|
عروس وبااسكن مع أهل زوجي السلام عليكم ،، صباح الخير كيفكم انا بقولكم ع مشكلتي وأبي رائيكم بالله . انا ملكت ع شخص يحبني واحبوه من زمان عمري 25 وزوجي 35والحمدلله ربي جمع بيننا ومره يحبني وسواا كل حاجه عشاني الله يخليه يارب هو انسان طيب بمعنى الكلمه واوفى بوعده معاي وخطبني عقد قرانه علي وزواجنا ان شاء الله 2017 هو الكبير والمسؤول عن أهله و اهله يحبونه مره خصوصا أبوه وكان مفهمني ذا الشي من زمان وانا مقدره وعارفه الوضع كله ابوه مايستغني عنه مسؤول عن مرضه ومراجعاته وعلاجه وكل شي وذا الشي اللي خلآاني أحب زوجي . وزوجي انسان مرررره طيب ومسكين وع نياته ع قولتهم من أهل الله . فااهلي مررره حبوه واعجبو فيه . زوجي هو يبني بيت من 4 سنين والبيت يكسر الظهر عمار وشغله وحوسه وفلوس وحتى انه ابوي قله ع مهلك لين تخلص بيتك من كثر ماابوي ماايبي يفرط فيه .. له أسبوع يلمح لي انه نسكن عند أهله بنفس البيت اذا تزوجنا لان يقولي البيت مابيخلص الا بعد سنتين وانا مافيني انتظر سنتين واخذك معي والله ان البيت سحب فلوسي سحب فقلت له استأجر قالي طيب الاجارات ع 25 30 والبناء ماتجي معه ماااينفععععع قال باتدين كذا ابني ولا استأجر . قال نتمم الزواج ونعيش عند أهلي لين يخلص بيتنااا اما اجار وبناء ماينفع صدقيني قلت وكيف نعيش عند أهلك قال بغرفته. وفيها حمام الغرفه . بس كذا مابيكون لي مطبخ خاص فيني وخواته ماشاء الله 5 متزوجات كلهم يجون لاهله بالويكند مع عيالهم واكيد ازعاج وحوسه وزوجي دوامه ماينتهي الا 5 العصر. فمااني عارفه هو قلي هالقرار وابوي قله لو تسكن بدون غرفه عادي مقدر وضعك ابوي احسه سلب حقوقي منه طيب حرااام على أبوي والله حراام انا افكر اقول لزوجي اسكن عند اهلي وهو يجيني كل مافضي ولا أجز ،،، صراحه مااقدر أعيش مع اهله ببيت واحد واهله كبار سن وانا انسانه مافيني للمسؤلية لان خواته متزوجات كلهم فببيصير في البيت انا وزوجي والشيبان وخوانه عزابيه بس بقسم الرجال ساكنين ديوانتيهم وغرفهم مااني عارفه احس كنت فرحانه وفرحتي ذبلت ودي اكون ببيتي بحريه البس لزوجي اي لبس يجي من دوامه وأطبخ له الان احس لا , أكتئبت وهو والله مايقصر معاي حتى لما شافني زعلت قلي اخر شي خلاص خلااص مابيصير الا اللي خاطرك فيه بس لاتزعلين حزنت عليه انا والله ابي اخذ راحتي معاااااه ماصدقت ربي يجمعنا الحمدلله بالحلال ابي اخذ حريتي مو حلو اني اسكن عند اهله مااني متقبله هالفكررره أبد .واحس بنفس الوقت مايبي يبعد عن أهله يعشقهمم مرررره لدرجة يقولي انتي بكفه وهم بكفه ... بالذات أبوه لانه مريض الله يشفيه ويعافيه لاتحسبون اني اكرههم او ماابي زوجي يبر فيهم لا بس حطوا نفسكم مكاني شاب حبيتيه من سنين وعشتوا وحلمتو مع بعض بكل لحظه بالحياه ماابي احد يشاركني فيه في بيتي ابي في البيت بس لي بلححالي . 😿 انا لو شقه فوق اهله راضيه بس انه غرفه لي وحماام بس وحتى لو طلعنا وتمشيناااا اكيد بمراقبة اهله وأنا مااحب كذا هل انا على خطاء أم صواب |
حبيبتي دام انه جالس يبني . خلاص قدري ظروفه .. ودام له غرفه وحمام وانتي بكرامه .. خلاص تحملي وربك السنين صارت تمشي بسرعهه ..! وبعدين عنده ام و اب فكري فيهاا راح تاخذين اجر كبيييييييييييير كبييييييييير لو جلستي معاهم .. واهتميتي فيهمم ممكن ربي ييسر اموركك ويفرحكك بعد واهم شي خواته متزوجات ي قلبي احسن ولا انهم كلهم عزبات .. كان من حقكك ترفضين وتأجلين زواجك .. ودامهم يجون بِ الويكند حـلو ولا انهم يغثون عليك يومياً فهمتيني .., ي قلبي ربي يسعدكك و ييسر لك امـرك " اللهم امين :eh_s(8): |
انا اشوف ان طالما هو شاد الهمة و قاعد يبني ، اصبري هالسنتين و ارضي بالسكن ببيت اهله و لا تنجبون هالسنتين عيال عشان لا تتبهدلي ، حاولوا تأجلون موضوع الإنجاب إليما الله يفرجها و يجهز بيتكم على خير الرجال الطيب يستحق التقدير و يستاهل الزوجة تتنازل في بعض الأمور عشانه هو يبني البيت عشانك بالنهاية و الله ييسر له و يخلص البيت قبل السنتين ان شاء الله و يسعدكم و يهنيكم و مبارك مقدماً حبيبتي |
اقتباس:
لو تحبينه بصدق سوف توافقين تعيشين معه حتى ولو في غابة ! الحب تنازلات واخذ وعطاء انتي قدري عطاءه لك وبناءه للبيت وفعل كل شيئ لاجلك ووفى بوعده وخطبك وملكتو ويريد رضاك ولا يحب غضبك انتي تقولين لاتريدين احد ان يشاركك فيه اعلمي انه مستحيل يكون لك هذا الشيئ عندك غرفتك لا احد يشاركك فيه ! اما البيت اسمحي لي اهله بحاجته وسوف يشاركونك وهم لهم الاولوية ابتعدي عن الانانية الغير محببة وان كان لابد فهناك حل وخيار واحد فقط وهو تاجيل الزواج حتى اكتمال المنزل ولكن هذا ليس في صالحك ولا لصالحه وافقي واسكني مع زوجك واهله بنفس المنزل ولكن لكي لا تسلب حقوقك اكتبي شروط ومن ضمنها: 1 - ان اتوا اخواته المتزوجات انتي لستي مسؤوله عن التقديم والشغل في المطبخ والتنظيف من بعدهم 2 - ان يحضروا خادمه لتجمعاتهم العائلية 3 - انتي لستي مسؤوله عن الطبخ لاخوانه العزابيه وخدمتهم وتنظيف غرفهم وغسل ملابسهم 4 - ان اتى احد من ضيوفهم انتي لستي مجبرة على خدماتهم بالتوفيق تحيتي .... |
من صبر لابد يحمد بالاخير اصبري واحتسبي الاجر مساكين شيبانه دامه يحبك وتحبينه ضحي بكل شي عشانه صدقيني ربي بيهونها عليك اني بس فكري زين واقتنعي وبتسهل الامور كلها ان شاء الله والسنتين طيااااره ترا الله يوفقكم ويسهل امركم :81: |
من سبقني بالتعليق وفوا وكفوا ..... وما كنت سأقوله ذكروه ولا داعي للتكرار لكن عندي ملحوظة صغيرة ....وهي أني لاحظت من ثنايا كتاباتك أنك تميلين للأنانية وحب تغليب المصلحة الشخصية على حساب المصلحة العامة.... قدري الظروف والحمدلله الموضوع مؤقت وفيها فرصة لتتعرفي على أهله عن قرب وفقك الله للخير |
| الساعة الآن 11:13 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا