|
تعقيب اكرهه زوجي صبحكم الله بالخير.. انا صاحبة مشكلة اكره زوجي انا وهو صرنا تمام ويكلمني عادي بس احسه مشغول ومضغوط يقولي مشغول بجدولة الشركه عشان يقفلون سنة 2016ويدخلون سنة 2017 ويقولي تعبان ومكروف ومضغوط مايسولف معاي كثير بس كيفك واخبارك وقفل وينام بدري ويصحى بدري طفشت طيب خصص لي وقت معين تكلمني فيييه !!! اش ذا والله ياناس ااشتاق له احبه احس اني وحيده بدونه .... ودي يسولف معي يجي يزورني طفششت ي عالم آبيه آبيه .. ولا ابي زواجنا يتم سألتو عن الزواج ليه مايخليه الحين قال انا ووين وانتِ وين!! ي بنت الله يهديك زوجي مدير موارد بشريه ولما اسالو عن شغله يقول نسوي تخطيط وهيكله واعادة مدري وشوو والله مافهمته بس زوجي مررره منفس مررره مرره ياربي ودي اعرف اش فيه مايقوولي والله والله... 😭😭😭 بس طفشان بدا العمل وذا البيت اللي يبني فيه تعبت ياررربي والله تعبت😭😭😭 اخر شي قاله لي ذا الكلام نسخته لكم بالحرف الواحد لما قلت له انت شكلك ماتبيني ::: عشان راح للبر جلس يومين فيها وماكلمني الا شوي وقفل عشان الشبكه وقال: اسمعي من الاخر انا اقولك باقي شهرين ونقفل 2016 ونسلم كل ماعندنا فضاوه سوالف تطنيش وغيره متى مااحس نفسي فاضي كلمتك ماني طاير او ميت اوغيره خرجت غيرت جو ابي نفسيتي للبر تكون ريحتني مابي فلاسفه حكي وغيره احترم تحترم تقدر تلقى كل خير كيف اتعامل مع زوووجي بالله كيفف ،،، والله ابيه حولي 24 ساعه انصحوني ماعندي لااخوان ولا خواات.. |
عليكم السلام ورحمة الله وبركاته ... اتركي الرجال في حاله دعيه على راحته هو فعلا ليس متفرغ لك اشغلي نفسك بشي اخر غير زوجك والا سوف تزيدينه نفورا منك ويتركك بالتوفيق تحيتي |
لو فكر يفسخ الخطبه اللي بينك وبينه حقيقتاً لا ألومه لأن وبكل إختصار إنتي ( إستكر إمريكي أصلي ) ترغبين تكوشين على الرجل في مرحلة الخطوبه غير مباليه بما ستقترفينه بحق نفسك بقول لك كلمه إذن ( لو تستمرين معه بنفس إسلوبك الآن لن يضل بقائكم مع بعض طويلاً ) لهذا ثمني أفعالك وتصرفاتك قبل فوات الأوان . |
لكل شخص ظروف حتى زوجك ! رغم انه يكرر لك ظروفه واسباب انشغاله الا انك تكررين حديثك اسمعي مني : قللي السؤال عن كل شيء اعتدتي ان تكرريه عليه ! بل دعيه ينعدم منك دعيه هو يسأل عنك يتسائل عن هدوءك وحينما يسألك لا تعودي كما السابق .. ابداً عزيزتي انتي تحملين له مشاعر ( حب التملك ) تريدينه 24 ساعه لديك ! سأخبرك ان مشاعر التملك هذه لا يحبها اي شخص كان ! لا تتعلقي به اشد التعلق لدرجة انك تريدينه يتحدث معك طوال الوقت ! هو لديه حياة يسعى لها وسأخبرك ايضاً رجل مثل زوجك عليك ان تشكري الله عليه لماذا ؟ فقليل ما تجدي رجال في هذا الزمن يحمل هم ( بيته + عمله ) ولديه طموح ! هو الان يفكر بالمستقبل لاجلك وانتي تفكرين بحاضرك هذا بشكل اناني وتملكي ! لا تتضايقي من ردي لكن عزيزتي ان اردتي ان تتمسكي بزواجك حتى يتم غيري هذه الصفة بك انتي ايضاً لديك حياة اشغلي نفسك بها ! فكري خططي لمستقبلك كيف سيكون بإذن الله لا تدعيه هو كل حياتك ! طالما انك الان لازلتي في بيت اهلك فكري بما حولك اكثر تقبلي واقع ان زوجك قليل الحديث ان لم تشعري منه شيء سيء او لم يصدر منه تصرف يُسيء لك اذاً توقفي عن التصرف هذا وتكرار الاحاديث تلك لانه مل هذا الشيء منك بالتأكيد انتي توقفي قليلاً صدقيني ستجدين منه التغيير بإذن الله وفقك الله واسعدك اينما تكوني |
الحب بلوة ، هذا اللي أقولة و انتي ابتليتي حاولي تكرهيه من جد و ما بتتعلقين فيه هالقد و أمورك معه تزين |
اثقلي عليه واركدي بعدها هو اللي راح يجيكي طاير ويشتاق لك انتي متعلقه فيه بالحيل فالحب مثل ماقالت مرجانه الحب بلوه فلابد ان تششغلي نفسك بشي اخر لاتكثري بالاتصال عليه او السوال تغيري عليه ولاتسئلي ولا تتصلي وهو بنفسه راح يوصلك |
| الساعة الآن 12:04 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا