السلام عليكم

مساء الخير

::/::

جديد المساء

تعال صالح جروحي لا تزيد البعاد .......ما بقى غير قربك منه جرحي يطيب
/
لا تظن المحبة بالجفاء والعناد.............المحبة وسيطة بين قلب وحبيب
/
اعتلى رمش عيني في غيابك سهاد .......وانكفى كل شوفي عن بعيد وقريب
/
أتسلى في بعدك وادعي باجتهاد ........بالسلامة وقلبي من فراقك صويب
/
أتسلى وفكري في غياب وحداد ........لو ينادون باسمي ما لقوا من يجيب
/
مرة أنظر جنوب وللشمال ارتياد ........وإن بدى لي شروق الشمس حان المغيب
/
ليت ذاك السحاب اللي تعدّى وعاد ..... ينهمر من حقوقه قبل عني يغيب
/
يهمي بكل جوده في رياض الوداد ..... لين غصن المحبة منه يصبح رطيب
/
وانت لو بس ترجع كل موقف يعاد ...... حتى لو صرت تخطي قلت لك يا مصيب
/
لا يبالغ سكوتك والهوى في ازدياد .... وان تمادى في جوف القلب ما له طبيب

تحيتي
إحساس شاعر

الله يسلمك ويعطيك العافية على حضورك الرائع ..

والإبداع لا يكتمل إلا بوجودك

تحيتي