|
ياليتنـا مـن حجنـا سالمينـا ** كـان الذنـوب اللـي علينـا خفيفـات عمركم سمعتو البيت الي يقول ياليتنـا مـن حجنـا سالمينـا ***** كـان الذنـوب اللـي علينـا خفيفـات هذه البيتين يتغنى بها كثير من الناس ويضربون بها الأمثال وبعضهم لا يعلم لما قيلت أو ما قصتها ... ننقل لكم ما ذكر عنها ياليتـنـا مــن حجـنـا .. سالميـنـا كان الذنوب اللي علينا خفيفـات رحنـا نبـي نخفـف ذنــوبٍ عليـنـا وجينا وعلينا كثرها عشر ..مرات القصيدة نابعه من موقف حصل للشاعر بصري الوضيحي الشمري كان بصـري من أجمل الرجال في صباه فاوغل في هواء البنـات ومضى به قطار العمر وعندما كبر في السن خذوه عياله للحج واثناء الطواف جاء عند الحجر الاسود وكان الحجر الاسود مزدحم من الناس ... رجال ونساء ... والرؤوس متقاربه بعضها البعض فتزاحم معهم بصري وابنه .. وعندما اقترب الى الحجر يريد تقبيله وجد بينه وبين الحجر خد فتاة جميلة كانت تريد تقبيل الحجر : وفي هذه اللحظة السريعة انبهر بصري الوضيحي من لمعان خد البنت وبدل مايحب الحجر حب وجنة البنت فقالت له البنت : حج ياشايب فخجل الوضيحي وقال لها ( يابعد حيي ) ازلقت الحبة ابيها بالحجر وصارت فيك فقال إبنه : تاه العود تاه العود وحاول ولده أن يرقع الموضوع قال هذا شايب تايه مهذري فقــال بصري : التايه اللي حججني وهو يعرف أن غبار السنين مامحا خضـار قلبي وقال بعد هذه الحادثة : التايـه اللـي جــاب .. بـصـري يقـنـه جدد جروح .. العود و العـود قاضـي جيـنـا نـحـج ... ونطـلـب الله جـنـه جنة نعيمٍ .. يوم يبس .. اللحاظـي ياليت .. كانت حبتـي .. فـي معنـه يوم العيـون عـن الخوامـل غواضـي يامـن يعاونـي علـى وصــف كـنـه اشقح .. شقاح .. ولاهقٍ ٍ بالبياضي لا ريحـتـه . قـشـرا ولا هي مصـنـه ريح النفل بمطمطمات .. الفياضي ونـهـود.. للـثـوب الحـمـر شولعـنـه حمرٍ ثمرهـنٍ واقفـاتٍٍ.. غضاضـي و الخـد .. ذابـوح ..القـلـوب المـرنـه بـراق مـزنٍ لاعــج الـلـون ..يـاضـي ياليت .. لو سني على وقم سنـه بايـام مـا بينـي .. وبينـه .. بغاضـي ايام جلـد.. الذيـب عنـدي .. محنـه نصبح وزرق الريش لهـن انتفاضـي وا جـرح قلبـي جــرح وادٍ .. وطـنـه غـر المـزون اللـي وطـنـه وفـاضـي والبيـض قبلـي محسـنٍٍ .. عذبنـه ونمرٍٍ على وضحا جرا له عراضـي والبيض .. كم مـن واحـدٍٍ يبسنـه يبست شماليل العذوق النفاضـي عـزي . لمـن غـر ..الثنـايـا .. كـونـه واركـن علـى كبـده كوايٍـا اعراضـي شوفي بعينـي و الخـدم .. يركبنـه بنـت الشيـوخ مخدميـن الحياضـي على اشقحٍٍ من زمل ابوها مظنه ركبت عليـه اتشنطـحٍٍ باعتراضـي بمشجرٍٍ من سـوق هجـرٍ ..مغنـه علـى خياطـه نـاب الارداف راضــي وين انت يالمشفٍي على طردهنـه انا طويـت ارشـاي واقفيـت قاضـي أحــدٍ يطـيـح بـنـار وأحـــدٍ ..بـجـنـه وترى الحظيظ اللي له الرب راضي ويقال ان بصري يوم رجع لأهله انشـدوهـ جماعته وشلون الحج معكـ يا بصري ! فقال مقولته المشهوره: ياليتـنـا مــن حجـنـا .. سالميـنـا كان الذنوب اللي علينا خفيفـات رحنـا نبـي نخفـف ذنــوبٍ عليـنـا وجينا وعلينا كثرها عشر مرات **** الله يغفر له ويرحمه هاذي قصت الوضيحي |
عزوز كلمات ذوق وحرف جميل سلمت يداك والف شكر لك دام جديدك بكل شوق / |
تسلم اخوي نورت :81: |
ياليتـنـا مــن حجـنـا .. سالميـنـا كان الذنوب اللي علينا خفيفـات رحنـا نبـي نخفـف ذنــوبٍ عليـنـا وجينا وعلينا كثرها عشر مرات الله يرحم قايلها ويسلم لنا ذوق ناقلها قصيدة ولا اروع ومعروفه لدى الجميع وكلماته كلها حكم ودرر |
تسلم سارى نورت الله يسعدك ماقصرت :x150: |
قصه رائعه وابيات اجمل سلمت على روعه طرحك نترقب المزيد من جديدك الرائع دمت ودام لنا روعه مواضيعك تستاهل التقيم والنجوم تحيتي لك |
| الساعة الآن 07:14 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا