_ مـن راح عنا مالحقناه بالشـوف ندعي عسى المولى يسهل طريقه واللي شـرانا والله إنـا له كتــوف وانشـيل حملٍ عـنـه ماهو يطيـقه / |
نعاتب الوقت ، بس الوقت وش ذنبه ! الذنب ذنب القلوب و طبعها القاسي |
من يرخصك بالتجاهل اكرمه بالرحيل ومن يقطعك بالمواصل احذر تواصله |
بعض المواقف تجي وتروح ماتبقى وبعض المواقف صداها بالعمر باقي ياصاحبي لا معي تتعب ولا تشقى يتبدل الوقت وأخلاقي هي أخلاقي |
لا تسولف عن غياب اللي تحبه وإترك الدنيا تسوي اللي تبي دام تعرف كل نهر وله مصبه من يحبك راح يرجع لو يبي |
يانفس لا ضقتي من افراق غاليك تجبري بالله عسى الله يعينك اللي يبيك بصدق بيروح ويجيك واللى رحل ماهو يهمه ونينك |
_ أبعد عن اللي لازعل ينكر الطيب اللي تقلب عشرته مع مزاجه ! |
الصاحب الي طول الأيام يشريك ترخص له بروحك ولا هي بـ خسارة |
_ أصد عنه وظنـي انـه يجينـي وأشوف طيفه أحسب الشوق جابه وأقول جاني سيدي نـور عينـي أثره حنيني راسم لـي سرابـه / |
يرعش المشلول لو إنه يريد كيف أنا ما برتعش لامن صدفته الشديد يذوب لو قلبه حديد كيف أنا بو دم إحساسي وهبته |
يفنى الكلام وتنتهي كل الاشعار لاجيت ابوصف قدرك المعتلي فوق واضيع في بحر المعاني والافكار واقول مامثلك على الكون مخلوق فيك الوفا مازال يبني له ديار وفيك الوفا طيب ولك يالغلا ذوق |
من عيوني تلقى تعبير لشعوري للعيون إحساس لا يمكن يخون :81: |
_ لآصرت منت بقد الكلام اللي تقـوله لآ تمثل دور الكفو وأنت رخمةة ! ' |
جزل المعاني شاقها راعـي الكيـف=أبيات شعر(ن) شاقت اللـي كتبهـا أمست تـرازم والقوافـي معاطيـف=في ضامـر اللـي مفرداتـه ندبهـا سبحان من هو دايم بخلقـه مريـف=أرزاق قاسمهـا لخلـق(ن) وهبهـا سبحان مجريها بيـده التصاريـف=الكون وكـل مـا حـوا محتسبهـا اليوم جاك العلم مااحتاج توصيـف=بعض المعانـي اليـوم لاتغتربهـا راع ألفلاحه يزرع اليـوم بالريـف=واليا أثمرت للسـوق راح وجلبهـا وهناك شفت اللي تعايش على الطيف=و يقول يـا عـزاه روحـي نهبهـا أسباب ما بـه قـال بعد المواليـف=يسمع لبعض الهرج وهمه طربهـا وهناك شفت دمـوع فيها سواليـف=تشكي وتخفي الدمع لأحد(ن)قربهـا |
غريبة قصة الدمعه وهي تغسل جفون العين .. .. تريح عين باكيها وهو في قمة أحزانه :81: |
_ انا كذا من يوم ربي خلقني اعشق ثقة نفسي واحب التواضع متواضعه لكن عزتي علمتني لو يخضعون الناس ماني بخاضع / |
نضحك وفي الدنيا كثيرين يبكون واذا اضحكوا في يوم حنا بكينا أحوالنا في .. كل ليله لهـا لـون مرّه لنا الدنيا .. ومـرّه .. علينا |
-------------------- ليت الليالي كلها سود دام الهنا بسود الليالي |
مابين عقِلي وقلبّي ؛ مابين كل عمق وعُمق في صدري؟ ( أنــت! ) |
ياذا الحمام اللي سجع بالحب وش لك على عيني تبكيها |
دقات القلب قائله للمرء أن الحياه دقائق وثواني.. |
إني رأيتُ ركود الماء يفسدهُ .. .. إن يجرِ يطب وإن لم يجرِ لم يطبِ |
