السلام عليكم

من فتره وأنا أعاني من عدم أهتمام زوجي تزوجنا من شهرين لكن ما حسّيت أني عروس مايضحك ما يتكلم معي كثير

يتعامل معي برسميه كأني أخته مو زوجته ( أمثله ما يبدل قدام يروح لدورة المياه أو يطلب مني أطلع من الغرفه ، ما أسمع

منه كلمات مدح كأنه يخجل مني )

هو من ناحية المصروف والطلبات ما يقصر لكن اقصد ما يهتم بمشاعري ولا شفت منه الرومانسيه أنا أنثى محتاجه للحب والحنان بس مالقيته عند زوجي

حتى وقت العلاقه الزوجيه روتيني ولا يغير أسلوبه مع العلم أنه مو كبير في السن عمره 25 ومهتم في نفسه وجسمه وهذا يجذبني فيه

فترة الملكه كانت قصيره ولا صار بيننا تعارف مدتها ثلاث أسابيع ملك علي وكان يتواصل مع أبوي بخصوص حفل الزواج


حتى شهر العسل أيفون وأيباد ونايم أغلب الوقت وأنا أجلس على التلفزيون أو النت ما كأننا عرسان والمفروض وقتنا كله تمشيه


أحياناً يطلب مني أنام عند أهلي علشان يسهر مع أصحابه وغير كذا لازم كل يومين يروح لهم

مايطلعني ألا لما أطلب منه


حاولت أجذبه وأحببه في الزواج أغير من شكلي و أزيد من زينتي له أنوع في الأكل البيت مرتب ونظيف وملابسه نظيفه وكاويته له وأبخرها له


أذا نمت من الطفش وقت العصر أشوفه يقوم بسرعه يلبس شماغه وثوبه ويطلع زي ألي ما صدق



دامه ما يبغاني ليه يتزوج أفكر أجرب أسلوب الزعل بس مالي خلق للمشاكل


أنا توني متخرجه من الجامعه وعمري 23 بس ما حسّيت بالفراغ لأن وقتي كله له ولا لاحظ بس همه أصدقائه والطلعات معهم ما يقول في نفسه عندي زوجه من حقها أخصص لها وقت في اليوم