عريس متقدم لي
 

السلام عليكم بقولكم قصتي فيني يآس وهم فظيع ومو طبيعي
تعبت والله ع اشياء ماتسوى
بقولكم قصتي
انا بنت عمري 25 سنه داخله 26 بعد شهرين كذاً ، اذا الله أحياني مشكلتي ماقد انخطبت بحياتي كلهاااااا وماشاء الله عندي 4 خوات وراي اعمارهم 21-19-17
ماشاء الله بسن الخطوبه والملكه ، المهم ماقد انخطبنا آبد ولا وحده فينا ،😢 والله مافينا شي كاملات والكامل الله ومحافظات وملتزمات وخلوقات ، اللي حصل يوم كنت جالسه الا رن جواليّ الا تتصل صديقتي وكيفك اخبارك وشمسويهه ووو، قالت لي معاي لك عريس صاحب زوجي وكويس واخلاق ويبي الزواج ودليتهم عليك لان طالبين مثل مواصفاتك ، والله ي فلانه ابي الخيرلك وش قلتي واهله قالوا دوري وهو قال لزوجي خل تدور لي زوجتك بحكم اننامحافظين وهم كذلك والولد ماشاء الله تقول زوجي واخواني يمدحونه والله ولو عندي اخت عطيته اياها وانتي والله بحسبة خواتي
موظف وظيفه حلوه ومسؤول عن اهله وبار بااهله من كلام صديقتي لان جيرانهم بعدد.
وفرحت والله وانبسطت لان كنت ادعي الله قبل فتره بشخص من غير منطقتنا ، وكذا
جيت فاتحت أمي لانها تعرف صديقتي ذي
قالت لا مانعرف اهله وليه ماياخذ من اقاربه اكيد فيه بلى اكيد هو مسؤول عن امه وخواته
وبيطفشوك بعدين ، والافضل الوحده تتزوج من نفس مدينتها للعلم احنا عادي مو شرط من نفس القبيبه ، ومين بيروح للشرقيه ويسأل عنه وقبيلته مادخلت راسي
وربي صُعقت انا فتاه تريد الزواج خلصت الجامعه وجالسه وكل الناس تتزوج وتخلف والزواج رغبتي وكمان ساكن بمدينه الشرقيه واتمنى اسكن فيها والله شاب ونعم فيه....
فيني حررررقه الآن وربي لماذا هذه الاعذار الغريبه والمعقده ، اقسم بالله امي غريبه تريدني فقط اتوظف واصرف ع البيت انا تعبت ابي استقل ابي اطفال
لو ان الرجل فيه عيب كان انا من نفسي ماوافقت عليه وحتى اخته قالت لصديقتي اعطينا رقمهم ونكلمهم. ان شاء الله ..... ماذا افعل؟؟

لاحول ولاقوة الا بالله





اذا خلق ودين ما ارى اي داعي للرفض





.

السلام عليكم ..
أنا اشوف يا اختي انك تخبرين امك تنتظر لحد ما يجون وتسمع منهم مو تحكم عليهم من الحين و الرجال اذا فيه حاجة اكيد رجالكم بيعرفونها وما شاء الله الرجال معارفهم بكل مكان بيقدرون يوصلون لشخص يعرفه وساعتها بيوافقون او بيرفضون اما الحين المفروض ما يستعجلون بالرد وخبريها بعد انها لازم تفكري انه الزواج قسمه ونصيب مو شرط المكان ، وانه لسا وراك 3 بنات غيرك صار وقت انه تخليك تشوفين نصيبك و خبريها انك بتستخيري بس هي تخليهم يجون وتسمع منهم وعسى خير ياختي ربي يفرج همك وييسرلك يارب .:MonTaseR_11:

الله يعينكمم هم كِـذا امهات هذا الزمن .. وتبغا تزوج بنتها عَ كيفهاا ولو طلع ولد ستين كلب
تندم وتقول ليتني مَ زوجتهاا آه يَ غبنتي ..!
اسمعي يَ قلبي لا تتوظفي ولا شي خليك فِ البيت مرتاحه وربي وراح يجيك عريسك لين حدكك
حبيتي لو كان لك معاه نصيب راح تاخذينه غصب عن الكُـل ..!
والله يكتب اللى فيه الخير

طيب عطي الوالده رايك

قولي لها صديقتك و زوجها يمدحونه و يعرفونه زين
و ان انتِ شخصياً ما عندك مشكلة


لا تسكتين اذا انتي ارتحتي للرجال و خاطرك بالزواج
او كلمي خواتك أو خوالك بالموضوع

الله يوفقك يا رب

اذا الله كاتب لك ازواج راح تتزوجين

اذا مو كاتب ما راح تزوجين

ع فكره مو كل من مدح الشخص يكون مدح صح. لا تستعجلي ع زواج