القلوب اللي نبيها دوم تغدر ..
 

شكيت جرحي للبحر قال تكبر
وتشوف منهم في حياتك غرابة


نطقت له تكفى إذا كنت تقدر
عندي سؤال بس ناقص إجابة


ليه القلوب اللي نبي دوم تغدر
وليه الحزن يفرض علينا ثيابه


قال الكسر ماظنتي يوم يجبر
إلا إذا اللي راح أعلن إيابه


قلت الوفا بين البشر ليه يندر
ليه الغلا بالناس سهل إنقلابه


قال البشر طبعه غدر بس أصبر
وأعرف ترى نصف الوجيه تشابه


دنياك لو تصفي فلابد تكدر
وتشوف شيب العمربعد الصبابه


وإن كان تبغى الحل من قبل يصدر
خلك حريص تعيش كلك مهابه


من قبل دمع العين بالحزن يحدر
من قبل لاوقتك يعضك بنابه


وقتك غريب ومثلك اليوم يندر
يندر تعيش بطيبتك وسط غابه


باقول كلمة وأذكره دوم وأخبر
وأذكر كلامي لك إجابه إجابه


لا تقول أنا فاهم على الناس أقدر
أقدر أميز من دروسي كتابه


صدقني هذا وقت خاين ويغدر

لوأنت ذيب تخون فيك الذيابه

صدقني هذا وقت خاين ويغدر
لوأنت ذيب تخون فيك الذيابه

الله كلمات في قمة الجمال ياغلاهم قيثار الحب
سلمت أناملكـ على روعة طرحكـ
نترقب المزيد من جديدكـ الرائع
مودتي لكـ

رووووعه
وأختيار موفق للقصيدة
يسلم ذوقك قيثار الحب
لاهنتَ

اسعدني مروركم العذب

وطلتكم الحلوه .

شيخ الذوق
نورت وشاكر مرورك العذب.