اهو لا ماهو راعيها
هاذي كله كلام لا يؤدي ولا يجيب دامه انه انمسك من هالسكة ومن هالطاري خلاص ..
الرجل النظيف يلي مايعرف هالحجات مايمر عليها ولا يدور أصحابها حتى ولو كان عيال عمه ..

هذا شر والله رده عنتس وكفش الله قبل ماتعلقين برقبته ويجيكم عيال تكون حياتك أسوا ..
نحن رجال ونعرف دهاليز هالامور وخفايها .
الرجال مانبي نظلمة لكن خلاص دام وصلت السمعه الى هالامور الابتعاد افضل


الواحد لا اخذ قطرة بيره فيه نسبة بسيطة كحول اهو مسافر برا ضاق صدره سنة وأستغفر ربه
فمبالك حشيش ومخدرات وربما اشياء ثانية بعد ..
وسالفة انه مدلعك ويعطيك شي طبيعي في اول حياة جديدة تصير كذا
العلم بعد مايخذك وتقعدون كم سنة وش يصير ..



انا اقول استخيري ربك واتركية والخيرة فيما اختاره الله واسمع كلام ابوك واخوانك


 


موضوع مُغلق

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


المواضيع المتشابهه للموضوع : أنا وزوجي بنتطلق بسبب الحشيش
الموضوع كاتب الموضوع المنتدى مشاركات آخر مشاركة
انا وزوجي مانتحمل بعض مشكلتي همومنا ومشاكلنا وإحتياجاتنا الشخصيه ( مشكلتي ) 12 11-01-16 03:15 PM
أخوي وزوجي ما الحل ؟؟ مشكلتي همومنا ومشاكلنا وإحتياجاتنا الشخصيه ( مشكلتي ) 17 06-06-16 10:00 AM
شوفو ايش عمل طليقي الخسيس مشكلتي همومنا ومشاكلنا وإحتياجاتنا الشخصيه ( مشكلتي ) 8 01-18-15 02:15 AM


| أصدقاء منتدى مسك الغلا |


الساعة الآن 05:42 PM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
بدعم من : المرحبي . كوم | Developed by : Marhabi SeoV2
جميع الحقوق محفوظه لـ منتديات مسك الغلا