لاصرت في نعمـه وصحه ومرتاح والناس سالم من اذاها وحسدها اسجد سجود الشكر لخلاق الارواح تراك في نعمــه غيـرك ماوجــدهـــا |
_ الناس عادات ، وقناعات ، وطبوع وانا ماآحب أزيـد معهم .. كـلامي لاصرت بجـاريك في كل موضوع ! لا شك بفقـد ( هيبتـي ، واحتـرامي ) / |
لآتشتكي والحزن بآين موآريه لآتشتكي مابه على الله عـِـسره ياصاحبي خذها نصيحه وتنبيه خفي همومك ولو بضحكه صفره الناس ماترحم ولو هيه تبغيك طبع الردي والطـبع غلآب يدرى |
يا ذا الزمن وش عاد باقي بالأعماق ! أنطق .. فديتك .. لا تخليه مستور أتعبتني و أرهقتني و الصدر ضاق ! و خليتني ما بين ضايق .. و مقهور أكبر قهر لا من شكيتك بالأوراق ترجع تمادى غصب و تزيد بالجور تدري .. وش اللي يجعل الكبد .. بأحراق لا صرت في فرقا العزيزين مجبور |
يا هالزمن تكفى - طلبتك - وأرجيك ............... لاتبخل ب وصل الحبيب الأ ناني قد قلت له : مقدر أفارق و أحاتيك ............... وقد قلت له : هـ البعد ياما كواني |
_ ما يسهر الليل ويرقب عقرب الساعة ألا اللي اعتاد ما يسهره وحداني القلب ملتاع والأسماع ملتاعة والكل منهم طغى شوقه على الثاني / |
لو تنام الشمس والقمره تمدّد نورها كافي ويجهر منطقتها ، ، كل صبح اشوفها لازم اردّد ( ياصباح الخير ياشوف طخمتها ) |
شبهين الغيم في سودة عسير لا تهادى في الشوامخ وإنحدر وتشبهين الفل يا روض العبير في الصباح إليا تنفس للشجر |
_ يجاملك شخص يبي منك مصلوح ويصارحك شخص يدور صلاحك هذاك ياخذ حاجته منك ويرووح وهذا معك ماهمه الا نجاحك ..! ' |
كل ماكتبت أبيات فيها غزل لك قامت عروق الشوق لجلك تهلي ٰ عنقود حرفي بالقصايد نزل لك ومنطوق فكري من حلاتك يحلي |
يا مساء الخير والدنيا بخير يا مساء مسكنہ بيض القلوبّ يا مساء الطير لا غنىّ لـ طير في لحن شوقً لہ المسمع يذوبّ يا مساء الورد بأحساسً مثير انتشىّ ريحة وعطر كلّ صوبّ |
ياكيف بعت اللي بروحه يداريك وانت مريح البال ليلك ويومك ذاهل منامك صيحته ماتوعيك شخصٍ على حبه يبين معلومك |
يا سلام الله لملفى الضيوف ومن لفا عد نو غصت الأرض من وسميته السلام اللي على الكون لو وزع كفا كل مخلوق من الخلق يصلح نيته |
: يسعد صباحك كل ماقمت ، وأهديت للصبح ،، في طلّتك روحٍ جديده إفتح شبابيك الفرح يوم أنا جيت قل للنكد: شكراً ، وفرصة سعيده ! |
يسعد صباح من هم على القلب غالين تمشي لهم الارواح قبل الرسايل نبعث لكم الورد والياسمين يجعل صباحك من الهم زايل |
تعال رجع نومي اللي جفاني عافت عيوني النوم وانت سببها |
: حنا كذآ من عزة النفس فينا مانشتري من باعنا لو بغيناه ! |
الصدق / والأحساس / والبوح / والذوق ( أربع لهن في داخل القلب تشويق ) هذي تميز من بغا الحب والشوق وتغنيه عن باقي العرب والمخاليق |
الساعة الآن 07:25 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا