الذنوب كبار و الوالي شفوع راحت الايام و الخاطر جزوع والظروف تسوقنا ونسوقها رحلة الدنيا ذهاب بلا رجوع تحت الأرض اكثر من اللي فوقها والحظيظ اللي من الدنيا قنوع عاقبٍ كل الفتن و طروقها والله إني باللحم ماني قطوع والعهود الوافية مابوقها المحبة سحر والفرقا تلوع كم عشيقة فارقت معشوقها الحياة تطوّع اللي ما يطوع مثل تطويع الرعاة لـ نوقها والرحى تطحن محاصيل الزروع والعيون تخيل نوض بروقها الحياة تخلّي النايم يثوع والأماني من قطف زملوقها الحياة أفراح واحزان ودموع والأمل نور الحياة و ذوقها تختلف روس الرجال من التبوع والرجال تبين من منطوقها بالسلوم وبالمذاهب والطبوع دبرة الخلّاق في مخلوقها وعادة الحاسدمن الطيّب بشوع يحسده في لقمته لايذوقها كثرت عفون العرب من كل نوع سمِّها ببطونها و شدوقها الله أعلم وش ورى عوج الضلوع السراير في بطن صندوقها النخيل اللي لها تمر و فروع طيّبة في طلعها و عروقها والأثل لو له عروق و له جذوع مابه إلا الدود يرعى عذوقها السنة مثل الشهر و الّا السبوع والاوادم مالحقت ملحوقها أمس يوم السبت و اليوم الربوع ماسرع من غيابها إلّا شروقها أطلب الله في صلاتي بالخشوع كان ضاقت بي جميع طروقها الذنوب كبار و الوالي شفوع لو وصل ذنب البشر لحلوقها |
ماشاء الله عزوز ابداااااااع كلمات قمه في الروعه الله يعطيك العافيه ننتظر جديدك :81::81::81: |
:MonTaseR_222: اديان نورتي |
ذائقه جميله صح لسان قائلها أبدعت في آلانتقاء دام ابداعك وتألقك دمت بخير وسعاده |
كلمات جميلة اخ عزوز ويسلم لنا ذوقك الرفيع ^-^ ودي لكـ ياغلاهم |
شكرا :MonTaseR_2: اسعدني مرورك |
صح لسانك يسلمووو |
صح لسان الشاعر قصيده جزله اختيار رائع سلمت على روعه طرحك نترقب المزيد من جديدك الرائع دمت ودام لنا روعه مواضيعك تقيم ونجوم تحيتي لك |
شكرا ع مرورك وع تقييمك :MonTaseR_11: نورت |
سلمت انآملك على الطرح المميز ويعطيك العافيه على المجهود المبذول ماننحرم من فيض عطائك وإبداعك لك تحيآتي وفائق شكري :81::81::81::81: |
صح بدنك :MonTaseR_11: شكرا نورتي |
الساعة الآن 11:31 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا