|
فضفضه السلام عليكم ورحمة الله وبركاته انا الكبيره في اخواتي تقدم لي ولد خالي لكن كان عنده مشكله بالجهاز البولي ورفضته بسسبب مرضه ولما رفضته مااخفيكم لقيت ضغط نفسي من ابوي كان يجي يفتش جوالي ويقولي انا شايل همك وكان يبيني اتزوج لدرجة انو ظل يقنعني اتزوج هالولد حتى وهو مريض ولكن انا رفضت بالمره بعد مارفضته ابوي كان مهموم مره وكان ضاغط علي نفسيا يسحب جوالي كل يوم قبل ماينام للمعلوميه ماكان كذا قبل انخطب بس بعد مانخطبت ورفضت الولد تغير مره ابوي وانا تعبت نفسيا وبعد بكم شهر خطبني ولد خالي الثاني يصير ولد عم الاول وهو رجال متدين واخلاقه زينه وطيب وحبوب ومااسمع عنه الا كل خير ووافقت عليه وموافقتي مااخفيكم كانت عشان افتك من ضغط ابوي اانفسي بعد ماانخطبت ابوي انبسسسسط مره وكان مستانس وسعيد لدرجة اي شي اطلبه يلبيه لي واشترا لي اخر جوال نزل وكانت طلباتي اوامر وكنت مبسوطه من هالوضع ومااخفيكم اني ارتحت للرجال مع اني خبري فيه وانا بزر بس كنت مستانسه وكان مبين علي بعد الملكه كان الرجال مهمل شوي معي مايسال عني ولا يكلمني كثير واذا كلمته وسالت عنه تكون اجاباته مختصره تضايقت من هالشي لان كل البنات بوقت الملكه يعيشون احلا ايام حياتهم وكنت اسمع قصص ومواقف وكنت اتحسر لكن قلت بعد الزواج ان شاءالله يتحسن الوضع تزوجت وانزفيت وكنت مبسوطه مره لكن من اول ليله الرجال تركني بفستاني وتسريحتي ومكياجي ودخل ينام من غير اي كلمه حلوه ومن غير حتى يجيب لي عشا ولا زين لي البيت بالورد والشموع ولا حسسني اني عروسته كل الاشياء اللي كنت اسمع عنها ماشفتها وبنفس الوقت هو تزوج هو واخوه بنفس الليله والشقق جنب بعض اخوه كان فارش شقته من المدخل لين غرفة النوم ورود وشموع وبلونات ع شكل اسماء وتخيلوا وانا ولا شي وفوق كل هذا ميته جوع جلست ابكييي من قلب ونزلت فستاني وتسريحتي بنفسي ونمت وعدت ايام شهر العسل ومااخفيكم كنت حاسه بينا جدران مو جدار لكن كل يوم اقول بكرا بيزين الوضع بكرا بيزين الوضع لين الحين صارلنا تقريبا 5 شهور متزوجين زوجة اخوه حامل وتخيلوا انا لسى بنت اصلن وامثل على الناس اني مرتاحه واني اموري كويسه وامثل على اهلي لان ماابي اضيق صدورهم لين اليوم وانا نفسيتي في انهيار مكتئبه صابره كل هالايام وابكي ع السرير جنبه ويسمع صوتي يقولي ابغى انام اسكتي ولا يسالني وشفيك ولا شي انا مثل الجدار في حياته يروح الدوام ويروح لااصحابه ويرجع ينام حتى ملابسه مايخليني اغسلها واذا سويت اكل يطلع فيه مليون عيب ولا بحياتي اسوي شي ويعجبه بس اليوم انا تعبانه نفسيا مقدر اعيش مع رجال يعاملني بهالطريقه افكر بالطلاق لكن خايفه من ردة فعل ابوي |
ياقلبيه عليك والله وانا اختك حاولي تجلسين معه واساليه بالحرف الواحد ليه تزوجتني ان رد وكان رده مو مقنع والله ياخيتي لاتسكتين كلمي الاقرب لك امك هي تكلم مع ابوك ويحلون الموضوع بكل هدوء تبي بنتنا زوجه تحترمها وتعطيها حقوقها ولا بنتنا ترجع معززه مكرمه وانت بك القوم المهم راحتك ياخيتي نصيحه لاتضيعين عمرك مع شخص ماعرف قدرك عسى الله يصلح لك زوجك :eiwp: صحيح من ناحية ردة فعل ابوك دام شاف ان فعلا بنته مو مرتاحه راح يوقف معك لاتخافين حتى لو تتكلمين معه باسلوب وتفهمينه برواق صدقيني راح يعلمه قيمته يوم ماقدرك المهم فعلا لاتسكتين |
لماذا كلف على نفسه بالزواج ..! إن كان هناكـ عيب (ضعف لديه أو مشاكل أخرى ) فإن المدة من الملكة إلى الآن كفيلة بأن يُعالج نفسه .. ولو إفترضنا أن لديه تلكـ المشاكل المرضية فليس له عذر في أن يكون كالجدار أو الحجر الأصم بجانبكـ إن كان ملتزما ومصلياًّ فحاولي تذكيره بحقوقكـ الشرعية التي أحلها الله لكـ .. وقولي له قولا بليغاً في نفسه لعل ان يتعظ أو يتفكر ... * إن لم يتبدل الوضع فعليكـ مُصارحة والدتكـ فهي الوحيدة القادرة على مساعدتكـ بعد الله .. لا يُعتبر إخبار والدتكـ إفشاء سر من أسراركـ الزوجية فهذا حق من حقوقكـ ولم يُراعيه زوجكـ أسأل الله العلي العظيم أن يوفق بينكما ويباركـ لكما ويرقكم بالذرية الصالحة تحية طيبة |
، ومنتظره ايش يختي ،،! اخلعيه وريحي حالك منه بالله هذا زواج !؟ وفهمي ابوك كل شئ صدقيني ابوك بيتفهم موقفك ،،. وربي يرزقك باللي احسن منه ،،. |
الله يكون بعونك لو انك وافقتي عَ الاولى ارحمم لك .. وحتى ان كـآن عنده مشكله بِ الجهاز البولي يتعالج بس هذا نصيبكك زوجكك نفسيه صدقيني .. و لـزوم يتعالج ي امي اخلعيه وريحي نفسك هذا وهو متدين وعارف رب العالمين وحقوق المـرآءه كيف لو كـآن اكثر تدين مدي ايش بيسوي يمكن حتى يحط حازج بينك وبينه ع السرير سلامات .. وكمان صـآبره .. كلمي ابوكك قولي له انك مو مرتاحه ولساتك بنت و اثبتي له في المستشفى واشكي له الحال لا تكوني سـآكته تنظلمي .. واصلا حرام تجلسي مع زوجكك وهو حتى اصلا م لمسكك ... تعتبـرون اخوان ؟! كلمي اهلك و اتطلقي منوو وريحي عمركك افتكيتي من ابوك ورحتي للأخس من ابوكك الله يهديهمم :رحيق: |
عليكم السلام ورحمة الله وبركاته .. قد يكون عقاب لك لانك رفضتي ولد خالك فقط لان لديه مشكله في الجهاز البولي فهذا ليس عذر كي ترفضيه لانه لا يوجد اشكالية تمنعه من الزواج والانجاب وممارسة الجنس واعطائك الحق الشرعي انتي رفضتيه بلا سبب مقنع والان هذا خطأك انتي لانك انتي التي اخترتيه يكون زوجا لك الوحيد القادر على حل مشكلتك هو انتي ولا احد غيرك اقتباس:
مع احترامي حياتك مع رجل كهذا جحيم لا يطاق ومن حقك الحصول على حقوقك الشرعية والانجاب او حتى الاحاسيس والمشاعر تطلقي منه وعسى الله ان يكتب لك خيرا اسال الله لك التوفيق تحيتي |
| الساعة الآن 10:21 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا