نظرات زوجي
 

السلام عليكم
انا فتاه متزوجه لي شهرين اتزوجت عن حب ومرره ماصدق انويتزوجني اتحدى كل شي عشان اصير له والحمدلله صرنا تحت سقف واحد مشكلتي زوجي يجامعني طول الوووووقت تعبت مررره ماعاد اقدر امسك جوالي ولااقدر افتح سنابات ولااسولف مع احد من اهلي بس ع الفراش ودحين راح يصلي وقلت اكتب المشكله لكم ، المشكله الثانيه مو متقبله المدينه اللي انا فيها احس اني غريبه بينهمم هالنااس ماتعودت اعتقد شهرين كفايه للتعود وانا احتماعيه بس سبحان الله متضايقه وطفشاانه مررره مررره
الحمدلله الشي الاخير
زوجي بسم الله نظراته لي تخوف
بس يناظر فيني طوول الوقت وانا اصلي اطبخ نكون نتفرج بس يناظر فيني واكثر شي بعيوني هل هوطبيعي صرت اخاف من عيونه مادري احسه مو طبيعي وبمجرد مااروح عنه وينك ليه رحتي حتى لو رحت اجلس مع اهله يناظر فيني استحي حتى ابوه قله انت ماتشبع من المناظره في زوجتك هو ضحك حتى الاطفال يلاحظون حركاته ويضحكون عليه مايستحي قدام اهله زوجي انا اخجل وافهمو يقول انتي حلالي واحس امه وخواته ينحرجون من ولدهم ذا الدفش
زوجي بس يبغاني له مايبغاني اروح ولا مكان يبغانا بس مع بعض قلت وديني جده عند اهلي خاصم انا ماشبعت منك واشتبين تروحين خلاص انتي لي مااقدر افارقك لويوم واحدوانا مشتاقه لاهلي مرره اخر مره شفتهم يوم زواجي😢 ابي اعرف
نظراته هل طبيعه او مريض
التحكم ذا ليه يعني مااحب احد يتحكم فيني
زوجي بس يبغاني معاه ببيته
اااه يازين العزوبيه😢💔

عشق وشوق وحرمان .. قنبلة ذريه إن إجتمعت على فراش الحب

عشاق قُدم وعرسان جدد فلابد تعيشين اللحظة وتندمجين معه بكل أحاسيسك ورغباتك

والله يعينك أصبري من سته أشهر الى سنه وستتغير طقوس الحب بينكم لمجرى طبيعي

مثل مًَ قـآل سهمم ..
وازيد ترا فِ بعضهم كِذا طبعهم كِذا ينآظرون اللى يحبونهمم :icon32:
اله يوفقك و يهنيك

فترة ويطفش منك , أقصد يطفش من حبه الزائد

عليكم السلام

اولا لا ارى مشكلة بالموضوع
تنتظرين منا ان نقول لك قولي له ان لا يجامعك مثلا .؟
او نقول لك قولي له لا تناظرني ؟
الموضوع كله ليست مشكله تستحق الطرح
ارى انك قلتي تفاصيل حياتك بينك وبين زوجك بكل جرأة
وبما انك كنتي تحبينه قبل الزواج وعلاقتكم عن حب
فلا اعتقد انك غفلتي عن هذا كله من نظرات ومشاعر
ولا هو جديد عليكي نظراته وحبه ومشاعره المندفعة
وانتي تعلمين في قرارة نفسك بذلك
بالنسبة لمشكلتك الثانيه التي تقولين فيها
لست متقبله المدينه اللي انا فيها احس اني غريبه بينهمم
هذا اختيارك وانتي من اخترتي ان تكوني هناك عليك تقبلهم
بصراحه لا تغضبي ولكن مشكلتك كلها على بعضها فلم هندي
ما المشكلة في زوج يجامع زوجته طوال الوقت ؟
وماي هي المشكلة في انه ينظر ؟
واخر كلامك تقولين آاه يازين العزوبية ؟
حسنا لدي الحل تطلقي منه وارجعي لحياتك العزوبية
لانك تتمنينها
وانا بنفسي سوف اخطب لزوجك وحده تتحمله :85:
تحيتي ....

يا مطر إنتي يا بتسرقين أزواج البنات أو بتعرسينهم ههههههه

لكنك صادقة ما في مشكلة حقيقية
يعني طبيعي متزوجين عن حب

و باين أنه ميت فيك خليه يملي شوقه و يشبع نفسه و راح يفك عنك شوي و يلهى بحياته هو الثاني

فترة و تعدي
و حتى المدينة هذي مصيرك تتأقلمين معها و تعتادين عليها
يا كثر اللي تغربوا .. كانت البداية صعبة لكن مع الاعتياد تأقلموا و حبوا مكانهم

موفقه