|
سمح المحيّا || بقلمي || يــا عـذابـي كــل مــا جـئـت العلـيّـا يحتـرق قلبـي علـى ماضـي سنينـه لا ذكـرت صويحبـي سمـح المحـيّـا أتـنـاثـر شـــوق وجـــروح وغبـيـنـه كــل ذكــرى جـابـتـه عـنــدي هـنـيّـا من دفـاء صوتـه إلـى لمسـة يدينـه وانثـنـى عُــوده ومـيّـل فــي يـديّــا وابتسم قلبـي وجـت عينـي بعينـه وافترش صدري وفي حضني تفيّا وانسكب عطره وفاحـت ياسمينـه وقلـت لـه ليـت الزمـن دائــم كـذيّـا يجـمـع العـشّـاق واللحـظـة ثمـيـنـه وأتـذكّــر لا بـغـيـت أمـشــي وعـيّــا وانتثـر دمعـه وبِسْتَـهْ فــي جبيـنـه وقــال تــوّك يــا بـعـد عـمـري تـريّـا لا تسـافـر يـذبـح العـاشـق حنـيـنـه كــل عــذراء حـاولـت تـقـرب إلـيّــا مـا لقـت عنـدي قـبـول ولا سكيـنـه ولا اسألوني وش سبب كلّ الجفيّا تصرخ الذكرى وأنـا نفسـي حزينـه قلت وش جاب الثرى جنب الثريّـا غيـر مُهـره مـا وُجـد فالغِـيـد زَيـنـه ليتـنـي مــا سِـقــت رجـلــي للعـلـيّـا كــل شــيءٍ جـابـتـه بـيـنـي وبـيـنـه كـفّـنـت روحـــي وبــكّــت مقـلـتـيّـا وعلّمتنـي ويـن أنــا والـحـب ويـنـه كلمآت الشاعر : سـرآب آلشِعـر |
سراب الشعر وأتـذكّــر لا بـغـيـت أمـشــي وعـيّــا وانتثـر دمعـه وبِسْتَـهْ فــي جبيـنـه وقــال تــوّك يــا بـعـد عـمـري تـريّـا لا تسـافـر يـذبـح العـاشـق حنـيـنـه كــل عــذراء حـاولـت تـقـرب إلـيّــا مـا لقـت عنـدي قـبـول ولا سكيـنـه الله عليك وعلى احساس الراقي والله ابيات تهز قلوووب صح الله لسانك وإعتلا شانك ابداااع يالغالي ولاهنت تحيتي لك. |
من القصائد الجميله اللي مرت علي ،، صح لسانك ،، |
يا هلا والله بأخواني الغالين وصحت أبدانكم جميعاً وبيض الله وجيهكم أسعدني مروركم و تواجدكم العطر منورين حبايبي. . . :ورده: |
كلمات ذوق وحرف مبدع سلمت يداك على طرحك للجميل لروحك السعادة. |
وقلـت لـه ليـت الزمـن دائــم كـذيّـا يجـمـع العـشّـاق واللحـظـة ثمـيـنـه وأتـذكّــر لا بـغـيـت أمـشــي وعـيّــا وانتثـر دمعـه وبِسْتَـهْ فــي جبيـنـه الفراق كعادته دائما يجثم على صدراللقاء ولكن اذا لمسنا متنفسا للحس نجد ان للفراق ايضا شجن يحتوي المشاعر النازفه ياسلاااااام عليك صح لسانك حتي ترضى نص دافء واحساس ممزوج بالرومنسة الحالمة وسبحان من سخر لشاعرنا الحرف البديع بِ إنتظآر المزيد من هذا الفيض لك من الشكر وافره, |
| الساعة الآن 08:55 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا