منتديات مسك الغلا | al2la.com

منتديات مسك الغلا | al2la.com (/vb/)
-   همس القوافي - شعر - قصائد •• (https://www.al2la.com/vb/f5.html)
-   -   من يجحد المعروف ما هو برجال (https://www.al2la.com/vb/t79094.html)

azOoOoOoz 11-14-16 02:54 AM

من يجحد المعروف ما هو برجال
 
لو للفقر يا راعي الفقر ديره
ما شفت ساكنها من الناس رجال

كم من غني عاش نفسه فقيره
وكم من فقير مال وقته ولا مال

جعل الغني اللي ذراعه قصيره
لو طال وقته يشتكي قلة المال

وجعل الفقير اللي حلاله لغيره
يغنيه رب الكون وتزين الأحوال

هذي هي الدنيا رحا مستديره
تمسي على حال وتصبح على حال

أصبر ترى فَ الصبر حكمه وخيره
وخل الرجاء بالله لو الصبر طال

والسر خل السر في قاع بيره
ولا تبين للمخاليق مثقال

أكسب علوم الطيب من دون حيره
وأكسب هل الوقفه كريمين الأسبال

عليك باللي مثل شمس الظهيره
ما يقبل الحيله ولا هو بمحتال

وأخسر صداقة من حباله قصيره
وراء الخساره جعل ما يبزي عيال

الصاحب الوافي حزام وذخيره
خله على يمناك والخايب شمال

ومن يحقر الفقران ما فيه غيره
كم شيخ قوم مات ما يملك ريال

ترى الجمايل عند أهلها كبيره
لا تفعل المعروف في كف الأنذال

وأذكر جميل الكفو في كل ديره
من يجحد المعروف ما هو برجال

#

(قيثار الحب) 11-14-16 04:13 PM

عزوز

كلمات ذوق وحرف منبع الابداع

سلمت يدااك والف شكر لك

وبانتظار جديدك بكل شوق ./

السامي 11-14-16 04:58 PM


اقتباس:

أصبر ترى فَ الصبر حكمه وخيره
وخل الرجاء بالله لو الصبر طال

والسر خل السر في قاع بيره
ولا تبين للمخاليق مثقال
سلمت على روعه طرحك
نترقب المزيد من جديدك الرائع
دمت ودام لنا روعه مواضيعك
تحيتي لك

تخفي غلآها 11-14-16 05:05 PM

غزوز
ايش هالابداع ما شاء الله
كلمات قمه في الروعه
سلمت اناملك
بانتظار جديدك
:1::1:

azOoOoOoz 11-14-16 06:56 PM

:MonTaseR_11:
نورتو الله يسعدكم
ماقصرتو
:سكر:

ساري الشوق 11-21-16 01:17 PM

كلمات في قمة الجمال ياغلاهم
سلمت أناملكـ على روعة طرحكـ
مودتي لكـ


الساعة الآن 01:12 AM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا