|
القلوب البيض تبقى مثل ماهي يوم هبّ الوقت وأعماني عجاجه الفرج عيّا .. وأنا بالصبر راهي ويوم مال وطال ميله وأعوجاجه رحت أدوّر شي ٍ يشد إنتباهي وشفت زولك مقبل ٍ مثل إنفراجه كنّه اللي جايبٍ عزّي و جاهي ياه ياضيقات صدري وإبتهاجه تذكر آخر مرة ٍ شفتك ..متى هي !! صاحبك من يومها زاد إحتياجه وأمتطى ظهر المصايب والدواهي سولف الليله على قلبي و ناجه من بقى لي غيرك أفخر به وأباهي يابعد من كدّر غيابي مزاجه ويابعد من مرّت حروفه شفاهي رغم حيرة قلبك ورغم إنزعاجه الزمن .. ماغيّر احساسه تجاهي ورغم وحشة بعدك وقسوة سياجه كل حاجه فيك ظلّت مثل ماهي الخجل في وجهك أول مـ نتواجه والبراءه في عيونك وأنت ساهي وبسمتك لامن بغيت تقول حاجه وغيرتك لاشفت كنّي عنك لاهي قبل أشوفك .. والزمن عاقد حجاجه أسأله : وش فيك ؟ وألقى العذر واهي ويوم شفتك قلت للوقت وعجاجه : هيه ياللي في طعونك كنت راهي أنت لو غيّرت فينا ألف حاجه القلوب البيض تبقى مثل ماهي |
ساري الشوق عزف على اوتار الابداع سلمت يداك وطرحك الانيق واصل فانا اتنفس جديدك لقلبك اجمل وردة . |
قيثار الحب يسعدني دوما حضوركـ الجميل لاخلا ولاعدم:81: |
ياسلااااااااااام من اجمل واروع قصائد المبدع الشاعرفهد المساعد فهو حكايه لاتنتهي الرائع ساري الشوق إنتقاء ثري بالذائقة دام عطَائك بإنتظار جديدكـ المميز أكاليِل الشكرأَنثرهاَ على عتبات متصفحك |
تسلم الايادي على الموضوع الجميل يعطيك العافيه ودي وتقديري :81::81::81::81: |
اقتباس:
لا خلا ولا عدم :ورده: |
| الساعة الآن 05:18 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا