|
ملبوس غيرك لو لبسته يعيبك ملبوس غيرك لو لبسته يعيبك وهرج بلا معنا يعود سماجه ان كان حملك ما تشيله مناكبك اطلب جزيل المد وادعه وناجه لا ترتجي من واحد ما يوجبك لو كان من دنياك مستك حاجه ترا كثير الناس لو كان يعجبك سحاب صيف مقتفيته عجاجه ان شاف عندك شي حبك وقربك وان قل ما بيدك كثير احتجاجه ان جدت له وده من الخير ينهبك واليا نصيته صد واخلا مداجه اليا بدالك لازم فيه جنبك وقدم عذاره لين يلقا خراجه خل الردي من رفقته ويش مكسبك خله بحاله لا تعكر مزاجه وقت السعه لا غبت مره يعاتبك والا بوقت اللازمه ما يواجه انصى الرفيق اللي ليا ضاق حاجبك لا جيت يمه قام يضحك حجاجه يفرح من افراحك ويجزع لصايبك وعلاج ضيمك لا تصعب اعلاجه |
سـاري الشوق قصيدة في منتهى الروعه سلم يمينك وعلى طرحك الذوق والف شكر لك وبانتظار جديدك بكل شووق ..:/ |
ان شاف عندك شي حبك وقربك وان قل ما بيدك كثير احتجاجه في غاية ارووعه اخي "ساري " ابدعت وصح لسانكــــ:MonTaseR_1:ــــــ |
انصى الرفيق اللي ليا ضاق حاجبك لا جيت يمه قام يضحك حجاجه يفرح من افراحك ويجزع لصايبك وعلاج ضيمك لا تصعب اعلاجه ياسلااام ابيات في الصميم لاهان شاعرها غازي بن مهنا الشيباني الرائع ساري الشوق دام التالق .. ودام عطاء نبضك كل الشكر لهذا الابداع والتميز لك مني كل التقدير...!! وبانتظار روائع جديدك تحياتي لك |
اقتباس:
واشكرك على كلماتك الجميلة تسلم لي يالغلا ودي لك واحترامي |
اقتباس:
حياك الله الورد الاحمر منورتنا بطلتك واسعدتينا بكلماتك الجميلة يكفي لنا وجودك بموضوعنا وردك الرائع ودي لك واحترامي |
| الساعة الآن 04:19 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا