وفر أعذراك جرحن ما كفــاك
شف تعبك اشلون حدد هالمصير
لا تقول أرجع ولك مني رضاك
لا تواعدني بشي-ن ما يصير
غلطة الشاطر بعشره ما يخفاك
وانت ما قصرت وادروسك كثير
تدري وش الدرس؟ يوم اني معاك
مبصر العشاق في حكم الضرير
تدري وش اللي مشا بي للهلاك؟
طيبتي يا عنك ما حصلت خير
ويا كثر ما كنت مخدوع بهواك
كنت أشوفك غير لو ما كنت غير
لا تحـاول تظهر بصورة مــلاك
يغني عن قصر الغدر قطعة حصير
كبرك قلبن تمادى في عطاك
وانت لا برق من ساسك صغير
لو تعانق نظرتك عالي سماك
لا تظن أطير ما تقوى تتطيــر
اه يا قــدر رخصته في هواك
كان تبغى الحق خذها من الأخير
اعتذر لك والخطأ ماهو خطاك
الخطأ حبيت في ذمة وضمير
ايه هديتك ثوب ماهو بمستواك
كان فيه الطول وانت اللي قصير
للشاعر المبدع فيصل العدواني
10-16-16, 09:42 AM
ايـه هديتـك ثوب ماهـــو بمستـواك 
